Giovanni Pascoli

Traduction in Interlingua per Francesco Galizia



Giovanni Pascoli (San Mauro di Romagna, 31 decembre 1855 – Bologna, 6 april 1912) es stato un poeta, academico e critico litterari italian, figura emblematic del litteratura italian de fin Octocento, considerate insimul a Gabriele D'Annunzio, le major poeta del decadentismo poetic italian, anque si le su formation es eminentemente positiviste. Ille, anque si non participava activemente ad alicun movimento litterari del epocha, ni monstrante particular propension verso le poesia europee contemporanee manifestava in le proprie production tendentias prevalentemente spiritualistic e idealistic, typic del cultura de fin seculo signate per le progressive exhaurir se del positivismo. Complexivemente le su opera appare percurrite ab un tension constante inter le vetule tradiction classiciste hereditate per le maestro Giosuè Carducci, e le nove thematic decadente. Resulta de facto difficile comprender le ver significato del su operas plus importante, e ignorar le dolorose e tormentose presupposition biographic e psychologic que ille mesme reorganisava per tote le vita, como systema semantic de base del su mundo poetic e artistic. Ab le Fanciullino (Pueretto), articulo programatic publicate per le prime vice in le 1897, emerge un conception intime e interior del sentimento poetic, orientate al valorisation del particular e del quotidian, e recuperar un dimension infantil e quasi primitive. De altere parte, sol le poeta pote exprimer le voce del "fanciullino" presente in cata uno de nos: iste idea consente a Pascoli de revendicar per se ipse le rolo, de "poeta vate", e confirmar al mesme tempore le utilitate moral e civil del poesia.

 

Biographia:

Giovanni Pascoli nasceva le 31 decembre del 1855 a San Mauro (hodie San Mauro Pascoli in su honor) in provincia de Forlì, in un familia benestante, quarte del dece filios - duo del quales morite multe parve – de Ruggero Pascoli, administrator del ferma Le Turre del familia del prince Torlonia, longe le Rio Salto, e de Caterina Vincenzi Alloccatelli. Le su familiares le clamava affectuosemente "Zvanì" in dialecto romagnol. Ille era mandate a studiar, depost le prime elementar, a Urbino in le collegio religiose “Raffaello”, con le fratres Luigi e Giacomo, plus grande de ille, e Raffaele. Quando Giovanni habeva undece annos, habeva le notitia del morte del patre, occise in un imboscada le 10 augusto 1867, durante que, sur le proprie cabriolet, parve carro con duo rotas, retornava a casa ab Cesena. Le ration del delicto, forsan de natura politic o forsan debite a contrastos de labor, non esseva jammais clarificate e le responsabiles remaneva incognite; nonobstante tres processos celebrate e que le familia suspectava sur le identitate del assassinos, como transpare evidentemente in le poesia Le cavalla storna: le probabile mandante era de facto, Pietro Cacciaguerra (al qual Pascoli face referentia, sin nominar le, in le lyrica Inter San Mauro e Savignano), propretario et experte fermero, qui sera successivemente agente per conto del prince Torlonia, coadjuvante le administrator Achille Petri, qui subsitueva Ruggero Pascoli depost le delicto. Le duo assassinos, le cuje nomine esseva pronunciate a voce basse a San Mauro, il era Luigi Pagliarani, e Michele Dellarocca, fomentate probabilemente ab le presumpte mandante. Sempre ab Pascoli era scripte un poesia in recordo del assassinio del patre, X augusto, le nocte de Sancte Lorenzo, le mesme nocte in cuje moriva le patre. Le trauma lassava signos profunde in le poeta; le familia initiava a perder gradualmente le proprie stato economic e successivemente a subjacer un serie de luctos, e constringite a lassar le ferma. Le anno successive moriva le soror Margherita de typho, e le matre per un attacco cardiac, in le 1871 le fratre Luigi, colpate per le meningite, e in le 1876 le fratre major Giacomo, anque ille per le typho. Ab nove studios anque le fratre major, qui habeva tentate inutilemente de reconstituer le nucleo familiar a Rimini, poterea esser stato assassinate, forsan invenenate. Giacomo de facto in le anno in cuje moriva habeva le carga de assessor communal e cognosceva personalmente illes qui habeva partecipate al complot per occider le patre, ultra al facto que le juvene fratres Pascoli (in particular Raffaele e Giovanni) se era avicinate a tal puncto al veritate sur le delicto, ab esser menaciate de morte. Intertanto le duo soror Ida (1863-1957) e Maria (1865-1953), las vadeva a studiar in le collegio del convento del monachas de Sancte Augustino, a Sogliano al Rubicone, ubi viveva Rita Vincenzi, soror del matre Caterina, e illas remaneva illac dece annos. Exite in le 1882, ab le convento, Ida e Maria rogava adjuta al fratre Giovanni, qui depost le doctotato inseniava al lyceo Duni de Matera, rogante le de viver con ille, facente fortia sur le senso del deber e de culpa de Giovanni, le qual durante le 9 annos de studios, non se era plus interessate del sorores. In le biographia scripte per le soror Maria, Longe le vita de Giovanni Pascoli, le futur poeta es presentate como un puero solide e vivace, le cuje character non es stato alterate per le disgratias; per annos, le su reactiones esseva volitive e tenace, in le impegno a terminar le lyceo e a cercar le medios per prosequer le studios universitari, e a recercar le assassinos del patre. Le 19 octobre 1871 al etate de quindece annos e depost le morte del fratre Luigi, Pascoli debeva lassar le collegio Raffaello de Urbino, e se transfereva a Rimini, per frequentar le lyceo classic Giulio Cesare. Giovanni perveniva a Rimini, insimul al su cinque fratres: Giacomo (19 annos), Raffaele (14), Alessandro, (12), Ida (8), Maria (6, clamate affectuosemente Mariù). Giovanni Pascoli terminava le studios lyceal a Cesena, depost haber frequentate le gymnasio e le prestigiose Lyceo Dante de Florentia. Gratias a un bursa de studio de 600 liras, Pascoli se inscribeva al Universitate de Bologna, ubi habeva como docentes le poeta Giosuè Carducci e le latinista Giovanni Battista Gandino, e deveniva amico del poeta e critico Severino Ferrari. Cognoscite Andrea Costa se avicinava al movimento anarco-socialista, e initiava, in le 1877, a tener comitios a Forlì e Cesena. Depost le doctorato consequite in le 1882 con un these sur le poeta grec Alceo, Pascoli initiava le carriera de inseniante de latino e greco in le lyceos de Matera e Massa. Depost le vicissitudes e le luctos, le poeta habeva finalmente retrovate le joia de viver e de creder ln le futuro. Le 22 septembre 1882 era stato initiate al masoneria, presso le logia "Rizzoli" de Bologna. Ab le 1887 al 1895 inseniava a Livorno al Gymnasio-Lyceo "Guerrazzi e Niccolini", e in le su archivo on trova ancora litteras e notas scripte ab ille. Intertanto initiava le collaboration con le revista Vita nove, sur le qual exiva le prime poesias de Myricae, un recolta de poesias que ha per motto: «arbusta iuvant humilesque myricae», liberemente tracte ab le versos initial del quarte egloga per Virgilio (Sicelides Musae, paulo maiora canamus. Non omnis arbusta iuvant humilesque myricae: «Musas de Sicilia, eleva nos le tono del canto. Non a tote place le arbustos e le humile tamarices»), recolta que continuava a renovar se in cinque editiones usque al 1900. Pois publicava le Poemettos (1900). e le Cantos de Castelvecchio (1903), Odes e Hymnos (1906), le recoltas de prosas: Pensatas e discursos, (1907); Patria e humanitate (post., 1914); Antique sempre nove. (post., 1925). Ma le melior del su opera de critico es in le duo anthologias latin (Lyra, 1895; et Epos, 1897) e in le duo italian (Sur le limitar, 1899; e Flor de flor, 1901). Vinceva in ultra per dece-tres vices le medalia de auro al Concurso de poesia latin de Amsterdam, con le poema Veianus e con le successive Carmina. Altere operas de argumento roman, inspirate sia al historias politic (Res romanae) sia al litteratura de Roma (Liber de poetis), e de argumento christian (Poemata christiana). In le 1894 era clamate a Roma per collaborar con le Ministerio del publica instruction. In le capital faceva le cognoscentia de Adolfo de Bosis, qui invitava Pascoli a collaborar al revista Convito (ubi essera publicate alicun sue poesias reunite in le 1904 in le volumine Poemas convivial), e Gabriele D'Annunzio, le qual apreciava ille, e definiva Pascoli como le ultime filio de Virgilio, anque si le reporto inter le duo poetas esseva sempre complexe. Pascoli como herede de Carducci, e pro isto poeta del historia e del gloria national, scribeva: Le cantiones de rege Enzio, publicate inter. le 1908 e le 1909, le Poemas italic, 1911, e Le poemas del Resurgentia, 1913. Devenite professor universitari in le 1895, es constringite per le su profession a laborar in plus citate (Bologna, Messina e Pisa), ille non se radicava jammais in illos, proque le su mundo de origine, era cello agreste. In le estate del 1895 de facto se transfereva con le soror Maria in le Valle del Serchio, in le parve burgo de Castelvecchio in le commun de Barga, in Garfagnana, ubi allogiava in un casa que devenira le su residentia quando in le 1902 le poteva acquirer. Depost le matrimonio del soror Ida con Salvatore Berti, Pascoli vivera pois alicun menses de grande suffrentia per le indifferentia del soror Ida per ille e le continue requestas economic per parte de illa e del marito, vivente le facto como un profunde ferimento depost le dece annos de sacrificios e dedition al sorores, a causa del quales le poeta habeva de facto plus vices renunciate al amor. Como con le fidantiamento con le cosina Imelde Morri de Rimini, depost del nuptias de Ida, organisate sin que Maria sapeva de illo, demonstra de facto le real intention del poeta. De fronte al desperation de Maria, qui non haberea jammais acceptate de sposar se, ni le ingerentia de un altere femina in casa sue, Pascoli ancora un vice renuncera al proposito de vita conjugal. Se pote affirmar que le vita moderne del citate non entrava jammais, non mesmo como antithese, como contrasto polemic, in le poesia pascolian: ille, non exiva jammais ab le su mundo, que constituiva, in tote le su production litterari, le unic grande thema, un specie de microcosmo clause sur se ipse, como si le poeta habeva besonio de defender lo ab un menaciose disordine externe, sempre sin nomine e obscur, sin referentias e sin identitate, como era stato le assassino de sue patre. Sur le tormentate reporto con le sorores: le "nido" familiar que ben presto deveniva "toto le mundo" del poesia de Pascoli. In particular se faceva difficile le reporto con le fratre Alessandro, qui mitteva plus vices in embarasso Giovanni a Bologna, qui se inebriava continuemente in publico in le tavernas, e con le marito de Ida, le qual in le 1910, post haber habite in prestation del monetas ab Giovanni, partiva per le America lassante in Italia le uxor e le tres filias. Le transformationes politic e social que agitava le annos de fin seculo e preludeva al Grande Guerra jectava progressivemente Pascoli, emotivemente exhaurite per le ulterior fallimento del su tentativa de reconstrution familiar, in un condition de insecuritate e pessimisme ancora plus marcate, que conduceva ille in un phase de depression e in le abysso del alcoholismo: le poeta abusava de vino e cognac. Le su unic consolation son le poesia, e le su "nido de Castelvecchio", depost le perdita del fide transcendental, cercate e advertite comocunque in le senso del mysterio universal, in un sorta de agnosticismo mystic. Durante que inseniava latino e greco in le varie universitates ubi habeva acceptate le carga, publicava anque le volumines de analyse dantesc Minerva obscur (1898), Sub le velame (1900) e Le Mirabile Vision (1902). In le 1906 assumeva le cathedra de litteratura italian al Universitate de Bologna succedente al maestro Giosuè Carducci. Hic habera alumnos qui essera pois celebre, como Aldo Garzanti. In le novembre 1911, presentava al concurso indicite per le Commun de Roma pro celebrar e festear le cinquantesime anniversario del Unitate de Italia, le poema latin Hymno a Roma in cuje reprendente un thema del Eneides per Virgilio, jam anticipate in le ode Al corbezzolo, (Arbutus unedo) exalta Pallantes filio de Evandro rege del Arcades, como le prime morto per le causa national, occise ab Turno, e pois deponite sur ramos de corbezzolo que con le flores blanc, le bacas rubie e le folias verde, son viste como un anticipation del bandiera tricolor. Initiate le guerra italo-turc, per le conquesta de Libia, ille presso le theatro de Barga pronunciava le celebre discurso a favor del interprisa: Le Grande Proletaria se es movite, ille sustene de facto que le Libia sia parte del Italia irredente, e que le interprisa sia anque a favor del populationes subjecte al Turchia, ultra que positive per le paisanos italian, qui habera nove terras. Se tracta, in sustantia, non de nationalismo ver e proprie, ma de un evolution del su utopias socialiste e patriottic. Le 31 decembre 1911 ille compliva 56 annos; sera le su ultime compleanno: poco tempore depost le su condition de sanitate pejorava. Le medico consiliava a ille de lassar le casa de Castelvecchio e transferer se a Bologna, ubi le es diagnosticate le cirrhosis hepatic per le abuso de alcohol; in le memorias del soror es in vice affirmate que era malade de hepatite e tumor al hepate. Le certificato de morte reporta como causa un tumor al stomacho, ma es probabile que era stato redigite per le medico sur requesta de Maria. Le maladia portara ille al morte le 6 april 1912, un Sabbato Sancte vigilia de Pascha, in le su casa de Bologna, in via del Osservanza n. 2; Pascoli esseva sepulte in le cappella annexe al su demora de Castelvecchio de Barga, ubi sera inhumate anque le amate soror Maria, sue biographa, nominate herede universal in le testamento, e curatrice de tote le operas postume.

Giosuè Carducci

Traduction in Interlingua per Francesco Galizia

Giosuè Alessandro Giuseppe Carducci (Valdicastello di Pietrasanta, 27 julio 1835 – Bologna, 16 februario 1907) es stato un poeta, scriptor, critico litterari e academico italian. Era le prime italiano a vincer le Premio Nobel per le Litteratura, in le 1906.

 

Biographia:

Giosuè Carducci nasceva le vespere del 27 julio 1835, a Valdicastello, et esseva baptisate in le ecclesia local le die successive. Era filio de Michele Carducci (1808-1858) e de Ildegonda Celli,(1815-1870). Per labor le patre lassava Valdicastello, e iva a Serravezza, ubi nasceva Dante le secundogenito (1837), usque al 1838, quando le familia se transfereva a Bolgheri, ubi Michele obteneva un conducta medic in le feudo Della Gherardesca, e nasceva le tertie filio, Valfredo (1841). Michele habeva un bibliotheca, in cuje se reflecteva le su predilection classico-romantic e celle revolutionari. Hic Giosuè discoperiva le Iliades, le Odyssea, le Eneides, le Jesuralem liberate, le Historia roman per Charles Rollin e le Historia del Revolution francese per Adolphe Thiers, ultra al lecturas de Manzoni e Pellico. In iste annos initiava a componer alicun versos, le Satira a un domina (1845) e le Canto al Italia (1847), le sonetto A Deo e le novella Le prisa del castello de Bolgheri. (1848). Le ideas politic de Michele Carducci, los constringeva a transferer se ante a Castagneto e pois a Lajatico, con le mesme problema. Assi que le 28 april 1849 le familia Carducci vadeva a Florentia ubi le primogenito, de dece-quatro annos, cognosceva Elvira, de quindece annos, filia del sartor Francesco Menicucci e del su prime uxor, ille habeva sposate in secunde nuptias le soror de Ildegonda Celli et era devenite assi parente del familia. Le 15 maio initiava a frequentar le lyceo del Schola Pie, al curso de Rhetorica (1849- 1851). In le april 1851, le familia se transfereva a Celle sur Rigo sur le Monte Amiata, ma le juvene Carducci remaneva a Florentia per continuar le studios. Inter le 1850 e le 1853, scribeva le odes Invocation e A Giulio, le hymnos (A Phebo Apolline, A Diana Trivia) e le cantos de inspiration horatian Lai de un trobator e le Ultime canto del poeta. Al schola era admittite per le annos 1851-1852 al curso de scientias; geometria e philosaphia. In celle periodo Carducci, habeva un predilection per le poetas classic del antiquitate, stimulo moral e patriottic. Totevia, le su natura passional lo portava anque a contacto con le romanticos, supertoto Schiller e Scott, e se enthusiasmava per Leopardi e Foscolo. Existeva, presso le Schola Pie, le Academia del «Filomusi», de cuje faceva parte le melior alumnos, como Carducci, Nencioni e Gargani. In iste Academia, in le 1853, esseva legite alicun versos de Carducci que los colpava le canonico Ranieri Sbragia, qui era rector del Schola Normal Superior de Pisa, assi al fin del 1853, se inscribeva al Facultate de Litteras. Intertanto, al «Filomusi», in le septembre 1854, era notate ab Pietro Thouar, fundator del jornal Lecturas de familia, le qual publicava un appendice intitulate Le Arpa del populo, Thouar offeriva a Carducci de laborar a iste supplemento, e ille acceptava. Le 2 julio 1856 consequeva le doctorato in philosophia e philologia con le these Del poesia cavalleresc o trobadorica, hymno, al resurgentia intellectual, un laude a Cielo d'Alcamo, al poetas del stylnove, a Sancte Francisco de Assisi e a Dante. Carducci in le dies libere vadeva a Florentia, per passar del tempore con le amicos, Giuseppe Torquato Gargani (1834-1862), Giuseppe Chiarini (1833-1908), Ottaviano Targioni Tozzetti (1833-1899), Enrico Nencioni (1837-1896). Insimul a Nencioni e Chiarini initiava a publicar, in le 1855, del versos in le Almanac del damas, e in le 1856 Giosuè publicava in le Appendice al Lecturas de Familia un traduction del prime Georgica virgilian e del Epodo VII per Horatio. Con le amicos florentin creava anque le gruppo antiromantic del Amicos pedante. In le 1856, depost haber passate le estate a Santa Maria al Monte, cantate in le sonetto O car al pensata mie terra gentil, era acceptate, al Gymnasio de San Miniato. Esseva accompagnate ab Ferdinando Cristiani e Pietro Luperini, duo collegas a cuje esseva assignate respectivemente le inseniamento del grammatica e del humanitate. Carducci habeva le cathedra de rhetorica. Cristiani habeva le idea de publicar le poesias de Carducci, ab le patriottic ode Al italianos, al Canto al Musas, al ode A Phebo Apolline, usque al sonettos e al balladas, le libro era publicate le 23 julio 1857, componite ab 25 sonettos, 12 Cantos e al Essayos. In le mesme anno prendeva un casa a Florentia vicin al familia Menicucci, e se fidantiava con Elvira. A octobre 1857 le juvene poeta propone a Gaspare Barbera un edition de tote le operas per Angelo Poliziano. Ultra ad acceptar le labor polizianee, offereva a Carducci cento liras toscan per omne volumine de cuje curava le parte philologic. Giosuè assi laborava al Satiras e poesias minor per Vittorio Alfieri e a Le Situla rapite per Tassoni. Le vespere del 4 novembre 1857, a Santa Maria al Monte, le fratre Dante se suicidava. Le patre pro le dolor cadiva malade, e le 15 augusto 1858, Giosuè vadeva a casa, ma quando arrivava Michele era jam morite, Giosuè portava le familia a Florenia. Con le Amicos pedante fundava le jornal le Poliziano, Carducci scribeva pro Barbera per le Collection Diamante: Del prince e del litteras, le Poesias per Lorenzo de' Medici, le Lyricas per Monti, le Rimas per Giuseppe Giusti, le Satiras e odes per Salvator Rosa e le Poesias per Dante Gabriel Rossetti. Le 7 martio 1859 se sposava con Elvira Menicucci, con la qual habera cinque filios (Francesco morite post poc dies del nascentia, Dante morite a tres annos (1870), Bice, Laura e Libertà) Intertanto le Granduce Leopoldo II era stato chassate le 27 april, e le advento del governamento provisori de Bettino Ricasoli, Carducci componeva le cantion a laude de Vittorio Emanuele, que habeva grande successo, como le ode Al Cruce de Savoia. Acceptava le nomina a professor de italiano e latino del lyceo Niccolò Forteguerri de Pistoia. Le12 decembre 1859, nasceva Beatrice (Bice), le prime filia, e le familia se transfereva a Pistoia in le jenuario 1860. In citate frequentava le casa del poetessa irlandese Louisa Grace Bartolini (1818-1865), sposa del ingeniero Francesco Bartolini, le salon era frequentate ab Procacci, Fornaciari, Gargani e Chiarini. Carducci sapeva del expedition de Garibaldi in Sicilia, e qui Targioni e Gargani les era partite a combatter pro le Patria. Ille remaneva ad assister le matre qui suffreva per le perditas del filio e del marito; le passion patriottic se exprimeva in le ode Sicilia e le Revolution. In le jenuario 1860 a Torino era stato nominate ministro del Instruction Terenzio Mamiani, qui le 18 augusto, inviava a Carducci un littera con le qual diceva de esser honorate si Carducci acceptava un cathedra. Assi con decreto del 26 septembre 1860 habeva le cathedra de Litteratura italian presso le Universitate de Bologna, usque al 1904. Le15 jenuario 1861 initiava le lectiones del litteratura italian ante de Dante. A julio Gargani attingeva le amico, a Bologna, e insimul passava le mense de augusto a Florentia, a septembre arrivava anque Chiarini, qui a Torino collaborava al Revista italian. In le secunde anno teneva un curso sur Petrarca. Postea le arresto de Garibaldi, scribeva le poesia Depost Aspromonte. Intertanto continuava le collaboration con Barbera; in le 1862 publicava le Poesias per Cino da Pistoia e le Cantos e Poemas per Vincenzo Monti, e le anno successivo per le Collection Diamante, le De rerum natura per Lucretio. Le 1864 era le anno de nascentia de Laura, le filia secunde genita. Inter le 1863 e le 1865 scribeva per le Revista italian sub le direction de Chiarini, le Rimas de Dante e Del varie fortuna de Dante. Se dedicava al studio del german e de poetas como: Klopstock, Goethe. Schiller, Uhland, Von Platen e Heine. In le augusto 1867 era invitate a passar a Pieve Santo Stefano, in le Valle Tiberina, un periodo in casa del familia Corazzini. Insimul visitava le fontes del Tibere, e le experientia era de inspiration per le poesia Al amicos del valle Tiberine. Se enthusiasmava per le expedition sur Roma, ma le dolor prendeva le poeta al notitia del morte de Enrico Cairoli, e le ferimento de Giovanni a Villa Glori e del detention de Garibaldi al fortalessa del Varignano, le ira era expresse in le strophas del Meminisse horret, scripte a Florentia. Publicava, le 1º junio 1868, a Pistoia, con le pseudonymo de Enotrio Romano, le recolta Levia Gravia. Le3 februario 1870, moriva le matre, le dolor era forte, ma non como illo del filio predilecte Dante, nascite le 21 junio 1867 e morite le 9 novembre 1870, al filio dedicava le celebre poesia de Plancto antique. Le1º martio 1872 nasceva le ultime filia, Libertà, qui sera clamate Tittì. Barbera intertanto proponeva a Carducci de publicar un libro que colligeva tote le su poesias, ab le prime al ultime, e in le februario 1871, appareva le Poesias, subdivise in tres partes: Decennales (1860-1870), Levia Gravia (1857-1870) e Juvenilia (1850-1857). Continuava con le composition de iambos (Idyllio Maremman) et epodos, sonettos (Le bovo) e odes. Iste e altere textos vadeva a formar in le 1873, le Nove poesias, 44 compositiones, con le Primaveras hellenic. Ma Carducci voleva pois abandonar le poesia social e retornar al prime amor: le classicitate. In le 1873, exiva le prime Odes barbare, (1877-1889) le prime es Al Aurora; le secunde es le Ideal, del 1875 es le Preludio, concepite, como poesia introductive al integre recolta. Le 14 odes attacca le catholicismo, exalta le imperio roman et exprimeva le su vision del mundo, del historia e del natura. Le modellos son: Homero, Pindaro, Theocrito, Virgilio, Horatio, Catullo, e anque Dante, Petrarca, Foscolo. De iste annos es le ample production poetic que sera recolta in le Rimas Nove (1861-1887). Prosequeva le inseniamento universitari e al su schola se formava personalitate como: Giovanni Pascoli, Severino Ferrari, Giuseppe Albini, Adolfo Albertazzi, Renato Serra, Niccolò Rodolico, Alfredo Panzini, Manara Valgimigli, Luigi Federzoni, Flaminio Pellegrini et Emma Tettoni. In le menses de julio e octobre 1877 era commissario per le exames lyceal a Perugia, et era attrahite ab Assisi que inspirava a ille le sonetto Santa Maria degli Angeli - dedicate a Sancte Francesco - e le Canto del Amor. Le 4 novembre 1878 arrivava a Bologna in visita le rege Umberto I° e Margherita de Savoia, Carducci, vide passar Margherita blonde e belle. Le regina era un admiratrice del su versos, in particular del Odes barbare. Giuseppe Zanardelli diceva a Carducci qui Margherita habeva declamate a ille, le ode Al Victoria. Margherita voleva parlar con Carducci, e assi le 6 novembre, ab un parte le rege salutava Benedetto Cairoli, e Carducci guardava a longe, le blonde dulcessa del sanguine saxon, que pareva temperar le su character. Incantate ab tante finessa e per le parolas de laude recipite in le colloquio, qui le 17 novenbre deticava al soverana le ode Al regina de Italia. Esseva accusate de esser se convertite al monarchia, ma Carducci non renegava le proprie fide republican, e le amor per le patria. Con le longe articulo Eterne feminin regal, scripte per le “Cronaca bizantina” le 1º jenuario 1882, cercava de clarir iste conceptos. Ferdinando Martini fundava a Roma in le 1879 le septimanal litterari, Le Fanfulla, e Carducci publicava sur le revista le odes barbare: Al Certosa de Bologna, Per le Chiarone, Le matre, Sonio de estate, Un vespere de sancte Petro, insimul ad altere sex poesias e alicun prosas. Le filia primogenita Beatrice le 20 septembre 1880 sposava le professor Carlo Bevilacqua (1849-1898). Carducci vadeva per le prime vice a Roma in le 1874, e poteva vider sol le Colosseo e le Thermas de Caracalla. Le citate que con le su historia inspirava le duo barbare: In le annual del fundation de Roma e Avante al Thermas de Caracalla. Inter le1881 e le 1884 Carducci scribeva per le Cronaca bizantina, 17 poesias e 21 scriptos in prosa, e publicava le tres volumines de Confessiones e Battalias, e le Conversation critic (1882 – 1884). Con decreto regal del 12 maio 1881, Carducci era nominate membro del Consilio Superior del Instruction. Le poesias politic e civil del quinquennio 1867-72, los conflueva in le Iambos et Epodos (octobre 1882), pois publicava le Nove Odes Barbare (martio 1882) le discurso Per le morte de Garibaldi, e le barbare Scolio de Quarto, (1884). Carducci in le 1885 per le Pascha va a casa del filia Beatrice, a Livorno, e al retorno a Bologna face halto a Castagneto, e retrovava le locos del infantia. Al fin del anno scholastic vadeva in Carnia a Piano de Arta ubi cribeva duo poesias: In Carnia e Le commun rustic. Le anno sequente vadeva a Caprile in Veneto, ubi poteva terminar le celebre Avante San Guido, insimul ad altere poesias que los entrava pois a facer parte del Rimas nove. Intertanto, Laura le secundogenita le 20 septembre 1887 habeva sposate a Bologna Giulio Gnaccarini. Le poeta initiava a ordinar tote le su scriptos per le su Opera omnia, que essera le vinte volumines del Operas et essera necessari vinte annos per terminar le projecto: le prime libro era publicate le 30 jenuario 1889, le vintesime exira postume in le 1909. Le 2 septembre 1889 Libertà, le ultimegenita, sposava le professor Francesco Masi, e le 31 octobre ille publicava le Tertie Odes barbare, que contineva un nove poesia in laude del regina, Le liuto e le lira. In maio 1890, se transfereva in le casa hodie note como Casa Carducci, remaneva hic usque al morte, in cuje se trova le museo, le bibliotheca e le archivo private del scriptor. Le 4 decembre esseva nominate senator e in le annos del su mandato appoiava Francesco Crispi, e le su politica conservator. In le estate 1892 vadeva a Pieve di Cadore, ubi componeva le ode Cadore. e le Antique laudes cadorin. Retornate a Bologna, scribeva duo essayos theatral, un sur le Rege Torrismondo e le altere era le Aminta. Al postmeridie, del 6 februario 1896, Carducci esseva festeate in le sala major del Archigymnasio. Le 25 augusto 1896, moriva Enrico Nencioni, e duo annos depost moriva Carlo Bevilacqua, marito de Bice, Carducci vadeva a Livorno e portava le filia e le cinque nepotes a Bologna. Scribeva le prefaction del Rerum Italicarum Scriptores per Ludovico Muratori. Gabriele D'Annunzio perveniva a Bologna le 11 april 1901; per le representation del su Francesca da Rimini, per le occasion D'Annunzio e Carducci se incontrava in le redaction de Il Resto del Carlino. Carducci in le 1904 era constringite a lassar le inseniamento per motivos de salute, le succedeva Giovanni Pascoli. In le 1906 le Academia de Svedia conferiva a ille le Premio Nobel per le Litteratura, ma le poeta, jam malade, non vadeva a Stockholm, recipeva sol le ambassator de Svedia in Italia. Moriva in le su habitation le 16 februario 1907.

BON NATAL FELICE ANNO NOVE 2020

Alessandro Manzoni

Traduction in Interlingua per Francesco Galizia.

Alessandro Manzoni, (Milano, 7 martio 1785 – Milano, 22 maio 1873), era un scriptor, poeta, e dramaturgo italian. Es considerate un del major romanceros italian de tote le tempores per le su celebre romance Le Promisse sposos, fundamento del litteratura italian. Manzoni habeva le merito principal de haber create le basis per le romance moderne e de haber assi patronisate le unitate linguistic italian, sur le sulco de ille litteratura moral e civil proprie del Illuminisme italian. Passate ab le stylo neoclassic a celle romantic, Manzoni, devenite fervente catholic con tendentias liberal, lassava un signo indelibile anque in le historia del theatro italian e in celle poetic. Manzoni era in contacto epistolar con le melior cultura intellectual francese, con Goethe, con Antonio Rosmini e, con le novitate esthetic britannic (influxo de Sir Walter Scott pro le romance).

 

Biographia:

Alessandro Manzoni proveniva, ab le latere materne, ab un familia illustre, le Beccaria, le granpatre materne de Manzoni, era Cesare Beccaria, autor del tractato Del delictos e del penas. Plus modeste era le familia paterne, don Pietro Manzoni, le patre de Alessandro, descendeva ab un nobile familia, le ancestre de Alessandro, don Pietro Manzoni (1657-1736) habeva recepite le feudo de Moncucco de Mirasole, in Pedemonte in le 1691, e per iste conte, ma le titulo a Milano non era valide proque "estranie". Roma le 28 junio 1872, recognescera le su derecto al titulo de conte que sera mantenite ab le su descendentia. Depost le separation del genitores, le 13 octobre 1791, Manzoni esseva accompaniate per le matre al collegio Sancte Bartolomeo de Merate, ubi remaneva cinque annos. In le april del 1796 vadeva al collegio de Sancte Antonio, a Lugano, in cuje remaneva usque al septembre del 1798. Per pois retornar, le 7 augusto 1799, a Milano al collegio Longone usque al junio 1801. Alessandro, faceva amicitia con Giulio Visconti e Federico Confalonieri qui esseva sue companiones de classe. Un die del anno scholastic 1800-1801, le alumnos recipeva un visita per Vincenzo Monti, qui ille considerava le plus grande poeta vivente. Le formation cultural de Manzoni era basate sur le mythologia e litteratura latin, duo, son le autores classic predilecte, Virgilio et Horatio, ultra al influxo de Dante e Petrarca, inter le contemporanee, insimul a Monti, il ha Parini e Alfieri. Le su prime experientias poetic son del 1801, quando initiava a scriber le traduction, in hendecasyllabos, de alicun partes del Eneides e del Satira per Horatio. Viveva ab le estate 1801 al 1805 con le ancian patre don Pietro, et era anque le epocha del prime amor, illo per Luigina Visconti, soror del su amico Ermes, la revidera a Genova, sposate al marchese Gian Carlo Di Negro. Le juventude de Manzoni es signate ab un sojorno a Venetia (octobre 1803 - maio 1804) presso le cosino Giovanni Manzoni, durante le qual cognosceva le nobildomina Isabella Teotochi Albrizzi, un vice musa de Foscolo. Manzoni, faceva amicitia anque con Francesco Lomonaco, un exiliato lucan, e Vincenzo Cuoco, anque ille exiliato ab Napoli post le restauration borbonic del 1799. Le vicinitate al ambiente neoclassic, e a Vincenzo Monti professor al universitate de Pavia, induceva Manzoni a frequentar alicun cursos de eloquentia tenite per le poeta, inter le 1802 e le 1803. Facera amicitia con studentes universitari: Andrea Mustoxidi, Giovan Battista Pagani, Ignazio Calderari, Ermes Visconti e Luigi Arese. In iste periodo scribeva: Del triumpho del libertate, Adda e Le quatro sermones, que los habeva le vestigio de Monti e de Parini, ma anque le echo de Virgilio et Horatio. In le 1805 Manzoni esseva invitate a Paris, per le matre e Carlo Imbonati sue amante, Alessandro acceptava, ma non faceva in tempore a cognoscer le conte qui moriva le 15 martio. Le juvene, ora de vinti annos, perveniva in le capital francese le 12 julio, e sojornava con le matre a Place Vendome. Manzoni, per le conte scribeva le ode In morte de Carlo Imbonati. Sovente, matre e filio vadeva ad Auteuil, ubi se reuniva le circulo intellectual del vidua del philosopho Helvétius, e al Maisonnette de Meulan, partecipante al circulo litterari del Idéologues, Alessandro stringeva amicitia con Claude Fauriel e Pierre Cabanis, autor de un texto spiritualista, anque si le Esser supreme non coincide con le Deo christian. Intertanto, matre e filio lassava un prime vice Paris in le junio 1806, pro ordinar le ultime practicas legal relative al hereditate de Imbonati, que includeva anque le villa de Brusuglio. A septembre, les era de retorno in Francia, le secunde viage in Italia era in le februario 1807: le littera a Fauriel, scripte le 17, diceva que in ille die Manzoni era a Susa et habeva passate le Moncenisio, e a martio era a Genova. Le 20 martio, veniva a saper qui le patre era gravemente malade, e durante le viage que lo conduceva a Milano, apprendeva del su morte. Alessandro, era nominate per le patre herede universal, et a maio era novemente a Paris. Giulia Beccaria cercava un sposa pro le filio, illa cognosceva a Paris Charlotte Blondel, parente del familia calviniste del banchero François Louis Blondel, qui viveva a Milano con le uxor Marie e le filia de dece-sex annos Enrichetta. Gratias a Charlotte il ha del contactos familiar, e a septembre del 1807, Manzoni e le matre vadeva a Milano pro facer le cognoscentia de Enrichetta e del genitores. Manzoni al incontro remaneva incantate per le dulcor e puressa del puera. Le matrimonio, que sera multo felice e il habera le nascentia de dece filios, era celebrate le 6 februario 1808 a Milano, ante con rito civil presso le Municipio e, plus tarde, con rito calviniste in le casa del familia Blondel. Le sposos, con Giulia, vadeva a Paris, in le mesme anno, le 23 decembre, nasceva le primogenita Giulia Claudia, qui era baptisate le 23 augusto del 1809 in le ecclesia de Sancte Nicolas a Meulan, secundo le rito catholic e con Fauriel como patrino. Depost le baptismo catholic de Giulia, Manzoni, adressava a Papa Pius VII, le autorisation per le matrimonio catholic, e in le mense de novembre perveniva le autorisation papal, e le 15 februario 1810, in le casa de Ferdinando Marescalchi, ministro del Relationes Estranie del Regno Italic, e le parocho del ecclesia del Madeleine officiava le function. Manzoni besoniava de tranquillitate, e lassava Paris con le familia le 2 junio, directe a Brusuglio. A Milano, le 2 octobre 1813, comprava un casa in via del Morone, ubi le autor haberea passate le resto del su vita. In le annos sequente le membros del familia Manzoni, cresceva de numero. Depost le morte de Luigia, nascite e morite in le mesme die (5 septembre 1811), le 21 julio 1813 vide le luce le prime filio masculo, Pietro Luigi, le 25 julio 1815, le nascentia de Cristina. Pois in poc annos les nasceva anque Sofia (12 novembre 1817), Enrico (7 junio 1819), Clara, in le augusto 1821; 13 menses postea, Vittoria, Filippo in le martio 1826 e Matilde in le maio 1830. In le 1812, initiava le scriptura del Hymnos sacre: Le Resurrection, Le nomine de Maria, Le Natal, Le Passion, scripte inter le april 1812 e le octobre 1815, Le Pentecoste, initiate in le 1817, era completate in le 1822, le autor initiava in le mesme annos, le duo tragedias e Le Omne-sanctos (1830-1847). Le poesia religiose es completate ab le Strophas per un Prime Communion. Intertanto Napoleon, depost le campania de Russia del 1812, era vincite in le battalia de Lipsia del 1813. Anque le Regno Italic, cadeva e le vicerege Eugenio de Beauharnais lassava Milano. Manzoni contribueva al sentimento patriottic con le duo cantiones: April 1814 e le Proclama de Rimini (april 1815), ubi Manzoni reflecte sur le homonyme discurso del rege de Napoli, Joachin Murat per le defensa de Italia. In le jenuario del 1816, Madame de Stael scribeva, sur le prime numero del Bibliotheca Italian, un articulo contra le neoclassicismo. Le Italia, habeva un tradition neoclassic gratias ad autores como Parini, Alfieri, e Monti, al successive querelle inter classicistas (guidate per Pietro Giordani) e romanticos (Ludovico de Breme e Giovanni Berchet), Manzoni anque si appoiava le parte del romanticos e partecipava al Cameretta litterari con Ermes Visconti, Gaetano Cattaneo, Tommaso Grossi e le poeta dialectal Carlo Porta, refusava de collaborar sia al Bibliotheca Italian que al su successor, Il Conciliatore. Manzoni lassava le signo anque in le historia del theatro italian, ille interveniva sur le structura del drama, le qual non debe ingagiar se a describer le verosimilante e le motion del anima del protagonistas, campo del poeta e non del historicos. Le fructos de tal reflexion theoretic on pote trovar in le tragedias Le Conte de Carmagnola, e le Adelchi, e in le Observation sur le moral catholic. Manzoni jam ab le 1817, pensava de retornar a Paris, ma solmente le 14 septembre del 1819 ille, con le familia partiva per le Francia. In le capital francese, Manzoni frequentava le historico Augustin Thierry con le su conception del historia, e le philosopho Victor Cousin, e le su spiritualismo. Manzoni, tamen, le 25 julio 1820 partiva ab Paris con tote le familia pro retorar a Milano le 8 augusto. Alessandro initiava le annos plus phrenetic del dece-cinque annos creative (1812-1827 ), in cuje elaborava cello conceptos religiose que trovara le culmine in le Adelchi e in le Cinque maio, basis fundamental de Le promisse sposos. Depost le fallimento del sublevationes popular del 1820-1821, Manzoni terminava le Adelchi, e legeva, como per le Conte de Carmagnola, fontes historic como le Discurso supra alicun punctos del historia longobardic in Italia, proque on habeva un aderentia inter le ver historic (le eventos historic realmente evenite) e le ver poetic ( le inventio narrative del scriptor). Le anno 1821, ultra al sublevation popular, le 5 maio sur le Insula de Sancte Helena moriva le exiliate Napoleon Bonaparte. Manzoni habeva legite del morte del Imperator, sur un articulo del Gazzetta de Milano del 17 julio 1821, et era profundemente turbate, Manzoni era attrahite del grandor, del charisma e del genio militar de Napoleon, e scribera un ode que repercurreva le su vita. Assi, inter le 18 e le 20 julio, Manzoni componeva Le cinque maio. Manzoni in le villa de Brusuglio, in le autumno del 1821, initiava le scriptura de Fermo e Lucia prime nomine del romance, depost haber legite le Ivanhoe traducite in francese. Ultra a Walter Scott Manzoni, initiava un labor de documentation historic, basate sur le Historia patria per Giuseppe Ripamonte e del Economia e statistica per Melchiorre Gioia. Le secunde phase del romance terminava le 17 novembre 1823 e le manuscripto era publicate in le 1825, con le nove nomine de Le promisse sposos. Ultra al problema expositive, Manzoni notava que le linguage artificiose ab ille usate, non era conforme al esigentias realistic del su poesia. Seligente le toscano como lingua colloquial per le su personages, decideva de partir per Florentia in le 1827, per dar vita al scriptura final del romance a nivello formal e stylistic, in modo de "viver" le lingua florentin del personas culte, que era per le autor le unic lingua del Italia unite. Le viage, initiate le 15 julio, vide le integre familia Manzoni passar per Pavia, Genova, Lucca, Pisa e in fin, le 29 augusto, a Florentia. Le sojorno, que durara usque a octobre, era un triumpho per Manzoni: le membros del Circulo Vieusseux (ultra Giovan Pietro Vieusseux, Niccolò Tommaseo, Giovanni Niccolini e Gino Capponi) les incontrava con tote le honores, e anque Giacomo Leopardi, salutava ille cordialmente. Durante iste incontros, don Alessandro faceva un inquesta linguistic, iste observationes era fundamental per le selection del florentino como lingua quotidian del personages del su romance, que sera publicate in le 1840, insimul al Historia del columna infame, del qual era initialmente un excursus historic. Le quiete familiar, terminava quando era colpate per le su prime luctos: le prime era illo del uxor Enrichetta, morite le 25 decembre 1833. Depost le uxor, videva morir le 20 septembre del 1834 le. filia primogenita Giulia, jam uxor de Massimo d'Azeglio. Le 2 jenuario 1837, gratias al matre e al amico Tommaso Grossi, sposava Teresa Borri, vidua del conte Decio Stampa. Le nove uxor de Manzoni, habeva un forte personalitate e un bon cultura litterari. Durante le annos successive moriva multe del su cares: le filia Cristina (27 maio 1841), e post le matre Giulia Beccaria (7 julio) e, le amico Fauriel (1844). Durante le cinque jornatas de Milano le patriotas resultava a chassar, le austriac del marechal Radetzky fora le citate. Inter le patriotas il esseva anque le filio de vinti-duo annos de Manzoni, Filippo, qui era incarcerate. Si le filio combatteva sur le barricadas, le patre publicava celle odes politic (April 1814 e Martio 1821) que, non habeva jammais publicate. Al retorno de Radetzky, Manzoni, se refugiava a Lesa, ubi le uxor Teresa habeva un villa. Durante le sojorno a Lesa, que durara usque al 1850, Manzoni a Stresa, incontrava le philosopho e sacerdote Antonio Rosmini, jam cognoscite in le1827. Manzoni sentiva le recerca del "veritate objective" condamnante, le mixtura inter inventio e historia. In le annos successive il habeva alteres luctos: in le 1853 moriva le amico Tommaso Grossi, in le 1855 Antonio Rosmini e le anno successive le filia Matilde, in le 1858 le oncle Giulio Beccaria e in le 1861 le uxor Teresa. Le 29 februario 1860, ante del proclamation official del nove Regno de Italia, era nominate Senator, per meritos verso le Patria. Como presidente del commission parlamentari sur le lingua, Manzoni scribeva, in le 1868, un relation sur le lingua italian (Del unitate del lingua e del medios de diffunder lo) in cuje on cerca le diffusion del florentin in tote Italia. Le anno 1873 era le ultime del su vita: le 6 jenuario cadeva et habeva un trauma cranic. Le suffrerentias esseva acutiate per le morte del filio major Pier Luigi, le 28 april. Le 22 maio al horas sex e quindece del postmeridie, moriva. Le corpore era pois imbalsamate ab parte del Commune de Milano inter le dies 24 e 27 maio. Al solemne funeral del Senator, celebrate in le Domo le 29, partecipava le maxime autoritate del Stato, inter le qual le futur rege Umberto I°, le ministro del Exterior Emilio Visconti Venosta e representantias del Camera, del Senato, del Provincias e del Citates del Regno.