BON NATAL E FELICE ANNO NOVE 2021

 

Giovanni Gentile

traduction in Interlingua per Francesco Galizia 

Giovanni Gentile (Castelvetrano, 29 maio 1875 – Firenze, 15 april 1944) ille era stato un philosopfo, pedagogista, politico, senator e academico italian. Esseva insimul a Benedetto Croce uno del major exponentes del neoidealismo philosophic e del idealismo italian, et era un importante protagonista del cultura italian in le prime medietate del XX seculo, era cofundator del Instituto del Encyclopedia Italian e, ab ministro, artifice , in le 1923, del reforma del public instruction, note como Reforma Gentile, Le su philosophia es dicite Actualismo. In ultra era un importante figura del fascismo italian.. Depost le su adhesion al Republica Social Italian, era assassinate in le 1944, ab alicun partisanos del formation communista del GAP.

Biographia:

Octave de dece filios, Gentile nasceva in le 1875 a Castevetrano, in provincia de Trapani, ab Giovanni Gentile senior, pharmacista, e Teresa Curti, filia de un notario. Frequentava le Gymnasio - Lyceo “ Ettore Ximenes” a Trapani. Vinceva le concurso per quatro internos del Schola normal superior de Pisa, ubi se inscribe al facultate de litteras e philosophia: hic ha como maestros, inter le alteres, Alessandro D'Ancona, professor de litteratura, ligate al positivismo e al methodo historic e de ideas liberal, Amedeo Crivellucci, professor de historia, e Donato Jaja, professor de philosophia, qui les influeva multo sur le su pensata philosophic ab adulte. Depost le doctorato in le 1897, con le maxime del votos e con le derecto de publication del these, et un curso de perfectionamento a Firenze, Gentile obtene un cathedra in philosophia presso le Convicto national Mario Pagano de Campobasso. In le 1900 vade al Lyceo Vittorio Emanuele II de Napoli. In le 1901 sposa Erminia Nudi, cognoscite a Campobasso, ab le lor matrimonio nascera le filios: Francesca (1902), Federico (1904), le gemines Gaetano e Giovanni junior (1906), Giuseppe (1908) e Tonino (1910). In le 1902 obtene le libere docentia in philosophia theoretic e le anno successive celle in pedagogia. Obtene pois le cathedra universitari al Universitate del Studios de Palermo (1906-1914, Historia del philosophia), ubi frequenta le circulo "Giuseppe Amato Pojero" e funda in le 1907 con Giuseppe Lombardo Radice le revista Nove Deberes. Le 9 augusto1914 era professor ordinari al universitate de Pisa (usque al 1919, philosophia theoretic) et in fin al Sapienza de Roma (jam ab le 1917 professor ordinari de Historia del philosophia, e in le 1926 professor ordinari de Philosophia theoretic). Es stato commissario del Schola Normal superior de Pisa (1928-1932), e pois su director (1932-1943) e vicepresidente del Universitate Bocconi de Milano (1934-1944). Durante le studios a Pisa incontra Benedetto Croce con cuje interteneva un correspondentia continue ab le 1896 al 1923 : le argumentos tractate, ante le historia e le litteratura, pois le philosophia. Unite ab le idealismo (sur cuje les habeva comocunque ideas diverse), les contrastava insimul le positivismo e le degeneration del universitate italian. Insimul fundava in le 1903 le revista Le Critica, per contribuer, in base al lor ideas, al renovamento del cultura italian: Croce se occupa de litteratura e de historia, Gentile, in vice, se dedica al historia del philosophia. In ille annos Gentile non ha ancora developpate le proprie systema philosophic: le actualismo, que habera configuration systematic sol al initio del prime guerra mundial. Sera in ultra ab le 1915 qui Gentile deveniva membro del Consilio superior del public instruction, usque al 1919. Al initio del Prime guerra mundial, Gentile era a favor del guerra, como conclusion del Resurgentia italian. In illo tempore revelava a se ipse le passion politic que le stava intra e assumeva un dimension que non era plus solmente celle del professor qui parla ab le cathedra, ma celle del "intellectual" militante, qui se revela al grande publico a transverso le jornales quotidian. In le postguerra participa activemente al debatto politic e cultural. In le 1919 ille es, insimul a Luigi Einaudi e Gioacchino Volpe, inter le firmatores del manifesto del Gruppo National Liberal de Roma, que, insimul ad altere gruppos nationalista e de ex combattentes, formava le Alleantia National, le cuje programma politic previde le revendication de un «Stato forte», anque si con grande autonomias regional e communal, capace de combatter le metastasis bureaucratic, le protectionismos, le aperturas democratic, revelate se «inepte a tutelar le supreme e nobile interesse del Nation». In le 1920 funda le Jornal critic del philosophia italian. Sempre in le 1920 deveni consiliero communal al Municipio de Roma, e le anno successive es nominate assessor supplente al X Repartiction, del Antiquitate e al Belle Artes, e in le 1922 deveni socio del Academia del Lynceos. Usque al 1922 Gentile non monstra particular interesse per le fascismo, anque si ille videva in Mussolini un defensor del liberalimo. Le 31 octobre, depost le Marcha sur Roma, con le nove governamento era nominate ab Mussolini, ministro del Public Instruction (1922 – 1924, per dimission voluntari), actuante in le 1923 le reforma Gentile, fortemente innovative respecto al precedente reforma Casati de plus de sexanta annos antea (1859). Le 5 novembre 1922 deveni senator del Regno, e in le 1923 se inscribe al Partito National Fascista (PNF) con le intention de fornir al partito un programma ideologic e cultural. Depost le crise del delicto Matteotti, date le dimission ab ministro, Gentile es clamate a presider le Commission del Quindece per le projecto de reforma del Statuto (pois devenite del Dece-octo per le reforma del ordinamento juridic del Stato). Gentile remane fascista e in le 1925 publica le Manifesto del intellectuales fascista. Iste manifesto sanciva le definitive remotion de Gentile ab Benedetto Croce qui le responde con un contramanifesto antifascista. In le 1925 funda le Instituto National de Cultura Fascista, de cuje es presidente usque al 1937. Per le numerose cargas cultural e politic, exercita durante toto le regime fascista un forte influxo sur le cultura italian, specialmente in le sector administrative e scholastic. Es le director scientific del Encyclopedia Italian del Instituto Treccani ab le 1925 al 1938, e pois vicepresidente ab le 1933 al 1938 ubi recipeva numerose "collaboratores non fascista". A Gentile on debe in grande parte le nivello cultural e le amplitude del vision del Encyclopedia, de facto invitava «a collaborar al nove obra 3.266 homines de studio, de diverse orientamento», pois que «in le obra se debeva implicar tote le melior cultura national, includite multe hebreos o notori antifascistas». Ille es implicate in le institution del Juramento de fedelitate al fascismo del 1931 que causara le remotion de alicun illustre academicos ab le Universitate italian. In le 1932 deveni Socio National del Regal Academia del Lynceos, le mesme anno funda le Instituto Italian de Studios Germanic, de cuje deveniva presidente in le 1934. In le 1933 deveni presidente del Instituto Italian per le Medie et Extreme Oriente. In le 1934 inaugura a Genova le Instituto “Giuseppe Mazzini”, et era anque director del revista Nove Anthologia. In le 1937 deveni commissario, e in le 1938 presidente del Centro national de studios “Manzoni” e in le 1941 es presidente del Domus Galilaeana a Pisa. Non los manca comocunque le dissension con le regime: in particular como in le 1929, al firma del Pactos Lateranense inter Ecclesia catholic e Stato Italian anque si Gentile recognosce le catholicismo como forma historic del spiritualitate italian, ma retene de non poter acceptar un Stato non laic. Iste evento signa un cambio in le su ingagio politic; es in ultra contrari al inseniamento del religion catholic in le scholas medie e superior, ma reteneva juste – habente lo inserite in le su reforma - cello in le scholas elementari, in quanto lo reteneva un preparation al philosophia. In le 1934, le Sancte Uffizio mitte al indice le obras de Gentile e de Croce, per le recognoscemento, de illes in le sulco del idealismo, del christianismo catholic como un "forma del spirito", ma considerate inferior al philosophia. Digne de nota anque le su defensa de Giordano Bruno, le philodopho heretic condamnate a morte per le Inquisition in le 1600, al qual dedica un essayo, ingagiante se anque presso Mussolini proque le statua del pensator de Nola - erecte in Campo de' Fiori a Roma in le 1889 per le sculptor Ettore Ferrari - non sia removite, como exigite ab alicun catholicos. Gentile, personalmente, non approbava le leges racial del 1938, como on vide, ab le correspondentia con Benvenuto Donati durate per toto le periodo inter le 1920 e le 1943. Jam le 21 decembre 1933, in le curso del jornata inaugural del Instituto italian per le Medie et Exstreme Oriente, prendeva position contra le theorias racistas del Germania national-socialista. Depost le promulgation del leges racial in Italia, il habeva multe intervention de Gentile a favor de collegas hebreos como Rodolfo Mondolfo, Gino Arias e Arnaldo Momigliano. Le su ultime interventiones politic son representate ab duo conferentias del 1943. In le prime, tenite le 9 februario a Firenze, con le titulo Le mie religion, in cuje declarava de esser christian e catholic, ma de creder in le Stato laic, e in cuje il ha anque alicun velate criticas al papato historic, inspirate ab Dante, Gioberti e Manzoni. In le secunde, multo plus importante, tenite le 24 junio al Capitolio de Roma, sur indication del nove secretario national del PNF Carlo Scorza, ab le titulo Discurso al Italianos, ubi ille exhortava al unitate national, in un momento difficile del guerra. Depost iste intervention se retirava a Troghi (FI), ubi scribe le su ultime obra, Genesis e structura del societate, exite postume, in le qual reprendeva le antique interesse per le philosophia politic, e in illo theorisava "le Humanismo del Labor". Gentile considerava iste sue ultime obra le coronamento del su studios speculative tanto que al amico antifascista Mario Manlio Rossi, monstrante le manuscripto, diceva: "le vostre amicos pote occider me ora se illes vole. Le mie labor in le vita es concludite". Le cadita de Mussolini le 25 julio 1943 non preoccupava Gentile qui per ille era como un simple cambio de governamento. In ultra le nomination in le governamento Badoglio, de alicun ministros qui il era jam sue collaboratores como Domenico Bartolini e Leonardo Severi lo confortava. In particular le vetule amicitia con le ministro Severi induceva Gentile a inviar le un littera de augurios per le nomination. Le 4 augusto Severi respondeva a Gentile con un dur attacco. Gentile replicava al ministro e presentava le su dimission ab director del Schola Normal de Pisa. Depost le armistitio del 8 septembre, Gentile rejectava in un prime tempore le proposito de Carlo Alberto Biggini ministro del Education National, de entrar al Governamento, ma post un incontro evenite le 17 novembre 1943 con Benito Mussolini a Gargnano sur le laco de Garda, se convinceva ad adherer al Republica Social Italian, e assi deveniva presidente del Academia de Italia, con le objectivo de reformar le vetule Academia del Lynceos, que sera pois absorbite ab le Academia. Le 30 martio 1944, per le su appoio declarate al levata militar per le defensa del RSI, recibeva diverse messages con menacias de morte. Le governamento fascista republican le offereva inde un escorta armate que tamen Gentile declinava. Considerate per le partisanos como uno del principal theoricos e responsabiles del regime fascista, era occise le 15 april 1944 sur le ostio del su residentia de Firenze, le Villa de Montalto, ab un gruppo de partisanos communista del GAP. Le gruppo era componite ab Bruno Fanciullacci, Elio Chianesi, Giuseppe Martini, Antonio Ignesti, illes se nascondeva al horas 13:30 circa, presso le villa e, quando le philosopho perveniva in auto, Fanciullacci e Martini les se avicinava facente se creder studentes, le ancian philosopho abassava le vitro pro ascoltar, ma era subito attingite per le colpos del revolver de Fanciullacci. Fugite le partisanos in bicycletta, le guidator iva al hospital Careggi con le philosopho moribunde, ma Gentile, colpate directemente al corde in breve moriva Le 18 april era sepulte, per initiativa del ministro Carlo Alberto Biggini e con decreto de approbation ab parte de Mussolini, in le Basilica de Sancte Cruce a Firenze, le templo del itale glorias, de Ugo Foscolo.

Filippo Tommaso Marinetti

traduction in Interlingua per Francesco Galizia

Filippo Tommaso Marinetti (Alexandria de Egypto, 22 decembre 1876 – Bellagio, 2 decembre 1944) era un poeta, scriptor, jornalista e dramaturgo italian. Es cognoscite supertoto como le fundator del Futurismo, le prime movimento de vanguarda italian del Novem-cento. 

Biographia:

Nasceva ad Alexandria de Egypto ab Enrico e ab Amalia Grolli, conviventes. Le patre era un advocato originari de Voghera (PV) e se era transferite in Egypto como empleato del Societate del Canal de Suez, deveniva in ultra advocato personal del Kedivè Tawfik Pasha. Contrapponite al exuberantia paterne era le figura del matre, dulce e comprensive. In le 1888 entrava in le collegio St. François-Xavier, del jesuitas francese. Le amor per le litteratura nasce in ille annos: a 17 annos funda le su prime revista scholastic, Papyrus; le jesuitas le expelleva per haber introducite a schola le scandalose romances per Emile Zola. E assi es inviate per le familia a diplomar se a Paris, ubi obteneva in le 1893 le Baccalaurato. Se inscribe pois al facultate de lege de Pavia, insimul al fratre major Leone de vinte-un annos, le morte de iste ultime, es le prime trauma del su vita. Ille depost haber consequite le doctorato a Genova in le 1899, decide de abbandonar le derecto e sequer le su vocation litterari. Ab iste momento scribera in omne campo del litteratura (poesia, narration, theatro). In le 1902 il ha un altrere grave lucto familiar: moriva le matre. Le su prime poesias in lingua francese, publicate sur revistas poetic milanese e parisian, son notate in Francia, ab poetas como Catulle Mendès e Gustave Kahn. In iste periodo Marinetti componeva supertoto versos libere de typo symboliste o liberty, sub le influentia de Stephane Mallarmé e de Gabriele D'Annunzio; le su reportos con D'Annunzio son ambevalente: sur le scena de Paris le duo poetas italian son vidite como rivales, ma le successo de D'Annunzio obscura cello del plus juvene collega, qui cognosce varie anecdotas sur le "Vate": diverse de iste son reunite in duo volumines, D'Annunzio intime e Les Dieux s'en vont, D'Annunzio reste. Inter le 1905 e le 1909 funda e dirige (in collaboration con Sem Benelli e Vitaliano Ponti) le revista milanese Poesia. Al initio se tracta de un revista eclectic, que ha le merito de proponer in Italia alicun autores symbolista ancora incognite, sol in le 1909 illo deveniva le prime organo official de un nove movimento poetic: le Futurismo. In le 1908 Marinetti per evitar duo cyclistas con le su automobile, un Isotta Fraschini, era exite de strata fora Milano. Le episodio esseva transfigurate in le Manifesto del Futurismo, componite in le mesme anno: Marinetti depost le incidente se senti un homine nove, decise a liberar se del decatentismo e del liberty, e scribe un programma revolutionari: on vole clauder le pontes con le passato, «destruer le museos, le bibliothecas, le academias de omne specie» e «Nos cantara le grande turbas agitate per le labor, ab le placer o ab le tumultos, glorificar le guerra - sol hygiene del mundo - le militarismo, le patriottismo, le gesta destructive del libertarios, le belle ideas per cuje on pote morir.» Al fin januario 1909 Marinetti manda le Manifesto al major jornales italian. Le «Gazzetta del Emilia» de Bologna lo publica le 5 februario. Le 20 februario le Manifesto esseva publicate sur le prime pagina del plus prestigiose jornal francese, Le Figaro. Le Manifesto es legite in tote Europa, ma le prime obras 'futuriste' de Marinetti non il ha le mesme fortuna. In april le premiere del drama satiric Le roi Bombance, scripte in le 1905, es sibilate ab le publico. Anque le drama Le femina es mobile (Poupées électriques), representate a Torino non habeva successo. Hodie es recordate in un version successive, con le titulo Electricitate sexual, anque per le apparition in scena de automatos humanoide, dece annos ante que le romancero tchec Karel Capek inventava le parola "robot". In le 1910 appareva le su prime romance, Mafarka le futurista. In illo mesme anno Marinetti trova alliates: tres juvene pictores (Umberto Boccioni, Carlo Carrà, Luigi Russolo) les decide de adherer al Movimento. Insimul a illes (e a poetas como Aldo Palazzeschi e Corrado Govoni) Marinetti lanceava le vesperes futuriste: pectaculos theatral in cuje le futuristas les declama le lor manifesto avante a un turba hilare. In ille periodo Marinetti lanceava le pamphlet Contra Venetia passatiste, ab le Campanil del Basilica de Sancte Marco: in le folios volante Marinetti propone de "planar le parve canales mal odorose con le ruinas del vetule palatios collabite e leprose" per "preparar le nascentia de un Venetia industrial e militar que pote dominar le mar Adriatic, grande laco Italian". Le 29 septembre del 1911 le truppas italian disbarcava sur le Quarte riva lybic, como se initiava a clamar; le action habeva un motivation politic, un ideal e un altere economic: on habeva le convinction que, si non le haberea facite le Italia, qualque altere potentia haberea levate cello possesion al Turchia. Le poeta habeva rogate de vader in Lybia como jornalista, del jornal francese «L'Intransigeant» de Leon Bailby, ma le autoritate, habeva denegate le permisso. In extremis, era pois pervenite un ordine telegraphic de Giolitti, assi le poeta se era imbarcate, le mateno del 9 octobre 1911 con soldatos, carros, armas, cavallos e materiales. Commandate ab le Admiral Luigi Faravelli, le artillerias del naves «Napoli», «Ferruccio», «Varese», e «Roma» del flotta, ha destruite le fortes turc, sur le costa del Tripolitania. Le 12 octobre Marinetti con altere jornalistas les disbarcava sur le plagia de Tripoli, in un chaos de homines e de medios. Le italianos construiva trencheas circum al citate, le population de Tripoli sembla acceptar con resignation le nove patrones, le turches son disparite ultra le palmas del oasis. Le rege Vittorio Emanuele IIIe, le 5 novembre firma le decreto in le qual Cyrenaica e Tripolitania passava sub le soveranitate italian. Marinetti scribe al compositor futuriste Balilla Pratella qui retornara in patria, ubi pois scribera le libro Le battalia de Tripoli, de illo imprimeva 38.000 copias, in Italia, ubi se initia a cantar “Tripoli, bel suol d'amore”. Intertanto labora a un romance in versos, anticatholic e antiaustriac: Le monoplan du Pape (Le aereoplano del Papa, 1912) e cura un anthologia de poetas futuriste. Ma le renovamento del linguage poetic lo lassa ancora insatisfacte, tanto que in le prefacio del anthologia lanceava un nove revolution: es tempore de terminar con le sintaxe traditional, per passar al “Parolas in libertate”, que son un technica poetic expressive del toto nove, in cuje es destruite le sintaxe, abolite le punctuagetura e anque artificios verbo-visive. Ab le 1912 le Futurismo cognosce le momento de maxime proselytismo, anque gratias al supporto del revista florentin Lacerba directe ab Giovanni Papini e Ardengo Soffici. In iste periodo Marinetti compone Zang Tumb Tumb, reportage del guerra bulgaro-turc redigite in parolas in libertate. In le 1914 compliva anque un viage a Moscova e a Sancte Petroburgo ubi cognoscera le futuristas russe. Depost le attentato de Sarajevo, Marinetti essera a favor del intervention contra le Austria: sera arrestate per haber ardite bandieras austriac in Piazza del Duomo a Milano. Quando le Italia entra in guerra, Marinetti se inrola voluntario (ante in un battalion de cyclistas, pois in le Alpinos). Ferite al inguine, decta in convalescentia un manual que obtenera successo: Como se seduce le feminas. Retorna inde al fronte, e participa sia al disfacta de Caporetto que al triumphal victoria de Vittorio Veneto, al volante de un autocuirassate Lancia IZ experientia pois narrate in le romance Le alcova de aciero. Terminate le guerra (con duo medalias al valor), Marinetti es convincite que sia arrivate le momento de facer le revolution. Deludite per le "victoria mutilate", participa per breve tempore al Interprisa de Fiume con D'Annunzio. In iste mesme periodo funda le Partito Politic Futuriste, que in le su programma vole le "svaticanamento del Italia" e le passage ab le monarchia al republica (ultra al distribution de terras al combattentes, e lucta al analphabetismo e le suffragio universal). Le 23 martio 1919 Marinetti participa con Mussolini al reunion de Piazza San Sepolcro a Milano: ab ille momento le Partito Politic Futuriste conflueva in le Fasces de Combatto. Le 15 april, al guida de un gruppo de arditos, futuristas e fascistas se collideva armas in pugno con le militante anarchistas e socialistas que in cortege cercava de attinger Piazza Duomo. Depost Marinetti participava al assalto del jornal socialiste Avanti !, que esseva destruite. In iste periodo scribe diverse manifestos politic, inter le qual le pamphlet Ultra le Communismo; in le maio1920 interveni al secunde congresso del Fasces con le su thesis contra le Vaticano e le monarchia: ma ora le fascistas vade in le direction opposite, e assi Marinetti decide al fin del anno, de dimitter se. Exaurite le experientia politic, Marinetti retorna al litteratura con duo romances (Le indomabile, Le tambur de foco). A sustener le il ha ora le su nove compania de vita, Benedetta Cappa, scriptrice e pictrice. Durante un vacantia al mar, le duo les inventa un nove forma de arte, le Tactilismo, concepite como un evolution multi-sensorial del Futurismo. Marinetti vade a Paris, ma non es plus recipite como le "caffeina de Europa", portator de excitante novitate: le vanguarda que es ora plus appreciate es le Dadaismo, que se face burlas del futurista-tactilistas. Deludite del reception parisian, Marinetti se avicina de novo al Fascismo e a Mussolini, in le 1925 firma le Manifesto del intellectuales fasciste, scripte per le philosopho Giovanni Gentile. In le 1929 Mussolini voleva Marinetti in le Academia de Italia fundate le mesme anno. Le fundator del Futurismo es devenite ora un defensor del litteratura e del lingua italian contra le "estraniephilia". Intertanto le futurismo se es transformate ab movimento de vanguarda in schola poetic, con le su congressos, le su generes codificate (le parolas in libertate e le aereopoesia), etc. Ma le obras futuriste plus interessante son sempre celle de Marinetti, que in libros como Le fascino del Egypto o del drama Le sufflator nude, revela le su attention al nove poetica italian et europee. Del 1929 es le scriptura del Manifesto del aereopictura futuriste, inspirate ab le experientia de un volo sur le Gulfo de La Spezia e que serà motivo inspirator del nove forma artistic. In le septembre 1930 Marinetti e Tato (Guglielmo Sansoni) organisa le Prime concurso photographic national, e inter le 1930 e le 1931 les propone le Manifesto del photographia futuriste. In le autumno del 1932 ab le paginas del jornal Le Terra del Vives, directe ab Fillia, lancea un defia a tote le poetas italian invitante les a competer con ille e le su Aereepoema. Le 27 januario 1934 publica le Manifesto del Architectura Aeree, scripte con Angiolo Mazzoni e Mino Somenzi, e, al fin de cello mesme anno, presideva le Prime Monstra national de arte plastica mural, organisate a Genova ab Enrico Prampolini, Fillia e F. Defilippis. Le su position de Academico consente a ille alicun criticas al regime: in Ie 1938 exi, sur le revista futuriste Artecrazia, articulos contra le alleantia del Italia con le Germania national-socialiste de Hitler, qui habeva condamnate como "arte degenerate" le obras del futuristas. Malgrado le su non plus juvene etate, Marinetti non renuncia al fascino del guerra. Coherente con le su principios, Marinetti participa como voluntario al guerra de Ethiopia (1935-1936) e pois (a sexanta-sex annos) al expedition del Armea Italian in Russia (ARMIR). Le experientias sur iste frontes son narrate in Le poema african del Division “28 Octobre” (1937) e in le romance postume Originalitate russe de massas distantias radiocordes. Le experientia russe se revela tamen fatal. Retornate in Italia, fatigate e malade, Marinetti scribe diverse obras de character memorial, como Le grande Milano traditional e futuriste, e post le armistitio adhereva al Republica Social Italian (RSI), que representa per ille un retorno al ideales fasciste republican del 1919. Marinetti moriva a Bellagio, sur le laco de Como, le 2 decembre 1944, per un crise cardiac. Ille habeva scripte le su ultime texto, Quarte de hora de poesia del X Mas. Le notitia face le gyro del mundo, le 3 decembre anque le New York Times dedicava al morte del Poeta un articulo. Les perveniva ad honorar le spolias, le aeropoeta Paolo Buzzi e le compositor futuriste Luigi Russolo. Le sculptor Spartaco Di Ciolo exequeva le calco funerari del visage del poeta. Le die postea era celebrate le funerales in le basilica de San Giacomo de Bellagio. Le solemne funerales de Stato, volite ab Mussolini, era celebrate a Milano le 5 decembre in le ecclesia de San Sepolcro, con grande participation de populo, le poeta subito depost esseva sepulte al Cemeterio Monumental.

 

LE LAUDES

Per Gabriele D'Annunzio               Traduction in Interlingua per Francesco Galizia

Le Laudes del celo, del mar, del terra, e del heroes, son un serie de cinque libros scripte per Gabriele D'Annunzio (n. a Pescara le 12 martio 1863 – m.Gardone BS le 1 martio 1938), que los constitue le obra poetic plus note del autor, in cuje il ha le concepto del superhomine e del grandor de Italia.

 

Le projecto: le Laudes, esseva projectate como un grande cyclo lyric, ma realisate sol in parte, prevideva le production de septe libros, un per omne stella del Pleiades: Maia, Electra, Alcyone, Celeno, Taigete, Merope e Asterope. Le prime tres (Maia, Electra, e Alcyone) esseva publicate in le 1903 - 1904, ma le lor scriptura era initiate in le 1896. Le quarte libro, Merope, apparera sol in le 1912 et exprime le exaltation del guerra italo-turc in Lybia e in le Mar Egee; le libro de Asterope (1918) es considerate le quinte libro del serie, comprendente le Hymnos sacre del guerra juste, id es le versos scripte durante le Prime Guerra mundial, expression del ideales nationaliste que animava le poeta. Del ultime libros projectate, Taigete e Celeno, resta sol le titulos, pro que non era mesmo initiate. Le prime libro Maia, era publicate per prime in le trilogia del 1903-1904, con le titulo Laus vitae. Le secunde libro Electra, scripte inter le 1899 e le 1902 e publicate insimul al tertie Alcione in le 1903-1904, in editio princeps, in le edition del 1931 del serie del Oleandro habeva per le prime vice le graphia grecisante con le ypsilon (Alcyone). Le quarte libro esseva scripte durante le “exilio” francese ad Arcachon, era publicate in le januario 1912, con le titulo Le Cantiones del Gestas de Ultramar, per exaltar le guerra italo-turc, con le designos de Adolfo De Carolis. Un quinte e ultime libro, cello de Asterope con le titulo de Cantos del guerra latin, era publicate postume.

Composition del Obra

Maia - Laus vitae: Le prime libro, es dedicate a Maia, dea del fortia generatrice, esseva scripte in le 1903 e publicate in le mesme anno. Le thema principal es le viage spiritual que porta al fusion de elementos del esthetica decadente e le figura del superhomine nietzschian. Il es le mythisation del su viage in Grecia e in le Mar Egee, qui le poeta compliva in le menses de julio e augusto del 1895, motivo per un exaltation del deo Pan e del natura. Le subtitulo, Laus Vitae, clarifica le motivos inspirator in cuje le heroe dannunzian es incarnate in le figura de un "Ulixides" (referentia a Homero), votate al cognoscentia, animate ab le desiderio de discoperta de nove horizontes poetic, un celebration del energia vital et un naturalismo pagan con referentias al textos homeric del epopeia classic e mythologic, e del Divin Comedia. Le libro se aperi con le poesia dedicate al Pleiades:«O filias de Atlante, / Atlantides, corona ardente / del Pleiades, o Taigete, / o Electra, o Celeno, / Merope fusca, e tu, Maia, / del affucate facie, / Asterope, Alcyone, / descendete al mie jardines!», e con le canto del prologo le Annuntio. Contine diverse lyricas famose como: le Hymno al vita, le Canto amèbeo del guerra, le Precaria al Matre Immortal e Le quadriga imperial. Le thema principal es cello del superhomine e artista perfecte, incarnate in le mesme poeta, propheta de un nove mytho. Le libro se aperi e se claude con le motto plutarchian de Pompeio Magno: «necesse es navigar, / viver non es necessari»

Electra: Le secunde libro, Electra, componite inter le 1899 e le 1902, e publicate in le 1903, es dedicate al mytho del superhomine in le arte e in le heroismo universal. Signa anque le nascentia del nationalismo dannunzian. Le mesme D'Annunzio remane in secunde plano e deveni le cantor del heroes immortal: in le duo prime partes celebra principalmente le heroes del patria, ille vole celebrar un sorta de fabula del beltate del arte e del glorias del historia de Italia. Depost le prime duo "invocationes" Al montanias e A Dante, le prime parte se aperi con un serie de compositiones dedicate a heroes o a locos heroico-mythic del Patria, como Per le marineros de Italia morite in China, A Roma, e al Rege Juvine (Vittorio Emanuele III) e se conclude con le cantion Le nocte de Caprera, dedicate a Garibaldi, in cuje le Italia es transformate in le "supernation", proprie como le poeta es devenite “superhomine”. Le secunde parte contine le «Cantos del morte e del Gloria», un serie de lyricas dedicate ad artistas et "heroes" del pensata philosophic e del arte; A Dante, Per le morte de Giuseppe Verdi, ma anque le lyricas dedicate a Victor Hugo e a Nietzsche. Le tertie parte es constituite ab le «Cantos del Recordantia e del Expectation», que es forsan le nucleo poetic plus autentic. In illos, de facto, son comprendite le lyricas dedicate al vinte-cinque «Citate del silentio», (Ferrara, Ravenna, Pisa, etc.) symbolos del passato gloriose de Italia; id es celle citate italian (per lo plus citate de Toscana e de Umbria) particularmente importantes per le patrimonio artistic, cultural e historic de Italia, que in illos son conservate. Anque hic, le erudition historic e le rhetorica del compositiones sembla suffocar le maestria de D'Annunzio in le evocar paisages simplice e de suffrentia nostalgic, que es pois un nostalgia, ancora un vice, de typo figural o memorative. Le citate de arte, emarginate e reducite al silentio ab un historia de utilitarismo mercantil, sembla reviver in lontan imagines de gloria e de redemption que los rende memorabile como sacre reliquas del tempore e del arte. Es le caso del laude in memoria de Ferrara («O deserte beltate de Ferrara, / te laudera como se laude le visage / de illa qui sur le nostre corde se inclina / pro haber pace del su felicitate lontan»), ubi le technica poetic e le materia poietic face jam ab significative preludio ad Alcyone. Le libro se claude con le quarte parte, e con duo cantos diverse, ma con identic tonalitate celebrative: le Canto de festa per Calendimaggio e le famose Canto augural per le Nation electe, que inflammava de enthusiasmo le nationalistas.

Alcyone: Le tertie libro, Alcyone, era publicate insimul al secunde e contine le melior obras del D'Annunzio poeta (Le pluvia in le pineto, Le vespere fiesolan, Stabat nuda Aestas, Le pastores, Meridie, Le stirpes canor, Le tention e varie "dithyrambos"). Illo es un unic e vaste poema solar, que representa le estate passate per le poeta-fauno Glauco con le amate Hermione (Eleonora Duse) sur le costa del Versilia in Toscana. In illo le superhomine se funde totalmente con le natura, essente parte de illo ("panismo dannunzian"). Es le libro plus famose del integre poesia dannunzian. intra le composite architectura del Laudes, de facto, specta a illo un posto importante. In illo D'Annunzio ha signate le maxime grado del su recerca poetic, scribente un cantionere que, ha un significato fundamental in le individuation del nodos mythopoietic del su arte. Alcyone es un poema con un structura de sylloge lyric, que recipe le narration del fabula de un aventura existential e metamorphic, complite in le tentativa, de un reception del libere innocentia del mytho. Illo se disviloppa longe un arco saisonal (cello estive) e geographic (le litoral tosco-latial, ab le Versilia al Circeo, con referentias a spatios lontan, como le terra de Abruzzo o le Hellades classic), e se characterisa per le varietate de formas stylistico-metric, que va ab le modulos del antique litteratura romanze al solutiones plus libere del tradition poetic. Le "fabula" de Alcyone es articulate in 88 lyricas dividite in cinque sectìones, a su vice dividite ab quatro dithyrambos, con titulo latin del autor. Le prime section se aperi con le duo cantos del prologo Le tregua e Le puero: le prime face de conjunction verso le externe (Maia), le secunde es de introduction al libro. In iste section, que va ab le diptycho Longe le Affrico e Le vespere fiesolan al ballade Beatitude, le expectar del estate es cantate con selection linguistic, stylistic e metric que poterea dicer se preraffaellitic, sur le panorama del colles florentin. Al secunde section, in vice, es confidite le description del instintive sentir del imminentia del saison panic, in un cornice de paisages marin del riviera toscan, que son le paisages intra le qual on situa le prime "aventura" metamorphic de Alcyone e le prime mytho metamorphic de Glauco. In isto senso, Le pluvia in le pineto representa un declaration de poetica, secundo cuje, le experientia panic consente al fauno/poeta de acquirer le plus complexe, subtil e labiles «parolas» del natura. Le tertie section, in vice, comprendite inter Le oleandro e le novem sonettos del «Corona de Glauco», se sustantia in le solaritate explose in tote le su claritate in le menses de julio e augusto: le spatio electe, es postpenite ancora al litoral toscan (cello inter le Tyrrhen e le Alpes Apuan), ma recorda anque a un dimension lontan, un mundo incognite o oblidate. Le ambiente geographic on transforma, lassante intervider le locos del Hellades antique, locos de faunos e nymphas, de mythic metamorphose, (exemplo le metamorphose de Daphne), de contactos directe inter le deos e le homine, inter le natura arboree e le animales. Resulta assi un paisage suspendite in le spatio e in le tempore: ubi le mar es blanc, le celo es de un luminositate auree, inter le oleandros in flor e le pinos odorose de resina; e suspendite in un tempore per cuje julio e augusto son sol un pretexto per complir le transpassar verso un plus mythic estate. In tal dimension de fabula, D'Annunzio/Glauco pote viver le su aventura metamorphic, proque ora le Mar Tyrrhen es le Mar Egee, como le terra de Toscana inter Luni e Populonia es le Hellades, e le viro es le deo. Le quarte sectìon, que va ab Versilia a Le ala sur le mar, vide le persister del saison mythico-metamorphic inaugurate in le section precedente, jam le prime lyrica, del hamadryade del titulo, reconduce a celle atmosphera in cuje le metamorphose es le aventura del estate alcionic. Estate que es in le plen fulgor saisonal in cuje se verifica visiones (Versilia), metamorphose (Le morte del cervo), prodigios (Le asphodelo), apparitiones de Centauros o del Triton, de nymphas o divinitate. Le vitalitate panic e orphic cede le passo a un umbra de melancholia. Le quinte section es aperte ab le ballada Tristessa. Proprie ab iste nostalgia, ab le melancholia, nasce le «Sonios de terras lontan» que accompania le poeta del su indimenticabile sonio; anque Hermione - le amante del plus fulgide tempore alcionic in cuje on se poteva lassar illuder per le fabula belle - canta le epicedion del estate e disillusiona le poeta: «Te fraude. Celle que es assi clar / es le falce / que le Estate abandona / morente». Le fabula belle de Alcyone es finite per sempre; finite es le saison, del sonio mythic. Le melanchonic clausa del Commeato («Troppo es grave al mi corde le departita - Tempore es de morte») - Le adieu al «fratre» Giovanni Pascoli es como un amar conclusion sur le natura del su poesia: «E hic coronera hodie le aedo / si non le aedo rege de solitudes? / Le crasso Scytha et le fucate (tingite) Medo / le Gloria ha drudos (fideles)».

Merope - Cantos del guerra de ultramar: Le quarte libro, Merope, recollige le cantos celebrative del guerra italo-turc e del conquesta de Lybia e del insulas egee del Dodecaneso, componite ad Arcachon, in Francia e publicate ante sur le jornal Corriere della Sera e pois in volumine in le 1912. On tracta de themas patriottic e nationaliste e del mytho eterne de Roma. Note es Le cantion del Dardanellos. Le circumstantias personal (le condition de «exiliato» in Francia) e celle historic (le interprisa del conquesta italian de Lybia), explica proque le libro canta le grandor del potentia italian e del su tradition historic. In le terminos de un forte enphase, le dece cantiones on disnoda le un post le altere imitante le rythmo martellante del tercet dantesc, per continer le pathos que nasceva ab le materia tractate. Le poesia de Merope es un celebration del genus italicum, legitimate ab le incursiones in le historia (con referentias a celle communal, medieval e christian), plorante ad exemplo le cadita de Constantinopolis per obra del Turches, o le historia del disfacta de istes in le battalia naval de Lepanto, qual garantia de renascentia del grandor del passato. Le themas son de typo bellic e patriottic, e plen de referentias cultural al epica e al arte del poesia. De facto d'Annunzio face multe allusion, per quanto concerne le cantion del Dardanellos, al battalias combattite ab le Grecia contra le antique Troia in le Iliades.

Asterope - Hymnos sacre del guerra juste: Le quinte libro, includite in le Laudes depost le morte de D'Annunzio, era concepite como parte de illos. Narra le experientias del poeta soldato in le Prime guerra mundial con scriptos inter le 1914 e le 1918, e publicate in le 1933 con le titulo de Cantos del guerra latin, e le interprisas complite ab le italianos per le completemento del Unitate de Italia contra le Austria, historic rival de Italia. Le ultime parte es dedicate al interprisa de Fiume e D'Annunzio como Commandante del Regentia italian del Carnaro. In illo on trova le famose lyrica Le cantion del Quarnaro, celebration del “burla de Buccari” a cuje habeva participate le mesme poeta in le februario del 1918. Illo es un libro distaccate ab le atmosphera biographic, chronologic e litterari, del prime tres Laudes. Illo recollige vinti-tres textos inter poesias (duo in francese), psalmos, precarias e prosas rhythmic. Le stylo in cuje es componite le libro es ab un latere multo precise e concise, sapientemente miscite al rhetorica militar, ab le altere latere d'Annunzio focalisa le guerra como un occasion unic pro le Italia, de retorno al antique glorias militar e cultural, comparate a Roma antique conquisitrice, que se batte contra le inemic imperio Austriac, vidite como le barbaro invasor.

Gabriele D'Annunzio:  

Secunde parte Le Poeta-Soldato

Participation al prime guerra mundial (1915-1918)

 

In le 1915 retornava in Italia, ubi refusava le cathedra de litteratura italian, que jam era de Pascoli, conduceva immediatemente un intensive propaganda pro intervenir al guerra, celebrava le mytho de Roma e del Resurgentia e le figura de Giuseppe Garibaldi. Le discurso qui D'Annunzio a Quarto presso Genova, pronunciava le 5 maio 1915, durante le inauguration del monumento al Mille de Garibaldi, signava le initio de un dense programma de manifestationes interventiste, que culminava con le orationes tenite a Roma durante toto le periodo ante le entrata in guerra le 24 maio, durante le "radiose jornatas de maio". Con D'Annunzio, le alteres plus famose interventistas il era: Mussolini, le sindacalista Corridoni, e le futurista Filippo Tommaso Marinetti. Con le initio del conflicto contra le Austria-Hungaria, D'Annunzio, nonobstante qui habeva 52 annos, obteneva de inrolar se como voluntario de guerra, in le Lanceros de Novara, participante subito ad alicun actiones demonstrative naval e aeree. Per un periodo habeva le residentia a Cervignano del Friuli e Santa Maria le Longa, los era localitate vicin al Commando del III Armea, a capite del qual era le su estimator Emanuele Filiberto de Savoia, Duca de Aosta. Obtenite le breveto de Observator de avion, in le augusto 1915 ille effectuava un volo supra Trieste insimul al su commandante e car amico Giuseppe Garassini Garbarino, lanceante manifestos propagandistic; in le septembre 1915 ille participava a un incursion aeree sur Trento e in le menses successive, sur le fronte del Carso, a un attacco lanceate sur le monte San Michele durante un del battalias del fluvio Isonzo. Le16 januario del 1916, durante un atterrage de emergentia, in le collision contra le mitraliatrice del avion, habeva un lesion al altor del tempora e del arcada superciliar dextere. Le feritas, non curate per un mense, provocava le perdita del oculo que teneva coperite ab un benda; anque ab iste episodio traheva inspiration pro autodefinir se como le “Orbo veggente”. Depost le incidente passava un periodo de convalescentia a Venetia, durante le qual, assistite per le filia Renata, componeva le Nocturne. le obra, era dedicate a recordos e reflexiones ligate al experientia de guerra, sera publicate in le 1921. Depost le periodo de hospitalisation, contra le consilios del medicos, retornava al fronte: in le septembre 1916, ille participava a un incursion sur Parenzo in Istria e, in le anno successive, con le III Armea, al conquesta del Monte Velichi e al combatto presso le fluvio Timavo, ubi moriva le amico Giovanni Randaccio, durante le decime battalia del Isonzo. In le augusto del 1917 compliva, con le pilotas Maurizio Pagliano e Luigi Gori, con le avion Caproni Ca 33, decorate con le Asse de Picca, tres incursiones nocturne sur Pola (3, 5 e 8 augusto). Al fin del mense effectuava con le mesme equipage attaccos a volo radente sur le dorsal del monte Hermada reportante un ferite al pulso e reentrante con le avion forate ab 134 colpos. A septembre pareva realisar se le possibilitate de effectuar le volo sur Vienna. Pro iste, con Pagliano e Gori compliva un volo demonstrative de 1000 km in 9 horas de volo, ma al ultime instante le consenso al volo esseva denegate. Al fin de septembre se transfereva a Gioia del Colle (BA), inquadrate sempre con Pagliano e Gori, ultra al locotenentes: Ivo Oliveti, Casimiro Buttini, Gino Lisa, Mariano D'Ayala Godoy, Andrea Bafile e le corrispondente de guerra Guelfo Civinini del Corriere della Sera, in le Distaccamento A. R. commandate per le major Armando Armani, sur le Caproni Ca 33. Pois ille habeva le commando del 1ª Esquadrilia bis, per complir un mission sur le installation naval del golfo de Cattaro in Dalmatia. Le interprisa esseva terminate con successo, sempre con Pagliano e Gori, le nocte del 4 octobre. Al fin de octobre, durante le battalia de Caporetto, incitava le soldatos al resistentia, con discursos passionate. In le februario del 1918, imbarcate sur le MAS 96 del Marina, con Luigi Rizzo, ille participava, al incursion naval, denominate le “burla de Buccari”, action dedicate al memoria del su cameradas de volo Pagliano e Gori, cadite le 30 decembre 1917. Iste incursion inspirava a ille le famose Cantion del Quarnero. Le11 martio 1918, con le rango de major, assumeva le commando del 1ª Esquadrilia naval S.A. sur le campo de volo de San Nicolò del Lido de Venetia, con illo actuava le prime experimento de attaccos aeree con torpedos, pois era clamate Esquadra aeree San Marco, e cuneava anque le motto: Sufficit Animus ("Es sufficiente [anque sol] le corage"). Iste esquadrilia era mixte, con aeroplanos ab recognition-bombardamento (aviones SIA 9B) e ab recognition/chassa (10 aeroplanos Ansaldo SVA). In le augusto del 1918, habeva le guida del 87e. Esquadrilia "Serenissima", equipagiate con le nove aeroplanos SVA 5, e realisava le su sonio: le Volo sur Vienna. Prendeva posto sur un SVA 5 modificate, pilotate ab le capitano Natale Palli, le 9 augusto attingeva con un formation de septe aeroplanos le capital austriac, compliente un volo de ultra 1000 km, quasi tote supervolante le territorio del inemico. Le action, esseva de character exclusivemente psychologic e propagandistic, era characterisate ab le lanceamento in vice de bombas, de millenas de manifestos tricolor in le celo de Vienna, con scriptas que plaudevas al pace e al fin del hostilitate. Le echo e le resonantia de tal action esseva enorme e anque le inemico debeva admitter le su valor. Usque al termino del conflicto, D'Annunzio se prodigava in multe volos de bombardamento sur le territorios occupate per le exercito austriac, usque al battalia final de Vittorio Veneto, al prime dies de novembre 1918. Se congedava con le rango de locotenente colonnello, non usual, al epocha, per un officiero de complemento (habeva tres promotion pro merito de guerra); le sera anque concedite in le 1925 le titulo honorari de general de Brigada aeree. Habeva un medalia de auro al valor militar, cinque de argento e un de bronzo. Depost le guerra D'Annunzio se faceva portator de un vaste malcontente, sur le thema del "victoria mutilate" e rogante, in symptonia con le movimento del combattentes, le renovamento del classe dirigente in Italia. Le mesme climate de malcontente portava Benito Mussolini in le 1922, al conquesta del poter con le Marcha sur Roma. Durante le conflicto D'Annunzio cognosceva le poeta japonese Harukichi Shimoi, qui sera anque ille a Fiume, inrolate se in le “Arditos” del exercito italian. Ab le incontro del duo poetas-soldatos nasceva le idea, in le martio 1919, del volo aeree Roma-Tokyo, a cuje le Vate voleva participar, ma que sera effectuate per le locotenente aviator Arturo Ferrarin in le 1920.

Le interprisa de Fiume (1919-1921

«Transformar le cardo bolshevik in rosa de Italia, Rosa de Amor.»

(Gabriele D'Annunzio)

Le 12 septembre 1919, de cuje hodie es le 101e anniversario, D'Annunzio, guidava un expedition de "legionarios", de tote le armas del exercito, partite ab Ronchi de Monfalcone (rebaptisate, in le 1925, Ronchi del Legionarios in recordo del historic interprisa), per le occupation del citate de Fiume, que le potentias alliate non voleva assignar al Italia. Con iste gesta D'Annunzio attingeva le apice del processo de edification del proprie mytho personal e politic. A Fiume, jam le 30 octobre 1918 se era constituite un Consilio national, que votava per le annexion al Italia, era nominate presidente del Consilio Antonio Grossich. D'Annunzio con un columna de voluntarios (inter le quales il era anque Silvio Montanarella, marito del filia Renata) occupava Fiume e instaurava le "Commando del Exercito italian in Fiume de Italia". Ille citante Tito Livio diceva “Hic Manebimus optime”. Le 14 novembre 1919 D' Annunzio con Giovanni Giuriati, Guido Keller, Ernesto Cabruna, Nino Host-Venturi, iva a Zara in Dalmatia, recipite per le Admiral Enrico Millo, governator del Dalmatia italian, que era promisse al Italia per le Pacto de London. D'Annunzio, qui era anque commandante del Fortias Armate de Fiume, e le su governamento, le 8 septembre 1920, proclamava le Regentia italian del Carnaro, con sur le Labaro le motto “Quis contra nos ?” e publicava le Carta del Carnaro, un constitution provisori, scripte per le sindacalista revolutionari Alceste de Ambris e modificate in parte ab le mesme D'Annunzio, que prevideva, insimul al varie leges applicative e regulamentos, numerose derectos pro le laboratores, le pensiones de invaliditate, le habeas corpus, le suffragio universal masculin e feminin, le libertate de opinion, de religion e de orientation sexual, le depenalisation del homosexualitate, del nudisme, e del uso de droga, le function social del proprietate private, le corporativisme, le autonomias local e le reimbursamentos del errores de justitia, le toto multo tempore antea de altere cartas constitutional del epocha. Al 9 corporationes originari, era adjungite per D'Annunzio un decime, constituite per le "homines novissime". Le articulos XLIII e XLIV fixava le figura de un "Commandante" (le mesme D'Annunzio), electe con voto manifeste, un sorta de Dictator roman, active per le tempore de guerra, qui il ha "le potestate supreme sin appellation " e "assumeva tote le poteres politic e militar, legislative et executive. Le participes del Poter executive les habeva presso de ille officio de secretarios e commissarios." Alicun sustene que le poeta non habeva intention de constituir un governamento personal, ma sol un governamento de emergentia con possibilitate de experimentar diverse ideas, reunitete in un programma politic unic gratias al su charisma. Le 5 octobre 1920 adhereva al Fasces de Combatto de Fiume. Ante del fin del experientia fiuman, le Regentia del Carnaro sera le prime Stato indipendente al mundo - anque si autoproclamate e non official - a recognoscer in le 1920 le governamento del Republica Sovietic Russe, in cambio, le sovieticos, guidate ab Lenin, esseva le unic al mundo a recognoscer le indipendentia statal de Fiume ab le Yugoslavia. D'Annunzio per un certe periodo guardava con sympathia al bolshevisme, tanto que le 27 e le 28 maio 1922 hospitava al Vittoriale Georgij Vasiljevic Cicerin, commissario sovietic al Affaires exterior, pervenite in Italia per le conferentia de Genova. Totevia in le 1926 exprimera in vice criticas contra le governamento sovietic. Le 12 novembre 1920 un delegation del Ministerio del Guerra, stipulava le tractato de Rapallo: Fiume deveniva citate libere e sol Zara e le insula de Lagosta in Dalmatia passava al Italia, ma D'Annunzio non acceptava le accordo e le governamento de Giovanni Giolitti le 26 decembre 1920 faceva attaccar le legionarios con le fortia del exercito e del marina, causante numerose mortos, in le "Natal de sanguine". Al tempores de Fiume D'Annunzio supernominava in modo disdignose Cagoja le ex prime ministro Francesco Saverio Nitti, in relation al su contrarietate al annexion de Fiume al Italia. In le 1924 le Stato libere de Fiume era al fin annexe al Italia.

Le “exilio” a Gardone Riviera (1921-1938)

Depost le epilogo del experientia de Fiume, in le februario 1921, se retirava in un existentia solitari, in le villa de Cargnacco (commune de Gardone Riviera (BS) que poc menses plus tarde comprava. Rebaptisate le Vittoriale degli italiai, era ampliate e successivemente aperte al publico. Hic ille laborava e viveva usque al morte, curante con gusto theatral un mausoleo de recordos e de symbolos mythologic, de cuje le su mesme persona constituiva le momento de attraction central. Le reporto con le Fascisme era complexe e articulate: le fascisme usava le mottos e symbolos del Vate jam utilisate a Fiume, como le crito de battalia Eja Eja Alala!  Le fascistas les celebrava D'Annunzio, como un del maxime e plus fecunde scriptores de Italia, ma D'Annunzio, depost le adhesion initial al Fasces de combatto de Fiume, non se inscribeva jammais al Partito National Fasciste. Ma D'Annunzio, insimul a Filippo Tommaso Marinetti, era uno del prime signatores del Manifesto del intellectuales fasciste, directe per le philosopho Giovanni Gentle e publicate le 21 april 1925. In ille annos reuniva Le Cantos del Guerra latin e altere lyricas in Asterope le quinte libro del Laudes. In le 1937 era electe Presidente del Academia de Italia, e publicava le su ultime libro Teneo te Africa, in honor del guerra de Ethiopia e del nove Imperio. Le su influentia sur le cultura italian et europee durante le prime decennas del Novem-cento era indiscutibile. Le 1º martio 1938, al hora 20:05, Gabriele D'Annunzio moriva in le su villa durante que era al su tabula de labor. Le certificato medic de morte, scripte per le doctor Alberto Cesari, primari del hospital de Salò, e per le doctor Antonio Duse, medico curante del poeta, officialisava le morte per causas natural. Al funerales de Stato, volite in sue honor per le regime fasciste, le participation popular era imponente. Le feretro, involvite in le bandiera del Timavo que habeva jam involvite Giovanni Randaccio, era sequite ab un folla innumerabile de ex legionarios, de admiratores, e de devotes al su gloria e al su fama.. Esseva sepulte in le mausoleo del Vittoriale. Le production litterari de D'Annunzio era imprimite integralmente inter le 1927 e le 1936 ab un Instituto national create pro iste sub le egida del Stato, per le publication del su Opera Omnia. Le Vate collaborava activemente al realisation del ambitiose projecto, como collaborava al publication de un edition economic (Le Oleandro) realisate quando ille era ancora in vita, inter le 1931 e le 1937. Subito post le su morte inter le 1939 e le 1943 le Fondazione del Vittoriale degli Italiani provideva a reimprimer quasi integralmente le production dannunzian: 42 volumines sur un total di 46.

Gabriele D'Annunzio: Prime parte Le Poeta

Gabriele D'Annunzio, (Pescara, 12 martio 1863 – Gardone Riviera, 1° martio 1038), esseva un scriptor, poeta, dramaturgo, jornalista, militar, politico e patriota italian, symbolo del Decadentismo e celebre figura del prime guerra mundial. Ab le 1924 habeva le titulo de "Prince de Montenevoso". Supernominate "Le Vate", id es "poeta sacre, propheta", cantor del Italia, o anque "le Immaginifico", occupava un position preeminente in le Litteratura italian ab le 1889 al 1910 circa e in le vita politic ab le 1914 al 1924. Il era definite «ecceptional e ultime interprete del plus durabile tradition poetic italian». Como figura politic lassava un signo in le su epocha et habeva un grande influentia sur le eventos que le sera succedite; essente le mentor de Mussolini, habeva un importante rolo de precursor per le Fascisme, anque si non se inscribeva jammais al PNF. Le arte de D'Annnon esseva assi determinante pro le cultura de massa que influentiava usos e costumes de Italia - e non solo - del su tempore: un periodo que plus tarde sera definite "dannunzianesimo”.

Biographia:

Gabriele D'Annunzio nasceva a Pescara le 12 martio 1863, ab un familia burgese. Tertie de cinque filios, viveva un infantia felice, se distingueva per intelligentia e vivacitate. Ab le matre, Luisa de Benedictis (1839 - 1917), hereditera le fin sensibilitate; ab le patre, Francesco Paolo Rapagnetta (1831 – 1893), (le qual habeva acquirite in le 1851 le nomine de familia D'Annunzio ab un ric parente qui le adoptava, le oncle Antonio D'Annunzio), le temperamento sanguinee, le passion per le feminas e le disinvoltura in le contraher debitas, que portava le familia ab un bon condition a un difficile situation economic. Reminiscentias del conducta paterne, le cuje figura es recordate in le Faville del maglio e in le Poema paradisiaco, son presente anque in le romance le Thiumpho del morte. Habeva tres sorores, a cuje era multe ligate, e un fratre minor: Anna (Pescara, 27 julio 1859 - Pescara, 9 augusto 1914); Elvira (Pescara, 3 novembre 1861- Pescara, 1942); Ernestina (Pescara, 10 julio 1865 - Pescara, 1938); Antonio (Pescara, 1867 – Nove York, 1945). Le juvene D'Annunzio manifestava subito un character ambitiose e sin complexos e inhibition, portate al confrontation competitive con le realitate. como testimonia le littera que, a dece-sex annos, scribeva in le 1879 a Giosuè Carducci, le poeta plus estimate in Italia, quando frequentava le lyceo al prestigiose instituto Convitto Cicognini de Prato. In le 1879 le patre financiava le publication del prime opera del juvene studente, Primo vere, un recolta de poesias que habera presto successo. Accompaniate ab un enthusiastic recension critic sur le revista roman Il Fanfulla della domenica, le libro esseva publicisate per le mesme D'Annunzio con un expediente: faceva diffunder le false notitia del proprie morte per un cadita ab cavallo. Le notitia habeva le effecto de reappelar le attention del publico roman sur le romantic studente, que faceva de ille un personage famose. Le mesme D'Annunzio pois dismentiva le false notitia. Depost haber terminate le studios lyceal, vadeva a Roma e se inscribeva al Facultate de Litteras, ma non terminava jammais le studios universtari. Le annos 1881 – 1891 il era decisive per le formation de D'Annunzio, e in le reporto con le particular ambiente cultural e mundan de Roma ab poc tempore capital del Regno, initiava a formar le su stylo elegante e communicative, le su vision del mundo e le nucleo central del su poetica. Le bon reception que trovava in le urbe era favorite per le presentia a Roma de un gruppo de scriptores, artistas, musicos, jornalistas de origine abruzzese, parte del quales cognoscite per le poeta a Francavilla a Mare, in un convento de proprietate del amico Francesco Paolo Michetti (inter illes Scarfoglio, Masciantonio, Tosti, e Barbella) que facera parlar de pois de un "Roma byzantine", ab le nomine del revista sur le qual illes scribeva, Cronaca byzantime. Le cultura provincial e vitalistic del gruppo appareva al publico roman, clause in un ambiente stricte e suffocante - ancora multo lontan del effervescentia intellectual que animava le altere capitales europee - un novitate "barbaric", excitante e rebelle; D'Annunzio sapeva condensar perfectemente, con un stylo jornalistic exuberante, elegante e virtuosistic, le stimulos que iste opposition "centro-peripheria", "natura-cultura" offereva al expectativas de lectores desiderose de novitate. D'Annunzio se era debite adaptar al labor de jornalista super toto per exigentias economic, ma anque al frequentation del Roma "ben" per le su gusto per le exibition del beltate e del luxo; in le 1883 sposava, con un matrimonio "de reparation" (illa era jam gravide del filio Mario), in le cappella de Palatio Altemps a Roma, Maria Hardouin duchessa de Gallese, ab la qual habeva tres filios (Mario, diputato al parlamento, Gabriele Maria, actor, e Ugo Veniero). Le matrimonio terminava in un separation legal depost poc annos (anque si le poeta e le ex-uxor remaneva in bon reportos), per le numerose relationes extraconjugal del poeta. Totevia, le experientias per ille decisive esseva celle transfigurate in le elegante e recercate reportos jornalistic. In iste rito de initiation litterari ille se identificava usque a transfunder tote le su energias creative et emotive. D'Annunzio ab le april del 1887 guardava con grande passion al nove amante Barbara Leoni, destinate a restar le su plus grande amor, anque ultra del lor historia que durava cinque annos. In iste annos juvenil utilisava le pseudonymo de "Duca Minime" per le articulos que scribeva per La Tribuna, jornal fundate ab Alfredo Baccarini e Giuseppe Zanardelli. Le grande successo litterari arrivava con le publication del su prime romance, Le placer, a Milano presso le editor Treves, in le 1889. Tal romance, con al centro le figura del juvene estheta Andrea Sperelli figura decadente, inaugura un nove prosa introspective e psychologic que rumpe con le esthetica del naturalisme e del positivisme. Ultra a lectores et extimatores plus culte, se creava presto circum al figura de D'Annunzio un vaste publico de admiratores del su operas e del su persona, qui le mesme scriptor contribueva a construir deliberatemente. Ille inventava un stylo imaginose e pretentiose de vita ab "grande divo", con illo nutriva le besonio de sonios, de mysterios, de "viver un altere vita", de objectos e comportamentos-culto que stava a formar in Italia le nove cultura de massa. Inter le 1891 e le 1893, D'Annunzio viveva a Napoli, ubi habeva un nove relation con le nobildomina sicilian Maria Gravina Cruyllas, ab la qual habera duo filios Renata e Gabriele Dante. Collaborava al jornal Il Mattino, e scribeva Giovanni Episcopo e le Innocente, pois Le Triumpho del morte e le lyricas del Poema Paradisiaco Sempre de iste periodo es le su prime approche al scriptos de Friedrich Nietzsche. Le suggestiones nietzschian, liberemente filtrate ab le sensibilitate del Vate, se retrovera anque in Le virgines del roccas (1895), poema in prosa ubi le arte «...se presenta como instrumento de un diverse aristocratia, elemento constitutive del viver inimitabile, supreme affirmation del individuo e criterio fundamental de omne acto». In le 1892, in un gara con Ferdinando Russo sur le capacitate del poeta de scriber lyricas in napolitano, D'Annunzio compone le texto de 'A vucchella, romanza que sera publicate in le 1907 musicate ab Francesco Paolo Tosti. Sempre in le 1892 initiava un relation epistolar con le celebre actrice Eleonora Duse, con la qual habeva initio le seison central del su vita artistic. Illes se cognosceva personalmente in le 1894 e subito nasceva le amor. Per viver vicin al su nove amate, D'Annunzio se transfereva a Florentia, in le zona de Settignano, ubi locava le villa La Capponcina – ab le nomine del familia Capponi - (vicinissime al villa La Porziuncola del actrice), transformante le in un monumento del gusto esthetic “decadente” definite ab ille "le vita del senior del renascentia ". Son in iste annos que se ha grande parte del dramaturgia dannunziane, e que non rarmente il ha como puncto de referentia le figura actorial de Eleonora Duse, como le obras theatral: Sonio de un mateno de primavera (1897), Le Gioconda (1899), e Le Gloria (1899) in ultra le su melior obras poetic, le prme tres parte del Laudes del celo, del mar, del terra, del heroes e, inter iste, le vertice del su poesia, Le Alcyone tertie perte post Maia (1903) et Electra (1904), le libros habeva le nomine del Stellas del Pleiades. Pois le tragedia Francesca ab Rimini (1902), le tragedia pastoral Le filia de Iorio (1904). Le dramas theatral Le facula sub le modio (1905), le Plus que le amor (1907), Le Nave (1908), Fedra (1909), Forsan que si forsan que no (1910), Parisina (1912), e le Ferro (1913) Inter le 1893 e le 1897 D'Annunzio conduceva un existentia animate, que lo portava ante in Abruzzo e pois in Grecia, que visitava in un longe viage, que pois ille tranfereva in le prime libro del Laudes Maia, e in le drama Le citate morte (1896). In le 1897 voleva provar le experientia politic, vivente anque illo, in un modo bizzarre e clamorose: electe diputato del dextere, passava quasi subito in le sinistre, con le celebre affirmation «io vade verso le vita», per protesta contra Luigi Pelloux per le sanguinose repression del rebellion de Milano, per le general Bava Beccaris. Ab le 1900 al 1906 ille esseva multe vicin al Partito Socialista. Le relation con Eleonora Duse initiava a terminar in le 1904, depost le publication del romance Le Foco, (1900) in le qual le poeta habeva describite sin pietate le lor relation, e le traition con Alessandra de Rudiní. In ille epocha le vita dispendiose conducite ab le Vate lo portava a dissipar le conspicue summas percepite per le proprie publicationes, que pois deveniva insufficiente a pagar tote le su expensas. In le 1910, convincite ab le nove amante Nathalie de Goloubeff, D'Annunzio se transfereva in Francia: habeva accumulate multe debitas e, per evitar le creditores, habeva preferite allontanar se ab le proprie Pais. D'Annunzio per cinque annos non retornava in Italia. In iste periodo il ha anque un relation con le americana Romaine Beatrice Brooks. A Paris ille era un personage cognoscite, era stato traducite ab Georges Hérelle e le debatto inter decadentistas e naturalistas habeva a sue tempore un grande interesse jam con Huysmans. Isto le permittiva de mantener le su dissipate stylo de vita facite de debitas e frequentation mundan, inter le qual celle con Filippo Tommaso Marinetti fundator del Futurisme e le compositor Claude Debussy. Pur lontano ab le Italia, collaborava al debatto politic, publicante versos in celebration del guerra italo-turc, (1911-1912), reunite pois in Merope, quarte libro del Laudes, o editoriali per diverse jornales nationales (in particular per le Corriere della Sera). que a ille le concedeva alteres monetas. In le 1910 ante de partir D'Annunzio adhereva al Association Nationaliste Italian fundate ab Enrico Corradini. In le su articulos plaudeva a un politica de potentia e grandor, opponente le su idea de Nation al «Italietta meschin e pacifiste». In le 1914 Gabriele D'Annunzio refusava de devenir Academico del Crusca, declarante se inemico del honores litterari e del Universitate. Depost le periodo parisian vadeva ad Arcachon, sur le costa atlantic, ubi se dedicava al activitate litterari in collaboration con musicos de successo (Mascagni, Debussy), e componeva librettos de opera lyric (Le martyre se Saint Sebastien) musicate per Debussy (1911) e subjectos per film (Cabiria) in le 1914). Retornara in Italia in le maio 1915.

 

Ada Negri

Ada Negri, (Lodi, 3 februario 1870 – Milano, 11 januario 1945), esseva un poetessa, scriptrice e inseniante italian. Illa es cognoscite anque per esser state le prime e unic femina a esser admittite al Regal Academia de Italia.
.

Biographia:

Ada Negri nasceva a Lodi le 3 februario 1870. Le origine del su famila il era humile: le su patre Giuseppe era cochiero e sue matre, Vittoria Cornalba, texitrice. Illa era le secunde genite, habeva un fratre major de nomine Nani. Depost le morte del patre, quando illa habeva sol un anno de etate, passava le infantia in le porteria del palatio, ubi le granmare materne, Giuseppina Panni, laborava. Antea era per annos le governante del soprano Giuditta Grisi, uxor del conte Cristoforo Barni; al morte del cantante, era ingagiate como custode del palatio Cingia-Barniilla. A causa del parve casa le primogenite era confidite a un oncle. Sur le reporto inter Grisi e le su familia, Ada construira le mytho del proprie infantia. In porteria Ada passava multo tempore sol, observante le passage del personas, como es describite in le romance autobiographic Stella Mattutina (1921). Gratias al sacrificios del matre Vittoria, la qual laborava in un laneria, pro facer studiar le parve "Dinin” assi Ada poteva frequentar le Schola Normal feminin de Lodi, obtenente le diploma de inseniante elementari. Le su prime empleo era al Collegio Feminin de Codogno, in le 1887. Le ver experientia de inseniamento que signava le su vita e le production artistic, tamen, era interprise a partir ab le 1888, in le schola elementari de Motta Visconti un parve village in provincia de Milano, in le qual Ada passava le periodo plus felice del su vita; (como recordora multe annos depost in alicun belle paginas autobiographic del Cacciatora e de Stella Mattutina), al labor de maestra es ligate in le mesme tempore le activitate de poetessa: era in iste periodo qui initiava a publicar le su scriptos sur un jornal de Lodi le Fanfulla, como, in le 1888, Le monacha e altere poesias. Inviava altere versos anque al revista le Illustrazione popolare (que exiva con le Corriere della sera) e le su director, Raffaello Barbiera, esseva colpate per le su versos e dedicava a illa alicun notas elogiative. Le etate e le misere condition social del autrice attraheva le attention anque del jornalista e scriptrice Sonia Bisi Albini qui vadeva usque a Motta Visconti per cognoscer la, e pois confidava a un articulo publicate in le Corriere della sera le description del incontro. Era le initio de un successo inexpectate e que non poteva esser haltate, que se transformava presto in le caso litterari de ille annos. In iste periodo componeva le poesias pois publicate in le 1892, in le recolta Fatalitate publicate ab Treves, et elogiate ab Giousè Carducci. Iste libro habeva un grande successo, portante Ada ad acquirer grande fama, a tal puncto que, sur le decreto del ministro Zanardelli, il era a illa conferite le titulo de docente per clar fama presso le Instituto superior "Gaetana Agnesi" de Milano. Assi se transfereva con le matre in le capital regional lombarde. A Milano entrava in contacto con alicun membros del Partito Socialista Italian, anque gratias al appreciamentos recipite ab alicun de illes per le proprie production poetic, in le qual es multo forte le question social. Inter illes cognosceva Filippo Turati, Benito Mussolini, Anna Kuliscioff (de cuje se sentiva soror ideal); in ultra viveva un intense e travaliate historia de amor con le jornalista Ettore Patrizi, qui presto tamen se transfereva in America lassante in le scriptrice un grande delusion. In le 1894 per le interesse de Emilia Peruzzi, era conferite a illa le premio per le poesia «Giannina Milli» de 2000 liras per anno, ab un commission de cuje les faceva parte, inter le alteres, Francesco D’Ovidio, Alessandro D’Ancona e Isidoro del Lungo. In le mesme anno exiva le su secunde recolta de poesias, Tempestas, minus appreciate de Fatalitate. Le composition Sin rythmo (1895), quasi a clausura del recolta, se poneva como prime experimento de libertate metric que anticipava le verso libere e attraheva le attention de Gian Pietro Lucini. Luigi Pirandello in vice criticava con sarcasmo le tonos rhetoric e le attitude exagerate. Ambes le recoltas il habeva multe reeditiones et esseva traducite in varie linguas, obtenente notabile successo anque al estraniero. In iste periodo le su lyrica poetic se concentrava super toto sur themas social et habeva forte tonos de denunciation, social, tanto qui illa esseva defenite le poetessa del Quarte Stato. In le anno 1896 un ric industrial texil de Biella, Giovanni Garlanda, inamorate se de illa depost le lectura del su versos, le rogava de sposar le. Le matrimonio era celebrate post un mense e assi Ada Negri se transfereva a Biella in le localitate de Valle Mosso. Depost duo annos nasceva le primogenite Bianca; inspiratrice de multe su poesias, le secunde filia, Vittoria, viveva solmente un mense. Le scriptrice entrava completemente in le dimension materne, a cuje es dedicate le recoltas Maternitate (Milano 1904), e Ab Profundo (1910). Ille periodo del su vita era signate ab un augmento de difficultate in le vita matrimonial que non era felice, super toto per un forte incomprension con le familia del marito. Ab iste periodo le su historias personal modificara fortemente le su poetica e le su obras deveniva introspective e autobiographic. Gratias a un vaste rete de amicitias illa intertanto resultava a entrar in contacto con le plus importante institution philanthropic e del associationes politic milanese, ab le Societate humanitari, al Universitate popular e al Operas Pie. Deveniva anica de Ersilia Majno, con illa fundava le Asylo “Mariuccia” per feminas qui se prostuiva. Le su ingagio le offeriva materia per le reportages, le articulos de actualitate e le cronacas que publicava in le rubrica “Cronacas del Ben” del Corriere della Sera, de cuje illa era titular ab le 1903 al 1911. Le fama del signatura garantiva un propaganda secur a omne opera benefic del qual illa se occupava, in le su articulos il era in ultra un inter le pochissime autores le cuje versos dedicate a factos de cronaca los trovava spatio sur le quotidianes, como Le sonio de Draga sur le assassinio del regales de Serbia, que exiva – sempre in le Corriere – in prime pagina. Pois le matrimonio terminva e Ada prosequeva le su recerca litterari habente un grande successo de publico e de critica. Le separation con Garlanda eveniva in le 1913, e Ada se transfereva a Zurich in Helvetia, pro sequer le filia Bianca, inscripte ab le patre in un collegio del urbe helvetic, e ab hic illa initiava a componer alicun prosas dedicate exclusivemente a figuras feminin, al quales attribueva grande importantia, sia proque le lor destination era celle jornalistic, sia proque considerava le poesia, le su expression artistic plus autentic. Illa habeva anque un cordial amicitia, con le locotente del exercito italian Fulcieri Pauluci de Calboli, ab Zurich illa scribe Exilio, publicate in le 1914, opera con un evidente referentia autobiographic. Illa remaneva a Zurich usque al initio del Prime Guerra Mundial, quando in le 1914 retornava a Milano. In le 1915 se ha notitia del su presentia a Lodi, a transverso le corrispondentia con le actrice Paola Pezzaglia. interprete sur le scenas del su poesias. A Milano illa adhereva al Comitè national feminin per le defensa del Patria in tempore de guerra e, recognoscente se in le action politic de Mussolini qui susteneva un transformation in senso revolutionari del reformismo socialista, se distaccava definitivemente ab le socialismo de Turati e ab le ambiente democratic. Le annos del guerra habeva transformate le passion civil in patriottismo. In le redaction del Popolo d’Italia, le jornal de Mussolini, initiava a frequentar Margherita Grassini Sarfatti, la qual con le su amicitia le dava per annos protection politic e artistic. Ab le 1914 al 1926 scribeva per La Stampa, Il Secolo, La Rivista d’Italia, sequeva le direction politic del governamento in le articulos de typo social. Deveniva amica de Delia Notari e de su marito – al cuje jornal, L’Ambrosiano, collaborava – e in fin de Gina Boerchio fundatrice del collegio homonyme a Pavia, ubi illa vadeva sovente. Ora considerate le major poetessa italian e devenite celebre publicava, sur incoragiamento de Margherita Sarfatti, le su prime libro de prosas, Le solitarias (Milano 1917), que se collocava in un currente litterari jam inaugurate ab Neera (Anna Zuccari) e Matilde Serao. Opera moderne e attente al multe faciettatur del thematica feminin; in le Prefacion (p. VI), dedicate al mesme Sarfatti, revindicava de haber describite «humile vision de vitas feminin». Inter le vita de exception del scriptrice e le gris destinos feminin consumate in le umbra, in le silentio, in le conscentia del proprie solitudo se establiva un ligamine de complicitate. Le stylo modeste, inadorno e toto jocate sur tonos moderate, que era multe distante ab le enphase declamatori del su poesias, illa obteneva le consenso de Renato Serra. Le anno sequente exiva Orationes, recolta de odes al Patria (1918), illos esseva dedicate al memoria de Alessandrina Ravizza, Luigi Majno e Roberto Sarfatti, le filio de Margherita, qui Ada considerava sue filio de anima, cadite juvenissime sur le fronte de guerra. In celle annos le su existentia era signate ab nove luctos e separationes: le perdita del matre Vittoria in le 1919, le allontanamento del filia Bianca qui se era sposate, in le 1921, e anque ab un nove forte passion amorose per un homine qui pois morira per le febre espaniol, qui inspirava a illa Le libro de Mara (1919). Illo era un recolta non usual per le societate catholic e conservatrice de ille epocha. Le thema principal del su poesia il era ora le sentimentos e, in le annos, le memoria. Duo annos depost, in le 1921, anno del matrimonio del filia Bianca, era le vice del publication de Stella mattutina, breve romance autobiographic de successo,.un historia sur le proprie infantia e le su adolescentia, in cuje se insereva duo longe novellas autonome. A transverso le protagonista, le puera Dinin, son recordate in tertie persona le povrissime origini, le vita in le porteria, le jocos in le ‘jardin del tempore’, le litigios con la patrona qui accusava le puera de copiar, le conscientia del proprie vocation al poesia. Es exaltate in le libro le reporto con le natura, con le sol, con le arbores, con le flores. Intiava assi un serie de prosas (Fenestras alte, 1923; Le stratas, 1926; Sorores, 1929) in le qual son narrate episodios de vita feminin, illos era narrate tressante in forma original le su autobiographia e biographia. In le annos 1926 e 1927 Ada Negri esseva nominate al Premio Nobel per le Litteratura, (conferite in vice in le 1926 a Grazia Deledda). In iste annos Ada Negri passava diverse menses al anno a Pavia, sovente habitante, curiosemente, a Palatio Cornazzani, ubi jam les habeva habitate Ugo Foscolo e Albert Einstein. Sur le Popolo d’Italia Benito Mussolini dedicava a illa un articulo elogiative, qui le autrice considerava le melior premio al su opera, pois proponite de novo como prologo al edition de Mondadori del 1940. Le nomina in le 1926 de Ugo Ojetti a director del Corriere della sera consentiva a illa de reprender le collaboration al jornal, que deveniva le su principal fonte de ganio economic, per 1000 lire al pecia, un cyfra que correspondeva al salario mensuel de un professor de lyceo. Le su fama augmentava e se consolidava, usque a quando in le 1931 le autrice vinceva le Premio Mussolini per le carriera; il era le annos in cuje Benito Mussolini utilisava ancora le reportos personal nascite in le su periodo socialiste. Le premio consecrava Ada Negri como un intellectual de regime, tanto que in le 1940 il era le prime e unic femina membro del Regal Academia de Italia. Ma le annos del guerra e le ultime annos de vita esseva signate per le suffrentia e per le sulitudo, le su vita era permeate ab profunde pessimisme, clausa in se ipse e in un retrovate religiositate que la portara ad affundar in un progressive oblido in un submisse soliloquio. Precarias es le titulo del parte conclusive del su ultime silloge recolta de versos, Fons amoris (Milano 1947). Depost le bombardamento del casa de Milano, Ada Negri se transfereva ante a Bollate presso le filia, inde a Parma e a Pavia. Moriva le 11 jenuario 1945 et era sepulte in le famedio templo funerari de Milano. Le 3 april 1976 le su tumba es state transferite in le antique Ecclesia de Sancte Francisco a Lodi In le secunde postguerra in vice, a causa del su adhesion al fascisme, le opera e le nomine de Ada Negri esseva oblidate, si non mesmo removite.. Sol in tempores plus recente sembla esser se eveliate un certe interesse critic, ultra al su poesias, anque e super toto per le obras in prosa.