Le tempesta

Per William Shakespeare - Traduction in Interlingua per Francesco Galizia

Le tempesta (The Tempest) il es un obra theatral scripte per William Shakespeare inter le annos 1610 e le 1611. Le tempesta esseva publicate per le prime vice in le in folio del 1623, como texto initial del recolta, et es un del textos que resulta melio conservate, divise in cinque actos e con le notas a margine que on presume esser scripte per le mesme Shakespeare. Illo esseva representate per le prime vice le 1º novembre 1611 al Whitehall Palace de London.  

Introduction
Le drama, que se developpa sur de un insula non precisate del Mediterraneo, narra le historia del exiliate Prospero, le ver duce de Milano, qui vole reportar le filia Miranda al posto que le specta, utilisante illusiones e manipulation magic. Durante que le su fratre Antonio e le su complice, le Rege de Napoli Alonso, sta a navigar presso le insula, de retorno ab Carthagine, le mago invoca un tempesta, que lassa le passegeros sur le insula. Per le medio del magia e con le adjuta del su servo Ariel, un spirito del aere, Prospero resulta a revelar le natura basse de Antonio, a redimer le Rege e a facer inamorar e sposar le filia Miranda con le prince de Napoli, Ferdinando. Le narration es tote centrate sur le figura de Prospero le qual, con le su arte magic, texe intrigas con cuje constringer le alteres personages a mover se secundo le proprie voler. Le tempesta appertine al ultime phase del production de Shakespeare, celle del romances: obras in cuje elabora thematic jam tractate (in le tragedias o in le comedias) e le connecte in un dimension mythic e sacral. In le romances sovente recurre themas qual: morte e renascentia, expiation sequite per le pardono e culpas del patres redimite per le filios. Es traditionalmente reputate le penultime obra de William Shakespeare et es considerate le labor que signava le adeo al scenas del celebre dramaturgo.

 

Personages:

Alonso, rege de Napoli
Sebastian, fratre de Alonso
Prospero, mago e duce de Milano
Miranda, filia de Prospero
Antonio, fratre de Prospero, usurpator del throno de Milano.
Ferdinando, filio del rege de Napoli
Gonzalo, honeste consilero ancian del rege.
Adrian e Francisco, duo nobiles del Corte de Alonso.
Caliban, sclavo salvage e deforme, filio del maga Sycorax.
Trìnculo, un buffon ebrie
Stephano, un cellero ebrie
Capitano, del nave royal.
Maestro, de bordo del nave
Marineros, del nave royal.
Ariel, spirito del aere, al servicio de Prospero.  
Junon, Regina del Deas roman.
Iris, Dea grec del Mar e del Celo.
Ceres, Dea roman del Agricoltura  
Naiades, semideas del aquas
Nimpha, semidea del fluvios.
Harpyia, Monstro feminin del Mythologia grec.
Spiritos, del aere e del terra.

Resumpto del Historia:

«Anque nos es facte del materia de cuje son facite le sonios; e in le spatio e in le tempore de un sonio es continite le nostre breve vita.» (Prospero: acto IV, scena I.)

Le narration del comedia initia quando le major parte del eventos son jam evenite. Le mago Prospero, Duce de Milano, per dedicar se totalmente al studios de magia, confide le governamento del Stato al fratre Antonio, homine jelose e ambitiose, qui profita del carga per destituer Prospero adjutate per le rege de Napoli Alono. Prospero insimul al filia Miranda, del etate de tres annos, son lassate un nocte sur un nave e abandonate al deriva in mar. Per fortuna, le vetule e bon Gonzalo habeva facite portar sur le nave, secretemente, aqua e cibo in quantitate, habitos de omne specie e anque le melior libros del bibliotheca del Duce. Pulsate per le tempesta e le ventos le nave arriva in un insula del mar Mediterraneo, habitate solmente ab Caliban, deforme homine-monstro, et Ariel, spirito del aere, le qual veniva imprisionate in le cavo de un arbore ab le maga african Sycorax, matre de Caliban, la qual esseva exiliate in le insula alicun annos antea, e morite ante del arrivata de Prospero. Ariel depost esser imprisionate per dece-duo annos, esseva liberate per Prospero, con le su arte magic, qui lo habeva prendite al proprie servicio, promittente tamen, que un die lo haberea liberate. In le insula, Prospero e le filia viveva in un grotta, e passava un longe periodo de tempore: ora Miranda es un juvene e belle puera. Le filio del maga, Caliban, un monstro deforme, es le unic habitante mortal del insula, ante del arrivata de Prospero, un die attrahite per le beltate de Miranda, propone a illa de unir se a ille per crear un nove racia pro popular le insula, ma Prospero lo chassa via. A iste puncto initia le comedia. Gratias al su arte magic Prospero il ha habite le revelation qui Alonso e Antonio, in un vascello directe a Napoli, (de retorno ab le numptias del filia de Alonso, Clarabelle, con un rege carthaginese) esserea passate non lontan del insula, occasion unic per affronatar les e forsan anque per vindicar se del tortos subite. Sur le nave viagia ultra le rege Alonso e Antonio, anque le unic filio de Alonso Ferdinando e alicun nobiles. Prospero discatena un tempesta con le adjuta de Ariel, in van le Capitano, con le Maestro de bordo e le marineros face de toto per salvar le nave, que tamen face naufragio. Sur le insula in le grotta, Prospero parla al juvene filia Miranda qui ha suffrite per le naufragio e preca le patre de facer cessare le cruel tempesta, Prospero, assecura le filia: le nave non es submergite e le passegeros son salve, es stato solmente un incantamento qui ille mesme ha volite. Prospero revela a illa de esser le ver Duce de Milano, a cuje le fratre Antonio ha usurpate le throno e ha submisse Milano al Rege de Napoli. Prospero face addormir Miranda, pois clama Ariel, le spirito del aere, que per voler del patrono, habeva operate le magia del tempesta, e dice, que toto es complite: le nave es ancorate al funda, marineros e passegeros salvate. Prospero, con le su incantamentos, resulta a separar tote le superviventes del naufragio, assi Alonso e Ferdinando crede ambes qui le altere sia morite. Caliban a cuje Prospero habeva ordinate de prender del lignages, incontra duo ebries del equipage: Stephano cellero del nave e Trinculo buffon del rege, que ille excambia per creaturas divin descendite ab le Luna. Le homine-mostro bibe per le prime vice del vino e se mitte al servicio del duo ebries: parla del belle Miranda, qui un vice ille habeva tentate de violentar, e promitte qui le puera facera parte del butino de Stephano, quando habera eliminate Prospero; insimul illes cerca de ordir un rebellion contra Prospero, que tamen Ariel facera faller. Intertanto Alonso, Gonzalo, Sebastian, Antonio e le duo gentihomines Adrian e Francisco, exite indemne ab le naufragio, les parla del lor aventura, Alonso es affligite, pro que time qui le filio sia morite in mar. Et ecce que arriva Ariel – transformate in Harpyia – accusa Alonso, Sebastian e Antonio de esser peccatores, ignorantes e dishoneste, e adjunge que illes potera salvar se del ruina solmente si illes se pentira del lor peccatos, e pois les addormi tote, excepte Antonio e Sebastian. Le prime convince le secunde a occider le su fratre Alonso, pro devenir ille Rege de Napoli. Ma quando le duo perfide individuos sta per assassinar le Rege, Ariel, evelia Alonso e Gonzalo, e impedi le delicto. Intertanto Ferdinando, qui se crede le unic supervivente, es affligite per le perdita del patre, quando compare Ariel transformate in Nimpha; e cantante e sonante, guida Ferdinando, verso le grotta. Illac Prospero face incontrar ille con Miranda, le juvene, quando vide Miranda se inamora del puera et es subito amate ab Miranda. Le juvene revela de esser le prince hereditari del Regno de Napoli e roga a Miranda de sposar le e illa accepta. Prospero benedice le duo juvenes, ma Prospero exorta Ferdinando e Miranda a non conceder se al luxuria, ma de haber temperantia in le lor amor, advertente Ferdinando que: « Si tu rumpe le su nodo virginal ante, que tote le ritual cerimonias pote, esser celebrate con rito plen e sacre, amar disdigno e discordia devastara le union del tue lecto ». Pro isto, le festa con cuje Prospero intertene le copula es centrate sur Junon, dea del matrimonio caste, et exclude explicitemente Venus et Eros, divinitate del luxuria. Le festa continua con le canto del deas Iris e Ceres e se conclude con le ballo del Naiades del aquas. Le lor matrimonio sera per Prospero ration de reconciliation con le fratre Antonio. Depost le festa, Prospero se vesti con le su mantello magic e tracia un circulo a terra con le su virga magic, e pois parla con Ariel le qual recorda a ille de haber promittite de liberar le cello mesme die, Prospero confirma isto, ma debera aspectar ancora un poc, carga inde Ariel de portar le naufragos al su presentia, depost poc tempore Ariel arriva guidante Rege Alonso e le alteres, Prospero les face entrar in le circuloo magic, traciate poco antea, et illes restera illac como incantate. Prospero se adressa per prime a Gonzalo, e le regratia per esser stato bon e generose con ille e le filia; pois al alteres, les reprocha de haber comspirate contra de ille. Se interrumpe rogante ad Ariel de portar le su habitos ducal, e depost haber los vestite, revela le proprie identitate, con grande meravilia del alteres. Ma pardona le fratre e le rege de Napoli., pois les invita in le su grotta, ubi Alonso, aperte un tenta, vide Ferdinando e Miranda qui joca a chacos, plen de felicitate, Alonso, alterate per le joia, univa le manos del duo juvenes e augura lor grande gaudio e serenitate, illes se sposera al arrivata in patria. Prospero in le final restitue finalmente ad Ariel le libertate, pois rumpe le virga magic, e in le epilogo renuncia al magia, con un famose monologo, in le qual multe expertos il ha viste un referentia al abandono del scenas ab parte de Shakespeare.

Contexto historic e theatral

Iste es le unic obra de Shakespeare in le qual son (quasi) respetcate le unitate de tempore, de loco e de action del drama classic. Le unitate de loco es consequite con ambientar le historia sur de un insula remote. Le unitate de tempore es date per developpar tote le actiones in le spatio de poc horas: ab le 2 al 6 del postmeridie. Le unitate de action, de facto, non es propriemente consequite. In le major parte del su obras le eventos eveni in diverse dies e le personages se move in varie locos. Le tempesta es relationate al su mesme natura de drama: frequente parallelos son traciate inter le arte de Prospero e le illusion theatral. Le naufragio es un spectaculo misse in scena ab Ariel; Antonio e Sebastian son personages in un compania reunite se per recitar. Se es volite vider anque un referentia de Prospero al Globe Theatre, illac ubi ille declara que le mundo integre es un illusion: le grande globo se dissolvera como iste cerimonia inconsistente. Ariel se disguisa frequentemente como un figura del mythologia classic (ad exemplo: un Nimpha, un Harpyia o Ceres) e recita in iste rolos in le cerimonia volite ab Prospero per Miranda e Ferdinando.

Robin Hood

Per varie Autores - Traduction in Interlingua per Francesco Galizia

Robin Hood (anque "Robyn Hode") il es un heroe popular de Anglaterra, qui ha inspirate alicun obras del litteratura britannic. Le personage es in parte hstoric e in parte legendari, un bandito o un nobile saxon sin haberes. Si hodie in le version moderne del legenda ille es un generose heroe habilissime in le uso del arco, in vice in le version medieval, ille es considerate un bandito como tante, in le su epocha. In le cultura popular le contos de Robin Hood e del su banda son solitemente associate con le area del foresta de Sherwood e le contato de Nottingham. Le su loco de nascentia historic sembla esser Loxley in le Yorkshire, e un tumba con le su nomine se trova a Kirklees.
Panorama religiose e legendari
Le epopeia de Robin Hood, trahe origine ab le figura de Robert de Loxley un nobile, devote e fidel al legitime soverano de Anglaterra, Richardo I Corde de Leon, le cuje throno, es usurpate per le su fratre minor, Johannes Sin Terra. Le fidelitate de Robert al monarcha esserea costate al nobile sia le titulo de cavallero, que le terras del su familia. Le nobile esserea assi constringite a celar se in un foresta, ubi, unite se a un banda de predones, haberea conducite un forma de guerrilla contra le autoritate constituite. Documentos historico – juridic como "Robin Hood fugitive" un pergamena del 1225 del Corte de Appello del Yorkshire e "Le Conte Robin de Huntingdon", testamento del 1248 non son determinante ad identificar in modo historic Robin Hood. Sin dubita, le legenda de un rebelle qui combatte per un juste causa, e lucta contra le injustias e le corruption ab parte del autoritate contra le populo, le generositate con le povre, le absentia total de violentia in le rapinar le ric benestante, le patriottismo a favor del causa del legittime soverano, Richardo Corde de Leon, ingagiate in le Cruciata a defensa del Terra Sancte, contra le usurpator le price Johannes, resulta ab sempre multo amate per le populo. Sin dubita, le elevate imposition fiscal que era un characteristic del regno de Johannes Sin Terra, constringeva al miseria e al brigantage multe personas, anque per le plus impopular lege ab ille approbate, le "Lege del Foresta" accordava al sol Corte royal un accesso exclusive al reservas de chassa e de lignage ab arder e prevideva punitiones cruel contra le culpabile. Le nomine "Robert", de cuje deriva "Robin", es ab sempre multo usate, e le nomine de familia "Hood" e le su variantes ("Hod" et "Hode") era anque illo multo commun in ille epocha Le saga de Robin Hood se explica inter le seculos XII e XIII, durante le regno inter le annos 1199 e le 1216 de rege Johannes I, , un epocha de conflictos inter le rege e le nobiles, per le taxas sempre plus alte, que conduceva a un revolta del barones contra le soverano e a facer assi firmar ab ille le Magna Charta Libertatum, un documento que limitava le poter absolute del rege a favor del nobiles (barones), primo passo contra le antique systema del societate feudal.
 

Personages principal:

Robin Hood de Locksley, un nobile saxon, fidel al rege. 

Guy de Gisborne, nobile normanne amico del prince Johannes.  

Little John, companion de Robin. 

Will Scarlet, le plus juvene del compania. 

Much, filio de Miller chassator furtive. 

Miller, molinero amico de Robin. 

Alan a Dale, le menestrel qui narra le historias de Robin. 

Fratre Tuck, qui frequenta sia le ecclesia que le tavernas. 

Lady Marian Fitzwalter de Leaford, dama del rege. 

Sheriff de Nottingham, inemico de Robin. 

Prince Johannes Sin Terra, le usurpater del regno. 
Rege Richardo I Corde de Leon, de Anglaterra,.

Resumpto del Historia:
 

Anglaterra, anno 1191. Le soverano anglese Richardo I Corde de Leon, combatte in Terra Sancte durante le Cruciata. Al su retorno es facite prisionero ab le Archiduce de Austria, le qual roga un grande extorque pro le su liberation. Durante le su absentia, sue fratre minor Johannes Sin Terra assume le regentia del regno e instaura un regime de poter absolute, con le adjuta del nobiles normanne e del ric clero, le quales supercarga le gente commun con le taxas e con le lor prepotentia. Robin Hood, le chef del rebelles legitimiste, jura fidelitate a rege Richardo insimul al su comeradas initaia un lucta cruel contra le usurpator Johannes e le mal Sir Guy de Gisborne, cavallero normanne amico del prince, e le avide sheriff de Nottingham le qual il ha private Robin del titulo e del su haberes. Robin con le adjuta del su fideles companiones: Little John, parve (Little) in contrasto al su aspecto mastodontic, Will Scarlett le plus juvene camerada habile sia con le arco que con le spata, Munch filio de Miller le molinero, archero e chassator furtive, fratre Tuck, homine de ecclesia, ma anque de tavernas, astute e generose e le menestrel Alan a Dale qui narra e canta le aventuras de Robin. Le compania de archeros de Robin Hood se celava in le Foresta de Sherwood, in le contato de Nottingham, ubi le impavide archero e le su companiones, submitte a frequente attaccos le armea e le exactores del taxas, e le ric monachos del Ecclesia Catholic, robante a illes le monetas e le restitueva al povres del population. In le mesme tempore, Robin cerca de accumular le ricchessa necessari pro pagar le extorque que le carcereros de rege Richardo, exigeva pro le su liberation. Lady Marian Fitzwalter, le dama e pupilla del rege, se inamora de Robin, depost haber initialmente, in bon fide, prendite le partito del prince Johannes, del qual pois ha discoperte le intention de facer assassinar le fratre, quando iste retornara in patria, con le sperantia de regnar definitemente al su posto. Durante un torneo per archeros, Robin vince tote le probas et es premiate ab Lady Marian e se inamora de illa. Ma pois ille es capturate e condamnate a morte per alte traition verso le Corona royal, ma resulta a evader del prision ante que sia exequite le sententia. Poc dies depost le su fuga, Robin incontra in le Foresta de Sherwood, le rege Richardo, retornate intertanto in Anglaterra in grande secreto, e discoperi qui le Archiepiscopo anglese face le duple joco con le rebelles e le prince usurpator. Johannes veni a saper qui le fratre es retornate e manda contra de ille un assassino, qui tamen il es identificate e occise per le homines de Robin. Attingite Nottingham, le die del coronation del prince Johannes como nove rege, Robin e Richardo se revela avante a totes e les attacca le homines del prince, Robin in un duello occide Sir Guy de Gisborne, al qual le prince habeva promisse de sposar Lady Marian, le prince Johannes es arrestate et es condamnate al exilio. Robin Hood obtene de novo le titulo de conte de Locksley e Huntington, le gratia e le libertate per le su homines e le permisso de sposar le amate Lady Marian.

Cinema e television

Le fims e le serie televisive dedicate al popular heroe legendari son numerose:.
Le su prime apparition era in le film mute Robin Hood and His Merry Men (1908).
Un del plus famose es Le Legenda de Robin Hood del 1938, con Errol Flynn e Olivia De Havilland.
Del 1976 il es in vice Robin e Marian, con Sean Connery e Audrey Hepburn.
Plus recente son: Robin Hood – Prince del Robatores, (Robin Hood: Prince of Thieves, 1991), con
Kevin Costner e Mary Elizabeth Mastrantonio, e, sempre del 1991, Robin Hood le Legenda (Robin
Hood) con Patrick Bergin e Uma Thurman. Il ha anque film comic como (Robin Hood: Men in
Tights, 1993), per le direction de Mel Brooks, con Cary Elwes.
Le Robin Hood per le Production Walt Disney del 1973, le personages son animales.

BON NATAL E FELICE ANNO NOVE 2019 

a tote le amicos de Interlingua

Ivanhoe

Per Sir Walter Scott - Traduction in Interlingua per Francesco Galizia

Ivanhoe: illo es un romance historic per le scriptor e poeta scotese Sir Walter Scott (Edinburgo, 15 augusto 1771 – Abbottsford, 21 septembre 1832), publicate in le 1819, que narra un historia in le Anglaterra circum le 1194. Le romance es considerate per le expertos de litteratura como le prime ver exemplo de genere historic insimul a Waverley (sempre per Walter Scott).

Personages principal:
Sir Wilfred de Ivanhoe, es un coragiose cavallero, filio de Cedric le Saxon.  
Cedric de Rotherwood, le Saxon, patre de Ivanhoe.
 Lady Rowena, orphana adoptate ab Cedric, un domina de extraordinari beltate.  
Gurth, es le porchero de Cedric.  
Wamba, es le buffon folle, del corte de Cedric.  
Athelstane de Coningsburgh, nobile saxon de sanguine royal.  
Isaac de York, es un richissime hebreo.  
Rebecca, es le filia de Isaac de York, judea, qui face inamorar Bois-Guilbert.
Locksley o Robin Hood, il ha un extraordinari habilitate in le tiro con le arco.  
Richardo I Corde de Leon, se face cognoscer como le Cavallero Nigre.
Johannes “Sinterra”, fratre de Rege Richardo, usurpator del throno.  
Brian de Bois Guilbert, cavallero templar.  
Reginald Front-De-Boeuf, Maurice De Bracy, Waldemar Fitzurse, cavalleros normanne.
Prior Aymer, amico del prince Johannes



Resumpto del Historia:
Anglaterra 1194. Un vespere a Rotherwood, le castello de Cedric, un nobile saxon, se presentava alicun hospites qui cercava refugio ab un tempesta. Se tractava del prior Aymer e del cavallero templar Brian de Bois-Guilbert, ambes normanne, in viage verso Ashby, ubi se serea tenite un importante torneo. Illes se era in precedentia incontrate con le porchero Gurth e le buffon Wamba, servos de Cedric, le quales habeva date a lor indicationes errate, ma a guidar les sur le strata juste era pois stato un pelegrino de retorno ab le Terra Sancte, le qual il es in realitate Ivanhoe le filio de Cedric. Durante le banchetto con le qual le patrono de casa recipe le hospites, se presenta a rogar hospitalitate per le nocte anque Isaac de York, un hebreo famose per le su ricchessa. A un certo puncto se univa al banchetto anque le splendide Lady Rowena, un orphana adoptate ab Cedric, sur la qual Cedric habeva le intention de facer la sposar con Athelstane herede del ultime rege Saxon de Anglaterra. Durante le cena, le discurso cade sur le guerra in Palestina, e le pelegrino narra del victoria, in un torneo, de rege Richardo e de alicun su cavalleros contra cavalleros templar; ille recorda le nomines de tote le vincitores excepte un, Ivanhoe, qui es tamen pronunciate ab Bois-Guilbert, qui ab ille cavallero era stato vincite. Ille era ancora furiose per illo disfacta, defia Ivanhoe, "absente" a un nove combatto: sia le pelegrino sia Rowena, inamorate de Ivanhoe, garantiva qui le cavallero "absente" non fugera al conbatto. Quando, terminate le cena, le hospites se retirava, Lady Rowena roga al pelegrino notitias de Ivanhoe e iste le face comprender qui ille serea presto retornate in Anglaterra. Le deman le pelegrino salva Isaac de York ab le imboscada per parte de Bois-Guilbert e del su servos arabe, e le hebreo decide de adjutar le pelegrino, qui ha recognoscite como un cavallero, a obtener un cavallo e un armatura per le torneo de Ashby-de-la-Zouche. Le torneo se explica al presentia del prince Johannes, qui exercita le poter in absentia de rege Richardo. Le prime jornata previde le combatto inter alicun campiones e tote le cavalleros qui intendeva defiar les. Inter le campiones, ultra a Bois-Guilbert, il ha Reginald Front-de-Boeuf e Philippo de Malvoisin. Le torneo initia e Bois de-Guilbert, Malvoisin e Front-de-Boeuf les vince tote le cavalleros qui les defia. Intertanto le prince Johannes roga de seliger como dama del torneo le bellissime Rebecca filia de Isaac. Ma sia le consilieros sia le spectatores non son de accordo proque se tracta de un hebrea. Alora se decide que sera le vincitor del torneo ad haber le honor de seliger le dama. Le prince sta per conceder le victoria a Bois-Guilbert, quando superveni Ivanhoe. Le cavallero mysteriose es nominate per le spectatores “Disheredato”, pois que sur le scuto il ha le insigna espaniol “Desdichado”. Iste con le puncta del lancea, tocca le scuto de Bois-Guilbert; le cavallero Disheredato face cader de cavallo Bois-Guilbert; e tote le alteres campiones. Como vincitor, le cavallero Disheredato selige como dama del torneo lady Rowena. Gurth, scutero de Ivanhoe, va ab Isaac per pagar le armatura e le cavallo. Le jorno successive, tote le cavalleros se les divide in duo gruppos: un con Brian de Bois-Guilbert, Athelstane nobile saxon e Front-de-Boeuf, le altere es Disheredato insimul a un gigantesc guerrero in armatura nigre le mysteriose “Cavallere Nigre”. Diseredato es attaccate contemporaneemente ab Front-de-Boeuf, Athelstane e Bois-Guilbert illes sta per haber le victoria, quando le Cavallero Nigre, se lancea contra Athelstane e Front de Boeuf, le quales cade ambes de cavallo; e le cavallero templar non resulta a resister al carga de Disheredato, qui lo face cader. Le prince declara vincitor del torneo le cavallero Disheredato, qui nomina Lady Rowena como domina plus belle, ma ille es ferite, et evanesce al pedes de Rowena e non pote evitar que le su helmo sia levate, e disvelar assi de esser Wilfred de Ivanhoe. Le cosa suscita le admiration del spectatores, pois ille es portate in un tenta per esser curate. Poco depost le fin del torneo, le prince Johannes recipe un message que communica a ille qui su fratre era stato liberate ab le su detention in Austria. Le prince Johannes decide de initiar le proba de tiro con le arco e spera qui Locksley, un archero su inemico, sia vincite ab le su guardachassa Hubert. Ma Locksley vince tote le probas. Depost le torneo Johannes da un festa al castello de Ashby, ubi invita sia nobiles saxon sia nobiles normanne. Durante le banchetto le hospites discute, inter le themas il ha le grande victoria de Ivanhoe, qui es depreciate ab le patre Cedric. Le nobile saxon voleva qui le filio haberea debite restar in Anglaterra, in vice de sequer Richardo in le cruciata. In le curso del banchetto le tension inter normannes e saxones cresce, tanto que sia Cedric sia Athelstane, les decide de lassar le festa, offendite per le insultos del normannes. Intertanto Rebecca transporta Ivanhoe in le casa presso Ashby ubi vive con su patre, illa se prende cura de Ivanhoe e se inamora de ille. Le die postea parte per York insimul al patre e al ferite; Cedric, Rowena e Athelstane partiva per le lor demoras. Maurice De Bracy, chef de un banda de mercenarios projecta insimul a Bois-Guilbert, de raper Rowena, travestite ab banditos saxon, per pois liberar la como cavallero, per facer la assi inamorar de ille e sposar la. Le gruppo de Cedric se univa pois a celle de Isaac, et insimul son assalite ab le false brigantes de Maurice De Bracy e capturate, excepte Wamba e Gurth. Le duo se incontra con Locksley, qui reuniva le su banda, includite anque Fratre Tuck, le eremita presso cuje se trovava le Cavallero Nigre. Anque iste se univa con le homines de Locksley per liberar le prisioneros, Locksley e le su homines assediava e conquireva le castello de Torquilstone, e liberava ante Cedric e pois Rowena, ma perdeva Athelstane, occise ab Bois-Guilbert qui fugeva portante con ille Rebecca. Le Cavallero Nigre captura De Bracy e porta in salvo Ivanhoe ferite. Bois-Guilbert va al castello templar de Templestowe, ubi le hebrea Rebecca, considerate un striga, veni condamnate a morte. Per salvar se, le femina debe trovar un paladino christian qui combatte per illa in duello. Cedric, ancora stupefacte per le morte de Athelstane, qui sperava serea stato le “salvator” del dynastia saxon, se congeda, insimul a Rowena, per vader a Coningsburgh, le castello de Athelstane, per organisar le funerales. Ante del partentia De Bracy, avicinate se a Rowena le roga le pardono per le su comportamento. Poco depost anque le Cavallero Nigre e Ivanhoe les decide de partir depost haber liberate De Bracy, Locksley dona al Cavallero Nigre le corno ab chassa que habeva vincite in le proba de tiro con le arco al torneo de Ashby, e lo invita a sonar lo in caso de necessitate. Intertanto fratre Tuck, conduce Isaac e le prior Aymer ab Locksley, le qual emovite per le dolor de Isaac per le sorte del filia, consenti al diminution del su extorque e face scriber al prior Aymer un littera a Bois-Guilbert pro inducer le a liberar, detra remuneration, le belle hebrea. Intertanto a York le prince Johannes e Waldemar Fitzurse son informate, del conquesta del castello de Front-de-Boeuf, e del retorno in Anglaterra de rege Richardo ab parte De Bracy, al qual le Cavallero Nigre habeva revelate de esser rege Richardo. Johannes, alora ordiva un imboscada contra Richardo, guidate per Fitzurse. Isaac, intertanto, il ha attingite le sede del Templares al precectoria de Templestowe per portar a Bois-Guilbert le littera scripte per le prior Aymer. Ma ille recipe un littera scripte per Rebecca ubi explica le necessitate de trovar intra tres dies un paladino christian qui combatta in duello per illa. Le hebreo parte de novo a cercar le heroe Ivanhoe. Interea, lassate Ivanhoe presso le convento de Sancte Botolph, le Cavallero Nigre vadeva con Wamba verso Coningsburgh per le funerales de Athelstane. Ma Ivanhoe, reprende le viage, per le sensation de un periculo imminente. De facto durante le viage Rege Richardo e Wamba son assalite ab Fitzurse, ma le buffon, con le corno ab chassa, clama le archeros de Locksley, con le adjuta de illes le inemicos son vincite. A ille puntco, le Cavallero Nigre revela de esser rege Richardo I Corde de Leon e Locksley confessa de esser Robin Hood, le chef del brigantes del foresta. Arriva pois sur le loco anque Ivanhoe qui insimul a Richardo e a Wamba reprende le viage verso Coningsburgh. Pervenite al castello, Richardo revela le su identitate anque a Cedric et obtene qui ille pardona e recipe de novo le filio, al cuje amor per Rowena non trova plus obstaculo in Cedric, per le morte del nobile Athelstane. Ma ecce qui appare illo que tote retene esser lo spectro del morto. Ma es vermente Athlestane, le qual narra qui le monachos al quales era stato confidite, videva qui ille era sol ferite, le celava, facente le creder morite. Athelstane dice a Cedric que le su projectos de un su matrimonio con Rowena e de un revolta del populo Saxon contra le Normannes non le interessa, tanto es ver qui ille jura fidelitate a rege Richardo I e recognosce le amor de Rowena per Ivanhoe, le qual tamen, in le interdum, es disparite; de facto era pervenite Isaac con le littera de Redecca, e Ivanhoe era subito partite per combatter, in defensa del femina qui le habeva curate e assistite. Assi finalmente se arriva al combatto decisive con Bois-Guilbert, ubi le Templar, succumbe al duello, non per le ferimentos reportate, ma per un infarcto cardiac. Le romance se conclude con le nuptias inter le valorose Ivanhoe e le belle Rowena, celebrate in le cathedral de York al presentia de rege Richardo e del nobilitate sia saxon sia normanne, unite in le unic populo anglese. Depost le nuptias Rebecca va a salutar Rowena, e comunica le decision de partir con le patre Isaac per Granada in Espania.

Transposition:

Musica

• Ivanhoé, opera lyric del 1826 con musicas per Gioachino Rossini.
• Ivanhoe, opera lyric con musicas per Arthur Sullivan sur le libretto per Julian Sturgis.

Cinema

• Ivanhoe, film del 1952 directe per Richard Thorpe, con Robert Taylor, Elizabeth Taylor e Joan Fontaine.
  

Television

• Ivanhoe, (1958), serie televisive anglese con Roger Moore.