Hymno al Sol
ex le obra "Iris" texto per Luigi Illica - musica per Pietro Mascagni

Adeo celo facite per undas plen de radios de luna e de mysterios !Le Nocte abandona le celo; su labor vivificator ha finite; homines e cosas ha reposate e soniate; le nocte cede le governamento del vita al Jorno.
(...)

E le aere se plena de fulgores !
E le aere passa inter ramos e frondas, inter flores e herbas, inter plantas e casas, e palpita !
O Luce, anima del Mundo !

Le Sol (choro invisibile)

Es Io ! Es Io le Vita !

Es io le Beltate infinite,
Le Luce e le Calor.

Ama, o Cosas ! Io dice :

Io es le Deo nove e antique,

Io es le Amor !

Ama !

Pro me le aves ha cantos,

le flores perfumos e incantamentos,

Perfumos le flores,

Le albas le color de rosas,

E palpitationes le cosas.

Pro me ha perfumos
E incantamentos le flores.

LE SOL APPARE

Del Mundos Io le Causa ;

Del Celos Io le Ration !

Equal Io descende al Reges,

Assi como a te.

Pietate es le essentia mie,

Eterne Poesia, Amor !

Calor, Luce, Amor ! Amor !

(traduction per F.G.)