Le Tour del mundo in 80 dies

Per Jules Verne - Traduction in Interlingua per Francesco Galizia

Le Tour del mundo in octanta dies: (Le Tour du monde en quatre-vingts jours) es un romance de aventuras per Jules Verne, le famose autor francese, publicate in le 1873. In iste historia Phileas Fogg un gentilhomine de London e le su camerero francese Passepartout les tenta de circumnavigar le mundo in 80 dies, pro vincer un sponsion de 20.000 Libras sterling stipulate con le companiones del Reform Club. Le innovationes technologic del XIX seculo habeva aperte le possibilitate de circumnavigar le mundo rapidemente e le perspectiva interessava Jules Verne. Le romance poterea esser stato inspirate per le action de George Francis Train qui compliva iste tour in le 1870.

Personages:

Phileas Fogg, Ric gentilhomine londonese, alte e belle

Jean Passepartout, Un francese ex acrobata de circo, accompania Phileas in le tour mundial.

Fix, Policiero anglese qui seque Phileas, credente le, le autor de un rapina in banca.

Seniora Auda, Un belle e juvene domina indian parsi; salvate ab Phileas durante que stava per esser sacrificate in le ritual del Sati, seque Fogg in Anglaterra ubi illes se sposava. 

 

 

Resumpto del Historia:

Es le 2 octobre 1872, a London, Phileas Fogg es un homine ric, reservate, celibe e con habitudes regular. Le fonte del su pecunia es incognite et ille vive, sin fatiga, un vita assatis methodic. Licentia le su precedente servitor proque le habeva portate le aqua per rader se de duo grados Fahrenheit (circa un grado centigrade) troppo frigide e assume como substituto Passepartout, un francese de circa trenta annos, qui se revela esser un ver factotum, fidel e affectuose con le proprie patrono. Plus tarde al Reform Club, de cuje Fogg es socio e qui cata die attinge a pedes facente sempre le mesme numero de passos, se face implicar insimul ad alteres cinque membros del club, in un discussion in relation a un articulo del jornal Daily Telegraph, le qual premitte le notitia que il ha habite un rapina al Banca de Anglaterra, e affirma que gratias al apertura de un nove linea ferroviari in India, es ora possibile viagiar circum al mundo in 80 dies. Le companiones de Fogg mitte in dubita que sia realmente possibile percurrer le integre globo in assi poc tempore. Phileas Fogg accepta de sponder 20.000 sterlings con le su cinque companiones del Club, e catauno del quales mitte in premio 4.000 sterlings. Fogg habera le summa a pacto de resultar a completar le tour del mundo in 80 dies. Le gentilhomine parte le mesme vespere portante con se ipse le su nove servitor Passepartout e un bursa in cuje repone 20.000 sterlings per le necessitate del viage. Lassante London con un traino partite al hora 20:45 del 2 octobre, debera resultar a retornar al mesme hora al Reform Club 80 dies plus tarde, sabbato 21 decembre. Phileas Fogg e Passepartout les attinge in traino, depost haber transversate le Francia, le porto de Brindisi, in Italia, ubi illes se imbarca sur un nave directe a Bombay in India. Durante que le nave face un etappa a Suez al final del Canal, in Egypto, Fogg veni observate ab un detective de Scotland Yard de nomine Fix, qui es stato inviate ab London per trovar le raptor del Banca de Anglaterra. Pois que Fogg corresponde ben al description del robator, Fix confunde ille con le raptor e lo seque imbarcante se sur le nave directe a Bombay. Durante le viage le inspector face amicitia con Passepartout per haber informationes sur le su patrono. Passepartout arrivate a Bombay, il ha pois un incidente a Malabar Hill in un pagoda (templo induiste al centro del qual es situate le immagine del Deo que se adora), ubi committe involuntariamente un profanation entrante con calcettas e scarpas. Phileas Fogg e Passepartout comocunque les resulta a prender in horario le traino a Bombay directe a Calcutta capital del Bengala. Discoperi tamen que, differentemente ab quanto annunciate per le jornal, le construction del ferrovia non es ancora completate. Illes son inde obligate a prosequer le viage cavalcante un elephante, qui Fogg compra al precio folle de 2.000 sterlings. Durante le viage illes crucia le procession de un rito Sati (un practica funebre in le qual le vidua del marito es comburite sur le pyra sacrifical del defuncte). Pois que le juvene domina destinate a esser immolate es drogate e non participa voluntarimente, le viagiatores les decide de salvar la: sequite le procession usque al loco del cerimonia, Passepartout celate se substitue al corpore del defuncto sur le pyra, e durante le cerimonia se altia ab le pyra, facente espaventar le sacerdotes e fugente con le domina in le bracios. Le viagiatores va ad hastar se a prender le traino al station successive, portante le puera, Auda, con illes. A Calcutta finalmente illes se imbarca sur le nave a vapor directe a Hong Kong. Fix, qui habeva potite mitter in difficultate Passepartout, per le historia del pagoda de Malabar Hill, resulta a faller novemente quando tenta de obtener un mandato de arresto contra Fogg, et es fortiate a sequer les a Hong Kong. In iste citate Fogg discoperi qui le lontan parente de Auda, presso le qual habeva projectate de lassar la, se es transferite, assi les decide de portar la con illes in Europa. Intertanto Fix se adressa al tribunal local e face retener Fogg per le historia del pagoda, ma Fogg paga un caution de 2.000 sterlings et evita le prision per se ipse e per le su domestico. Fix cerca alora un altere modo de sabotar Fogg: face inebriar Passepartout e le face assumer opium in un fumeria, post haber le revelate le proprie ver identitate e isto qui crede de saper sur Phileas Fogg. Le die successive Fogg, non avisate ab Passepartout, discoperi de haber perdite le imbarcamento e cerca un nave per Yokohama in Japon. Non resulta a trovar alicun imbarcation in grado de complir le longe viage, ma es informate ab le capitano de un parve nave a velas, que le General Grant, le nave a vapor del Statos Unite que haberea debite prender a Yokohama, in realitate parte ab Shanghai, que se trova in medio strata. Le gentilhomine prende in frete un altere imbarcation que lo porta insimul ad Auda e Fix a Shanghai, ab ubi illes potera partir con le nave a vapor directe a San Francisco passante per Yokohama. Un vice in Japon, Fogg e Auda se reuniva casualmente a Passepartout e retornava a bordo del nave a vapor, con cuje transversava le Oceano Pacific usque a San Francisco. Incontrate de novo anque Fix, iste promitte a Passepartout que - habente lassate le possession britannic, in le quales poteva facer valer le mandato de arresto in le reguardo de Fogg - non tentara plus de obstacolar le viage, ma que plus tosto le adjutara ad attinger le Anglaterra, al plus presto possibile (per poter le arrestar illac), stringente un pacto con le domestico francese, qui crede a ille. A San Francisco illes saliva a bordo del traino per New York. Durante le viage, proprie quando Fogg sta a defiar a duello un nord-american qui habeva litigate con Fix, le traino veni attaccate per le indianos pelle rubie e Passepartout veni imprisionate durante que salva le passageros. Fogg resulta comocunque a salvar le su domestico, con le adjuta de alicun soldatos de Cavalleria. Per recuperar le tempore perdite, Fogg e le su companiones prende in location un slitta, con cuje attinget Omaha a pena in tempore per prender un traino per Chicago e illac un altere traino per New York. Al arrivata al porto de New York, illes discoperi que le nave a vapor China, que haberea debite prender per arrivar a Liverpool, es partite ab poc tempore. Le jorno successive Fogg initia a cercar un methodo alternative per transversar le Oceano Atlantic. Trova le parve nave a vapor Henrietta, con destination Bordeaux, ma le capitano del nave se refusa de portar les a Liverpool. Fogg accepta comocunque de imbarcar se, ma durante le viage imprisiona le capitano e se dirige verso Liverpool. Navigante a tote velocitate, le nave exhauri le combustibile a carbon in poc dies, inde Fogg es constrigite a comprar, a precio costose, le nave mesme per le capitano, per poter assi arder tote le partes ex ligno in le parte alte del nave e mantener assi le caldieras sub pression. Illes resulta assi ad arrivar finalmente e fortunatemente usque al costas irlandese. Gratias ad un nave postal a vapor, le companiones de viage arrivava a Liverpool con bastante horas ante del expiration del sponsion, plus que sufficiente ad attinger London in traino. Un vice pervenite sur le solo britannic, totevia, Fix exhibi le mandato de arresto et incarcera Fogg. Poco depost le situation veni clarificate, proque le ver robator era stato capturate tres jornos antea. Fogg, depost haber date duo pugnos a Fix, curre con le su duo amicos al station ubi, essente jam partite le ultime traino, ordina e obtene un traino special con cuje arriva al station de London con cinque minutas de retardo respecto al expiration del sponsion (in realitate le retardo effective era major proque intra le expiration haberea debite presentar se al Reform Club). Le die postea, in le su casa de London, le gentilhomine se excusa con Auda per haber la portate con se ipse, proque ora, habente expendite per le viage quasi 20.000 sterlings e debente pagar alteres 20.000 per le sponsion perdite, haberea debite viver in povressa e, pur volente, non haberea potite mantener la. Auda confessa a Fogg de amar le comocunque e le roga de sposar la. Fogg, invia Passepartout ab le reverendo Wilson per dar le le notitia e fixar le matrimonio. Pervenite al casa del reverendo, Passepartout discoperi con grandissime surprisa que illes habeva errate le calculos sur le datas: illles credeva que era dominica 22 decembre, durante que in realitate era ancora sabbato 21 pois que, viagiante sempre verso oriente, les habeva displaciate le flechas del horologio un hora in avante per cata fuso horari transversate, finente in iste modo per “ganiar” un integre die al termino del lor viage circum le globo. Passepartout se hasta a vader a casa de Fogg, qui immediatemente iva al Reform Club, ubi perveni a pena in tempore, durante que le horologio del salon batte le horas, per reclamar le premio del victoria. Assi al termino del viage Phileas Fogg es in le mesme condition economic de antea (habente spendite 19.000 sterline per le viage, il ha recuperate le mesme cifra vincente le sponsion), ma es securmente un homine plus felice proque ha trovate un belle uxor, Auda, e un domestico honeste, fidel e devote, Passepartout; le qual divide le 1.000 sterlings ganiate con le sponsion, con le infortunate Fix, al qual non conserva rancor.

Transposition Cinematographic:

• Le Tour del mundo in 80 dies (Around the World in Eighty Days) per Michael Anderson (1956), producite ab Mike Todd, con David Niven in le rolo de Phileas Fogg e Cantinflas in illo de Passepartout. Multe actores famose interpreta rolos special. Le film ha vincite cinque Premios Oscar, sur un total de octo canditaturas.
• Le Tour del mundo in 80 dies (Around the World in 80 Days) per Frank Coraci (2004), producite per le Walt Disney, con Jackie Chan in le rolo de Passepartout e Steve Coogan in illo de Fogg. Iste version es narrate in modo plus liberemente que in le romance per Verne: Passepartout deveni le heroe del historia e le ver robator del Banca de Angleterra. Le personage de Fogg deveni un genial inventor qui face un sponsion con un su rival sur le possibilitate de viagiar circum le mundo con le plus moderne (per le epocha) medios de transporto.