Sherlock Holmes

Per Sir Arthur Conan Doyle Traduction in Interlingua per Francesco Galizia

Sir Arthur Conan Doyle

Sherlock Holmes es un personage litterari create ab Sir Arthur Conan Doyle (Edinburgh, 1859 – Crowborough, Sussex, 1930), al fin del XIX seculo. Es le protagonista de romances e novellas del genere litterari policiari deductive, de cuje Edgard Allan Poe esseva le prime autor con le su novella Auguste Dupin. Appareva per le prime vice in le romance Un studio in scarlato (1887).

Biographia del personage: Comparite in quatro romances e cinquantanovem contos, le personage es devenite un icona del litteratura policiari, e superava le fama del su mesme creator, sir Arthur Conan Doyle le qual introduceva in le su historias anque le su passion per le litteratura del terror e del mysterio, como on deduce in le romance Le mastino del Baskerville o le novella Le vampir del Sussex. Le origine de Holmes non son revelate ab Doyle, qui face solmente breve allusion al passato del investigator. Le aventuras de Sherlock Holmes son narrate, in le quasi totalitate, per le su amico e biographo, doctor John Watson, un sorta de alter ego del mesme Arthur Conan Doyle (anque ille laureate in medicina), qui assì describe le detective Holmes, le qual resulta esser un persona multo active jam in le prime description in cuje le su characteristic physic signa un description precise, que venirà pois ben delineate in le curso del prime romance, Un studio in scarlato, in le qual Holmes demonstra le su habilitate deductive, describente minutiosemente le su activitate de consultor investigative, e de ultime sperantia per illes qui son blocate in casos que apparentemente non se pote resolver. Le cognoscentias de Holmes son ben resumite, ab le su coinquilino e amico:

«Sherlock Holmes - Le su limites:

Cognoscentia del litteratura - Zero.
Cognoscentia del philosophia - Zero.
Cognoscentia del astronomia - Zero.
Cognoscentia del politica – Carente.
Cognoscentia del botanica – Variabile, sape multe cosas sur le belladonna, le opium, e le venenos in genere, non sape nihil de jardinage.
Cognoscentia del geologia - Limitate, distingue un typo de terreno ab un altere, durante un promenada, me ha monstrate del maculas de fango sur le su pantalones e, in base al color e al consistentia, me ha dicite in qual parte de London se le habeva facite.
Cognoscentia del chimia - Profunde.
Cognoscentia del anatomia - Accurate, ma non systematic.
Cognoscentia del litteratura scandalistic – Immense, sembla cognoscer omne particular de tote le delictos plus horrende perpetrate in iste seculo.
Bon violinista.
Experte luctator con le baston, pugilista, schermitor.
Ha un bon cognoscentia practic del Derecto britannic.
Capacitate de usar le logica - Optime. »

(Secunde capitulo de "Un studio in scarlato")

In realitate iste lista, compilate per Watson poc dies post haber cognoscite Holmes, on revela partialmente non exacte, facto comprensibile, proque es stato representate in le prime romance con protagonista le famose investigator in le qual, inde, Conan Doyle non habeva ancora un complete cognoscentia del su personage, ancora in phase de evolution. In numerose contos Holmes revela de posseder un vaste interesse litterari e philosophic, citante numerose vices le Biblia, Shakespeare e Goethe. Le su cognoscentias in campo practic son tal de haber le facite anque scriber del tractatos sur le argumentos plus varie, como un tractato naval e un monographia sur le tabaco (como ille mesme affirma in le conto Le mysterio de Valle Boscombe). In ultra, como los revela le notas de Watson, Holmes es un excellente schermitor, specialmente con le baston e practica le pugilismo a manos nude, como reportate anque in le lista. In le conto "Le aventura del casa vacue", Holmes affirma in ultra de cognoscer le bartitsu, un systema de lucta japonese derivate ab le jujitsu, que lo rendeva uno del prime occidentales ad haber practicate le artes martial oriental. In practica con le su deductiones, anque si isto que remane in un investigation explicate per exclusion pote semblar absurde, si illo es le unic explication logic, debe per fortia de cosas esser celle correcte e sol con accurate controlos potera verificar quanto deducite. De facto es con Holmes que le technica de detuction, ascende al nivello de scientia, anque proque le investigator, qui vive con le amico in London, al numero 221B de Baker Street, il es deducite ab le figura de Joseph Bell, un brillante medico, qui Doyle cognosceva vermente e per le qual, como on pote intuir legente le reportos de Watson, provava grande admiration a causa del su exceptional capacitate deductive. Conan Doyle cognosceva le doctor Bell durante le studios universitari et era anque su assistente per circa un anno, ante de haber le doctorato. Bell adjutava effectivemente le policia in alicun casos (inter le quales cello de Jack le dismenbrator) e dava le su contribution al nascentia del medicina legal. Altere characteristic importante de Holmes, son le su grande cognoscentia del texito criminal londonese, ubi habeva numerose informatores e le su habilitate de travestir se, que lo adjuta in le recolta de multe probas per le resolution del su complicate casos. Holmes possede un can de chassa, que in certe contos es utile al solution del caso. Sherlock Holmes il es extrememente sceptic sur le paranormal e le irrational (nonobstante le su autor Conan-Doyle esseva un passionate de spiritismo), como on vide a exemplo in le Le mastino del Baskerville, ma on non sape qual sia le su religion, sempre si un le habeva. On sape ab alicun contos que le su familia es catholic. Holmes ha un bon reporto solmente con le doctor Watson, per le alteres ille appare emotivemente multe distaccate e disinteressate, pois, cerca de mantener se lontano affectivemente ab le feminas, e isto per mantener le mente sempre lucide e libere ab pensatas inutile e dupate ("le amor es un emotion, e toto isto que es emotion contrasta con le frigide logica que io mitte al de supra de toto, ab Le signo del Quatro). Sol in le conto Un scandalo in Bohemia, Holmes monstra de provar un grande admiration per Irene Adler, le unic femina que sia jammais resultate a fraudar le, ma tal sentimento non pote esser definite amor. In ultra, iste incontro con un domina intelligente per parte de Holmes, alleviava legermente le su diffidentia per le genere feminil, anque si nos non sape multo del su vita personal. Nutriva, pois, un certe diffidentia anque sur le technicas investigative de Scotland Yard, divertente se al spatulas del Inspector Lestrade, pur adjutante le supertoto per satisfaction personal. Le fingite morte de Holmes e le su retorno: Le personage e le su successo signava le carriera de scriptor de Doyle, que depost haber narrate in le Le ultime aventura le morte de Holmes, in le curso de un duello con le grande inemico Moriarty presso le cascadas de Reichenbach, il era constringite ante a realisar un nove romance, Le mastino del Baskerville, que narra factos ante del su morte, evenite in le 1891, inde, gratias al facto que le corpore del genial investigator non esseva jammais retrovate, faceva retornar ille vive e in activitate in le Le aventura del casa vacue, evenite le 1894: tres annos de obscuritate in cuje Holmes on remane celate. Depost un

carriera longe ben 23 annos, 17 del quales in collaboration con Watson, Holmes on retira ante in Sussex a studiar le apes, inde in un ferma a cinque millia ab Eastbourne, dedicante se al philosophia e al agricultura, in ultra habeva adjutate como agente secrete le governamento britannic, durante le prime guerra mundial.. Le methodo scientific: le detective de Baker Street es le primo, a render popular le criminologia, id es le application del methodo scientific al investigation criminal. Holmes pone al base un certe differentia inter le observation del particular e le deduction. Ille considera isto duo aspectos como distincte pois que le observation porta ad alicun preliminar conclusion, ma sol con le cognoscentia de alicun aspectos del facto on pote traher le conclusion definitive. Tal methodo deriva ab cello del doctor Joseph Bell, inseniante de Conan Doyle, que in le diagnose medic susteneva ante le attente observation del detalios, pois le conclusion basate sur le recolta de probas non contestabile. Le methodo de Holmes es basate sur le recolta de probas e inditios, cosa qui lo face distinguer nectemente ab le fratre Mycroft, comparite per le prime vice in Le interprete grec, in grado de resolver, ille sì, un investigation sin jammais mover se del proprie residentia. Sherlock affirma que le capacitate deductive del fratre son superior al proprie, ma que Mycroft non le emplea per pigressa (proque non se displacia jammais plus de poc centenas de metros ab casa). Holmes face differentia inter le vider e le observar, e ubi sol le habilitate de trovar le particular, on le ha con le exercitio. Elementari, Watson! Le modo de dicer plus typic attribuite a Holmes es le phrase «Elementari, Watson!» (Elementary, my dear Watson!), quando ille explica, con sufficientia, al amico medico le solution de un caso. In realitate iste celebre phrase non es jammais state pronunciate textualmente ab le personage in le historias scripte ab Doyle. In un pagina del recolta Le Memorias de Sherlock Holmes, in le conto Le homine deforme, e anque in un pagina de Un studio in scarlato, Holmes, respondente a un domanda de Watson, face uso del modo de dicer «Elementari!», referite a un su rationamento; in le conto Le aventura del figuras dansante, del recolta Le retorno de Sherlock Holmes, adressante se a Watson affirma: «Cata vice que io lo explica, qualcunque problema deveni per ille elementari»; in le Le signo del quatro dice: «Le cosa es de un semplicitate elementari». Le phrase «Elementari, mi car Watson!» ha facite le su apparition in un film sur le grande detective. Le imagine popular: Le classic imagine in cuje le detective porta le deerstalker (le cappello de chassator) e fuma le pipa calabash (le characteristic pipa recurvate) son apocryphos: solmente in un novella Watson face referentia a un "bonetto de panno adherente", ma non al deerstalker. In necun aventura on trova le pipa calabash, durante que Holmes fuma indifferentemente pipa, cigarros e cigarrettas. Sia le modo de dicer, sia le pipa e le cappello, devenite per le grande publico le elementos distinctive de Sherlock Holmes, dunque illos son in realitate, inventiones posterior, de origine theatral, reprendite pois per le cinema. Esseva le actor american William Gilette (1853-1937), uno del prime e plus celebre interpretes del detective, a mitter le deerstalker in testa al heroe e le pipa recurvate in mano, anque si in effecto il era le illustrator Sydney Paget le primo a disegnar le con le characteristic cappello ab chassator. Gillette portava Holmes a theatro per ultra 1300 vices, interpretante le in ultra, in un film mute e in le prime drama radiophonic dedicate al detective.

Canone: Le canone holmesian on compone de un serie de quatro romances e de 59 contos scripte ab Arthur Conan Doyle, quasi tote publicate sur le Strand Magazine. Iste cyclo es assi subdivise:

• Un studio in scarlato (A Study in Scarlet – 1887), romance
• Le signo del quatro (The Sign of Four – 1890), romance
• Le aventuras de Sherlock Holmes (The Adventures of Sherlock Holmes – 1892), recolta de 12 novellas
• Le memorias de Sherlock Holmes (The Memoirs of Sherlock Holmes – 1894), recolta de 12 novellas
• Le mastino del Baskerville (The Hound of the Baskervilles – 1902), romance
• Le retorno de Sherlock Holmes (The Return of Sherlock Holmes – 1905), recolta de 13 novellas
• Le valle del pavor (The Valley of Fear – 1915), romance
• Le ultime salutation de Sherlock Holmes (His Last Bow – 1917), recolta de 7 novellas
• Le agenda de Sherlock Holmes (The Case-Book of Sherlock Holmes – 1927), recolta de 12 novellas