Le Senior del Anellos
Per  John Ronald Ruel Tolkien             Traduction in Interlingua per Francesco Galizia



Le Senior del Anellos es un romance per le autor John Ronald Reuel Tolkien;  ambientate in un mundo phantastic appellate le Terra Medie, durante le final de su Tertie Era.  Publicate in Anglaterra in 1954-1955,  le romance ha essite vendite in milliones de exemplares, ha essite traducite a 40 linguas, ha essite facite a un adaptation cinematographic in tres films (Le Fraternitate del Anello, Le Duo Turres, Le Returno del Rege) per le director Peter Jackson et es un del obras que multo ha influentiate le genere del fantasy (litteratura phantastic). Le titulo refere a Sauron, le Senior Obscur del pais de Mordor,  le principal inemico del historia, e le creator del Anello Unic, que ille utilisava al fin de controlar le poter del 19 altere Grande Anellos magic in su lucta pro obtener le domination super le Terra Medie, con le adjuta del sue hordas de ogros, goblins, trolls e alteres creaturas del mal. Le Senior del Anellos constitue le continuation de un libro anterior de Tolkien, Le Hobbit, que tracta del historia de como le Anello Unic passa del manos del creatura Gollum a celle del  oncle de Frodo Baggins, Bilbo. In un nivello plus profunde illo etiam constitue le continuation de un altere libro appellate Le Silmarillion, que describe le creation del Terra Medie, le creaturas que lo habita, le prime Senior Obscur Morgoth, le maestro de Sauron, e le luctas inter Morgoth e le elfes super le possesion del Silmarils, tres lucente joieles magic de enorme potentia. Le Senior del Anellos narra le historia de un gruppo de esseres; quatro Hobbits: Frodo Baggins, Samwise Gamgee, Meriadoc Brandibuck, Peregrino Tuc , un Nano Gimli Durin, un Elf Legolas e duo Homines: Aragorn filio de Arathorn, e Boromir filio de Denathor le superintendent de Gondor le plus grande Regno del Terra Medie; sub le guida del mago Gandalf le Gris. Illes forma le Compania o Fraternitate del Anello, con le intention de destruer le Anello Unic,  forgiate per Sauron senior del mal, le AnelloUnic, debe esser destruite solmente inter le flammas del vulcano de Monte Fato in le corde de Mordor, inter periculos e dificultate de omnnes species. Es le historia de Frodo un heroe del population ordinari, un viro qui sape que le su destino pote esser fatal, ma nonobstante lucta pro accomplir lo proque de ille depende le continuitate del su mundo. Ben que alcunos lo considera como le prime libros del phantasia epic,  existe plure precedentes:  le historias medieval del gestas de Rege Arthur e le su cavalleros del Tabula Rotunde, o le novellas sur Conan le Barbare per Robert E. Howard,  con le mundo imaginari del Era Hyborian, o como  Le Spada Rumpite, un libro per Poul Anderson, con le mundo incantate de Faerie, parallel al nostre,  e le guerra de Elfes contra le Trolls. Nonobstante nulle de su predecessores teneva le habilitate de crear  un mythologia como illo facite per J.R.R. Tolkien, qui  inventava un mundo complete con le su geographia, historia, linguas, populos, legendas, poemas e cantiones, creante un universo litterari de profunditate e ricchessa que dota al romance de un aere de verosimilantia, dante loco a un ver fortia de mythopoesis (del parolas grec que significa "creation de mythos"). Le Senior del Anellos  il es al mesme tempore un romance de formation e un Cerca  al contrario. Le obra era concepite ab Tolkien per esser publicate como un unicum. in un grande volumine, ma isto non era possibile, e illo era dunque dividite in tres volumines, e catauno de illos contineva duo libros:
Le Compania del Anello (The Fellowship of the Ring): libros I e II, con un prologo;
Le duo Turres (The Two Towers): libros III e IV;
Le retorno del Rege (The Return of the King): libros V e VI, appendices e indices.
Le Compania del Anello:   Depost haber festeate le su 111e. anno de etate Bilbo Baggins, partiva ab Hobbitville, per Grande Ravina (Imladris in lingua elfic) le ultime casa agradabile del Elfes, e lassava in possession a su nepote Frodo Baggins le magic  Anello que lo rendeva invisibile e que ille habeva subtrahite al creatura Gollum 60 annos antea. Depost, gratias al mago Istar Gandalf  le Gris,  qui revelava a  Frodo le historia del Terra Medie e del 19  Anellos del Poter,  create per Sauron le Obscur Senior del mal  e que cello anello il era proprie le Unic, destinate a dominar tote le alteres, como revelava iste versos de un antique poema elfic:                                                                    
 «Tres Anellos al Reges del Elfes sub le celo,
Septe al Princes del Nanos in le lor roccas de petra,
Novem al Homines Mortal que le morte attende,
Uno per le Obscur Senior  in le su throno obscur,
In le Terra de Mordor, ubi le Umbra  descende.
Un Anello per domar los, un Anello per trovar los,
Un Anello per prender los e in le obscuritate incatenar los.
In le Terra de Mordor, ubi le Umbra  descende.»
(J.R.R. Tolkien, ob. cit., pag. 75 )
Inde Gandalf convinceva, Frodo a partir per Grande Ravina in modo de allontanar le periculo ab le Contato. Frodo esseva accompagnate per le amico e jardinero Samvise Gamgee (Sam), le cosino Peregrino Tuc (Pippin in it.Pipino), e le amico Meriadoc Brandibuck  (Merry); insimul, le quatro Hobbits  lassava le Contato per non esser preda del Nigre Cavalleros Nazgul inviate ab Sauron, e post esser penetrate in le Vetule Foresta, illes se perdeva; ma esseva salvate ab Tom Bomdil, qui le adjutava anque a superar le Tumulilande e ad attinger le Grande Via Est; e assi illes arrivava  al village de Brea, ubi illes in un taverna incontrava un Homine de nomine Aragorn amico de Gandalf; ille post multe diffidentias, convinceva le Hobbits  de vader a transverso le Terras Salvage. Aragorn esseva un optime guida e un valide defensor ab le attaccos del novem Cavalleros Nigre; ma totavia Frodo  il era  ferite sur le Colle Vento ab un Cavallero Nigre con un  pugnal invenenate. Gratias al adjuta del Cavallero elf Glorfindel pervenite  in soccurso, ille esseva portate in tempore a Grande Ravina (Imladris),  le refugio de Elrond  prince del Elfes,  ubi esseva  curate e reprendeva le fortias.  A Grande Ravina le cameradas habeva retrovate anque Gandalf e Bilbo; e Aragorn retrovava Arwen filia de Elrond de cuje ille era inamorate.  Intertanto il era convenite le rapresentantes de Elfes, Nanos e Homines ab tote le Terra Medie;  illes era reunite con Elrond  in Consilio per preparar  le guerra contra Sauron. Depost multe discussiones, il era decidite que le Anello era un arma troppo periculose per esser usate contra le Inemico e que inde illo debeva esser destruite. Frodo decideva de portar lo al Monte Fato,  le vulcano in le qual le Anello era stato  forgiate e le unic posto ubi poteva esser destruite. Pro isto esseva constituite le Compania del Anello, con le rapresentantes de tote le populos libere del Terra Medie: le Elf silvan Legolas, le Homines Aragorn filio de Arathorn, herede de Isildur, e Boromir, filio del superintendent de Gondor, le Nano Gimli Durin filio de Glòin e le Hobbits  Frodo, Sam, Merry e Pipino, guidate per le mago Istar Gandalf  le Gris.  Insimul, illes vadeva a sud: per passar le Montanias Nebulose superante le Cancello Cornorubie, ma  a causa del tempestas discatenate per Sauron; illes decideva de transversar le minas de Moria, infestate per le Ogros e ab un Balrog un demone de foco. Es proprie affrontante le Balrog que le Compania perdeva le su guida, quando Gandalf esseva trainate in un abysso obscur per le Balrog  morente. Le resto del Compania perveniva al regno elfic de Lothlórien.  Depost un sojorno de duo menses, e post  haber recepite multe donos per le soveranos, Celeborn e Galadriel, la qual habeva Nenya un del  Anellos magic del Elfes,  illes descendeva longe le fluvio Anduin, usque al regno de Gondor.
 Le duo Turres:  Sur le ripas del fluvio Anduin, le Compania il era attaccate per un banda de Ogros Uruk-hai provenite ab Isengard:  Boronir  cadeva in le tentativa de defender Merry e Pipino,  le quales esseva capturate. Intertanto  Frodo e Sam, separate se ab le Compania prosequeva verso Mordor; e Aragorn, Legolas e Gimli,  vadeva a sequer le Ogros. Istes tamen quando entrava in le territorio de Rohan, presso le foresta de Fangorn,  il era exterminate ab Cavalleros commandate ab Eomer nepote del Rege de Rohan;  ma le duo Hobbits se refugiava  in le foresta,  ubi les incontrava Barbarbore,  un Ent, un pastor del arbores: iste convocava le su similes in un Entaconsulta e, post duo dies de consultation, decideva de marchar sur Isengard.  Aragorn, Legolas e Gimli, cercante le duo Hobbits, habeva retrovate Gandalf,  non plus le Gris, ma le Blanc, retornate al Terra Medie,  post le lucta con le Balrog  con plus poteres,  pro terminar le su mission;  insimul illes, attingeva le capital de Rohan, Edoras. Hic in le Palacio de Auro, Gandalf eveliava le rege Théoden del maligne influentia de Grima Vermilinguo servo de Suruman, le mago de Isengard; depost le rege seligeva  inde de refugiar se con le su populo e la nepote Eowyn, presso le Fosso de Helm. Hic eveniva le prime grande battalia per le libertate del Terra Medie: le Fosso esseva assaltate ab un horda de Ogros de Saruman;  ma, gratias al intervention de Erkenbrand, commandante de cavalleros  Rohirrim, le armea inemic era vincite e annihilate. Isengard,  intertanto, era destruite per le Ent; hic tote le cameradas se retrovava,  e illac trovava anque un petra magic, un Palantìr,  in le qual Pipino videva le Oculo de Sauron.  Alora, le cameradas se separava de novo: Gandalf e Pipino partiva per Gondor, proque le Palantír habeva revelate que Sauron haberea attaccate le urbe del Homines, durante que Aragorn, Legolas e Gimli, vadeva per le Sentiero del Mortos, le qual como herede de Isildur,  era le sol qui poteva exir indemne; Merry remaneva con le exercito de Rohan. Intertanto Frodo le portator  del Anello e Sam habeva continuate le lor viage per Mordor,  ma esseva sequite ab Gollum, qui olim habeva le Anello que esseva trovate ab Bilbo,  ma illes resultava a capturar lo e  le creatura deveniva le lor guida usque al Cancello Nigre; isto tamen era clause e ben custodiate, e le Hobbits iva alora per un altere strata, sur consilio de Gollum, a transverso del  montanias usque al passo de Cirith Ungol.  In le Ithilien,  le duo esseva surprendite ab cavalleros  commandate per Faramir,  fratre de Boromir, qui ante les faceva prisioneros ma, sapite del lor mission, le lassava vader via. Le Hobbits  continuava le lor marcha, attingendo assi Cirith Ungol,  ma Gollum tamen le habeva traite, ducente les in le cava del grande aranea Shelob,  que con un aculeo  colpava Frodo con un veneno non mortal, que lo faceva cader in un somno profunde, ma Sam constringeva Shelob a retirar se.  Frodo intertanto era  facite prisionero per le Ogros de Cirith Ungol .
Le returno del Rege:  Gandalf e Pipino arrivava a Minas Tirith, capital del regno de Gondor,  ubi esseva  recepite ab le Superintendent  Denethor IIe,  patre de Boromir e Faramir, al qual Pipino prestava juramento como nove Guarda del Cittadelle.  Aragorn,  Legolas e Gimli,  insimul al Gris Compania del Dùnedain guidate ab Elladan et Elrohir filios de Elrond,  convocava le exercito del Mortos, antique soldatos le quales, per haber infringite le juramento facite a Isildur,  non poteva trovar le pace. Illes per esser liberate, acceptava de adjutar le Herede, qui habeva Narsil le spada de Isildur de novo unite,  le Dùnedain, con iste exercito, conquireva le flotta de Umbar e ansimul a un armea de homines del Sud vadeva verso Minas Tirith.  Merry intertanto, refusate per  Théoden qui lo considerava non apte al guerra, se univa a un juvene soldato que lo portava sur le su cavallo; le Rohirrim partiva in direction de Gondor. Sub le muros de Minas Tirith  assediate per le Ogros, in le campos del Pelennor, infuriava le battalia, e anque le arrivata del Rohirrim non semblava resolver le sorte del battalia;  le juvene soldato qui habeva adjutate Merry, era in realitate Eowyn,  qui desirava cambatter,  illa e le mesme Hobbit,  resultava a vincer le Rege Nazgul de Angmar e le su draco,  remanente totavia contaminate per le contacto del Rege Nigre. Le Rege Théoden  poco post moriva, comprimite per le su mesme cavallo; al interno del citate, Denethor  prendite per le follia on suicidava tentante de portar con sé anque le filio Faramir ferite al vado de Osgiliath, ma Gandalf lo impediva.  Le arrivata de Aragorn e del exercito de Mortos,  resolveva le battalia in favor del Homines e le Mortos trovava assi le pace. Ma  Sauron era ancora potente e le Anello non destruite. Alora le Capitanos del West decideva de  attaccar Mordor con poc centenas de Cavalleros, con le sperantia de concentrar le fortias inemic circum le Cancello Nigre e de aperir assì le strata a Frodo. Prisionero del Ogros,  Frodo, esseva liberate ab Sam,  e insimul illes fugeva,  le duo attingeva le Abysso del Monte Fato,  ubi Gollum attaccava Frodo,  e resultava a subtraher le Anello, distaccante le un digito con un morsura, ma, mittente un pede ultra le abysso, cadeva in le mar de lava, e assi compliva  le mission. Le Anello era destruite e Sauron vincite, dispareva.  Frodo e Sam esseva salvate per le Grande Aquilas, e le exercito del West, victoriose, poteva retornar a Minas Tirith. Hic  Aragorn, herede de Isildur, esseva coronate Rege del Regnos reunite de Arnor e Gondor, e sposava Arwen,  filia de Elrond.  Depost le funeral de rege Théoden e le retorno a Rohan, anque Faramir et Eowyn on sposava e les deveniva  soveranos del Ithilien, durante que le fratre de Eowyn, Eomer, deveniva le nove rege de Rohan.  Postea le major parte del Elfes lassava le Terra Medie, e portava via tote le lor meravilias e le beltate qui habeva create; Lothlòrien, sin le poter del Anello Nenya de Galadriel,  partite per Aman le Terra Immortal, dessiccava e dispareva. Le Hobbits retornava in le Contato, ma Frodo a causa del ferimento habite a Colle Vento, viveva con  tristessa e dolor, e inde debe partir anque ille per Aman.  Depost duo seculos de vita Aragorn moriva, lassante sol e mortal Arwen, qui va verso le ruinas de Lothlórien per lassar se morir vicin al fluvio Nimrodel.