Sonio de un nocte de medie estate

Per William Shakespeare – Traduction in Interlingua per Francesco Galizia

Personages:

• Puck (o Robin Goodfellow), diaboletto del bosco
  
• Oberon, Rege del Elfes
  
• Titania, Regina del Fees
  
• Lysandro, inamorate de Hermia
  
• Demetrio, inamorate de Hermia
  
• Hermia, inamorate de Lysandro
  
• Helena, inamorate de Demetrio
  
• Egeo, patre de Hermia
  
• Theseo, Duce de Athenas
  
• Hippolyta, Regina del Amazones e sposa de Theseo
  
• Nick Bottom, texitor
  
• Peter Quince, carpentero
  
• Francis Flute, reparator de sufflettos
  
• Robin Starveling, sartor
  
• Tom Snout, plumbero ambulante
  
• Snug, artisan de ligno
  
• Philostrato, le maestro de ceremonia de Theseo
  
• Peaseblossom (Flor de Piso), fee al servicio de Titania
  
• Cobweb (Tela de Aranea), fee al servicio de Titania
  
• Moth (Tineola), fee al servicio de Titania
  
  Mustardseed (Semine de Mustarda), fee al sevicio de Titania

Sonio de un nocte de medie estate (A Midsummer Night's Dream), es un comedia per William Shakespeare, scripte circum al 1595. Le comedia contine tres diverse historias, que los converge verso le celebration del matrimonio inter Theseo, duce de Athenas, e Hippolyta, regina del Amazones. Es sin dubita un del obras plus cognoscite e le plus breve del grande dramaturgo.  
Resumpto del Historia:
Ad Athenas il ha le preparativos del matrimonio inter Theseo et Hippolita, regina del Amazones. Al presentia de Theseo on presenta Egeo, patre de Hermia, con le duo pretendentes del filia pro rogar le su judicio: Hermia refusa de sposar Demetrio, proque es inamorate de Lysandro qui reciproca le su sentimentos. Ben que le duo juvenes son equal per ricchessa, lineage e reputation, Egeo prefere Demetrio e le supplicas del filia non tange le su corde, al contrario, si illa non consenti al nuptias, la facera devenir sacerdotessa de Artemides (Diana). Anque Theseo il ha le mesme opinion: la juvene debe respectar le autoritate paterne. Terminate le audientia Lysandro et Hermia les decide de escappar ab le urbe le mesme vespere, transversante le bosco, pro poter se pois sposar un vice lontan. Hermia on confida con le su amica Helena, inamorate non reciprocate, de Demetrio, le fuga del duo juvenes adjutarea inde anque le amica. Ma Helena tamen durante un discussion con Demetrio in un momento de ira revela le projecto de fuga del duo amantes. Demetrio assi on lanceava a sequer les, sequite a su vice ab Helena. Le bosco tamen es le regno del fees, plen de mysterio e insidias, et es hic que se tressera le historias de altere personages. Intertanto, Oberon, rege del elfes, e le su uxor Titania, regina del fees, face un halto in le mesme bosco ubi son anque le quatro pueros. Anque illes son ad Athenas per prender parte al nuptias de Theseo e Hippolyta, que se celebrara intra brevissime tempore. Oberon volerea que le servitor indian de Titania devenirea su page, ma Titania se oppone. Pro isto Oberon, ingagia Puck, un diaboletto del bosco astute e un poc despectose, appellate anque Robin Goodfellow, pro facer se adjutar: roga al diaboletto de procurar se le succo del “flor de Cupido” le viola del pensata, que ha le magic proprietate de facer inamorar quicunque al qual sia aspergite le oculos con le succo, del prime persona que incontrara al momento del evelia. Pro isto Oberon dice a Puck de asperger le succo sur le oculos del uxor addormite, pro facer inamorar le regina del prime persona que videra al evelia e oblidar toto le resto. Con iste stratagema Oberon vole facer se ceder sin protestar le servitor ab Titania. Proque secundo le su prevision, le regina, a iste puncto non sera plus interessate a ille. Ultra a iste carga Oberon roga a ille de versar le mesme succo sur le oculos de Demetrio pro adjutar Helena, post haber audite un dialogo inter le duo. Ma per error Puck versa le succo sur le oculos de Lysandro qui al evelia vide Helena (qui va sol per le bosco depost esser congedate in modo brusc ab Demetrio) e se inamora de illa desperatemente, con grande contrarietate de Hermia. In le bosco son presente anque alicun artisanes del urbe, que les proba un spectaculo theatral sur le thema de Pyramo e Thisbe pro allegrar le nuptias de Theseo e Hippolyta. Uno de illes, Nick Bottom, il ha un costume con un testa de asino. Puck face a ille un burla: Bottom, non pote plus levar se le costume que portava, e le su testa es devenite vermente illo de un asino. Ille non comprende lo que succede e anque le su companiones les vade via terrorisate. Sera proprie Bottom le prime persona que videra Titania al su evelia e de ille se inamorera, a causa del effecto del succo de amor del flor vermilie. A iste puncto Titania incontra Oberon, qui pote assi realisar le su scopo, per pois liberar la del su incantamento. Oberon in ultra, nota le error de Puck, e ordina a ille de dar le succo anque a Demetrio. Assi ora sia Lysandro qui Demetrio les vole sposar Helena, e querelar se inter illes pro le lor passion e cercante de dar Hermia, le un al altere. Al fin Oberon ordina a Puck de systemar toto inter le inamorates un vice per tote. Oberon face descender un nebula magic sur le bosco in tal modo le quatro pueros les perde de novo e se addormi. Puck pote assi utilisar le viola del pensata per facer in modo qui Lysandro ama de novo Hermia. Puck inde mitte a posto tote le cosas, includite le testa del povre Bottom, assi toto es accommodate: Oberon e Titania son reconciliate, e le quattro juvenes son finalmente duo copulas. Istes son trovate addormite al limitar del bosco le jorno postea ab Hippolyta e Theseo le qual, post haber ascoltate le lor historias decide que anque le quatro juvenes debe sposar se le mesme die insimul a ille e Hippolyta. Anque Egeo patre de Hermia, supervenite depost haber cercate le filia tote le nocte, pote solmente consentir, pois que ora Demetrio ama Helena. Le notitia del proxime tres matrimonios manda in agitation tote le village, includite le laboratores atheniese que les proba le comedia in le bosco, le quales tamen ora son sin le personage principal del lor comedia: Pyramo, que debeva esser interpretate ab Bottom, que tote illes habeva abandonate in le bosco con le testa de asino: Fortunatemente le protagonista de retorno ab le bosco, entra in scena proprie in iste momento de abattimento, e incita le companiones a preparar se per le spectaculo. Al palatio, Theseo, malgrado le advertimentos de Philostrato le ceremoniero, selige proprie le lor spectaculo (Pyramo e Thisbe), pro que sustene que un qualcosa que veni offerite con assi bon voluntate non pote esser refusate. In ultra ha le sensation que le representation serà divertente malgrado le texto del intriga e sicurmente interessante. A iste puncto parti le spectaculo in le spectaculo: le artisanes les mitte in scena un ridicule version del tragedia, le integre tono del representation genera un atmosphera comic ("io senti le visage del mi Thisbe..." "io vide le sono del tu voce.."), in le qual son includite anque un personage in le rolo del leon (causa del equivoco que porta le duo inamorates al morte), uno in le clar de luna e un altere in le parte del muro (con relative foramine a transverso del qual le duo amantes se parla). Le spectaculo pote contar anque sur le exceptional interpretation del artisan de sufflettos Francis Flute, qui interpreta (in maniera del toto singular) le rolo de Thisbe. Le tragedia deveni un farsa ubi tote les ride usque al lacrimas. Le artesanes al fin son anque recompensate ab Theseo, divertite per le spectaculo. Le obra on conclude con le entrata in scena de Puck. Le diaboletto on congeda dicente que si le spectaculo non es placite al publico, le publico pote finger de haber dormite toto le tempore, e lo invita a considerar le spectaculo como un producto del sonios.

Origines

Non se sape con certidute quando le comedia esseva scripte o mittite in scena pro le prime vice, ma on presume inter 1594 e 1596. Alicun habe avantiate le hypothese que poterea esser scripte in le februario del 1596 per un representation in occasion del matrimonio inter Sir Thomas Berkeley et Elizabeth Carey. Non es certe qual genere habe inspirate le historia, anque si alicun motivos son retraciate in le litteratura classic; a exemplo, le historia de Pyramo e Thisbe es narrate in le Metamorphose per Ovidio, durante que le transformation del testa de Nick Bottom in ille de un asino face referentia a Le Asino de auro per Apuleio - duo obras litterari que Shakespeare pote haber studiate a schola. Ultra a isto, plus o minus in le mesme periodo in le qual iste comedia esseva componite, Shakespeare scribeva Romeo e Julietta, et es possibile relevar in le intriga que ha per protagonistas Pyramo e Thisbe un elaboration in clave comic del tragedia

Transpositiones cinematographic:

Le comedia scripte per Shakespeare ha inspirate diverse films. Un del prime importante film sur le Sonio esseva lo que de Max Reinhardt e William Dieterle. In le 1968 Peter Hall interpretava le atmosphera psychedelic del annos sexanta con un pellicula basate sur le famose production del Royal Shakespeare Company, de vanguarda per ille epocha, Judy Dench recitava in le parte de Titania. Un altere film basate sur un production del Royal Shakespeare Company era ille del 1996 directe per Adrial Noble. In le1999 Michael Hoffman reuniva un cast hollywoodian: Kevin Kline in le rolo de Bottom, Michelle Pfeiffer in le rolo de Titania, Sophie Marceau in le rolo de Hippolyta, e Calista Flockhart in ille de Helena, Rupert Everett in ille de Oberon. Iste adaptation cinematographic transfereva le loco del comedia in Toscana al fin del XIX seculo.

Rege Lear

Per William Shakespeare - Traduction in Interlingua per Francesco Galizia

Personages:

Lear, rege de Britannia.  

Goneril, filia de Lear.  

Regan, filia de Lear.  

Cordelia, filia de Lear.  

Duce de Albany, marito de Goneril.  

Duce de Cornovalia, marito de Regan.  

Rege de Francia , marito de Cordelia.  

Conte de Gloucester, patre de Edgar et Edmund.  

Conte de Kent, nobile fidel a rege Lear.  

Edmund, filio illegitime del Conte de Gloucester.  

Edgar, filio legitime del Conte de Gloucester.  

Oswald, servo de Goneril.  

Fool (buffon de Rege Lear).

Laurence Olivier in le parte de rege Lear

Rege Lear (King Lear) es un tragedia in cinque actos, in versos e in prosa, scripte circa in le 1605 – 1606 per William Shakespeare. Le historia del intriga principal il ha le su radices in le antique mythologia britannic. Illo es basate sur le legenda de Leir, un rege de Britannia ante que iste deveniva parte del Imperio roman. Le su historia era jam narrate in chronicas e poemas e face parte del patrimonio folkloristic, ultra que de Anglaterra anque del plus varie culturas. Illo es un drama a duple intriga, in le qual le historia secundari contribue a facer evidentiar e a commentar le varie momentos del action principal. Le rege Lear "historic", secundo le Historia regum Britanniae per Geoffrey de Monmouth, esserea vivite ante del fundation de Roma, circa in le VIII seculo a. C. Le rolo de Rege Lear es stato recitate ab multe grande actores, ma generalmente es considerate un parte que pote esser recitate sol ab illes qui ha complite jam un etate avantiate.

Resumpto del historia:

Le drama comencia con le decision de Lear rege de Britannia, de abdicar e divider le su regno inter le tres filias Goneril, Regan e Cordelia, mantenente ancora le su autoritate regal. Ante de poter hereditar, le tres filias debe sposar se, et exprimer publicamente le amor pro le proprie patre. Le duo filias maior, Goneril e Regan, las adula le lor patre con laudas false et exaggerate, assi illas habera in dote un tertio del regno cata una, e habera le duces de Cornovalia e de Albany como maritos. Pois es le vice del filia minor Cordelia, le plus amate per le rege, la qual es de animo sincer e nobile, illa refusa de adular le patre, exprimente un normal e multe plus sincer amor pro le patre. Lear perde le ration, ille non vide le situation, si non per le apparentias, on infuria e non concede a illa nulle terra. Le conte de Kent proba a dissuader le, ma Lear non sol refusa de rationar, ma condamna al exilio le conte, culpabile secundo ille, de haber le traite defendente un filia rebelle qui non respecta le patre. Lear, assi divide la quota del regno de Cordelia inter Goneril e Regan. Le conte de Glouchester, conduce ante a Lear, le rege de Francia, qui cortesa Cordelia jam ab tempore, e rege Lear roga a iste si vole ancora in sposa Cordelia, anque ora qui es dishereditate. Le regede Francia comprende qui Lear ha facite un error, e al contrario apprecia le corage e le sinceritate de Cordelia, e assi ille la sposa, e les parte per le Francia. Rege Lear a iste puncto abdica, e le regno es governate ab Albany e Cornovalia. In poco tempore post haber abdicate, Lear discoperi que le sentimentos de Goneril e Regan per ille son cambiate; Goneril instrue le su servitor, Oswald, de comportar se mal con rege Lear e le su cavalleros, pro provocar le rege e facer nascer discussiones. Le conte de Kent, qui ha defendite Cordelia et es stato exiliate, retorna travestite como Caius un servo, ille vole proteger le rege al qual resta fidel, e offere le su servicios a Lear, qui accepta. Intertanto Fool le buffon del rege, al qual toto es permittite dicer, reprocha le vetule rege de haber abdicate troppo presto, e de poner se assi al ingratitude, Goneril, prendente a pretexto le parolas del buffon, reprocha le rege, qui disdignate, annuncia qui vadera via de casa per jammais retornar; va inde a casa de Regan. Al umbra del historia regal, se disveloppa le secunde intriga, que vide como protagonista principal Edmund, le filio bastarde de Gloucester, qui promitte solemnemente a se ipse de reclamar le benes que su patre ha date a su filio legitime Edgar. Pro isto Edmund monstra a su patre un littera falsificate per le mesme Edmund, ubi Edgar, in realitate innocente, roga a Edmund de occider su patre pro obtener subito le hereditate, Gloucester on infuria. Edmund pois va ab le fratre e avisa ille del furia de su patre, fingente de adjutar le, convince Edgar a fugir, Edmund inde se feri facente creder que sia stato su fratre a facer lo, a iste puncto le designo criminal de Edmund es complite. Gloucester es recognoscente al perverse filio e promitte de recompensar le pro haber le defendite usque a riscar le vita e facer se ferir, durante que le honeste Edgar es costringite al exilio e a finger se Tom, le folle de Bedlam. Edmund alora initia a cortesar sia Goneril qui Regan. Intertanto Regan e su marito son avisate del arrivata de Lear, les intriga contra de ille. Kent arriva a casa de Gloucester con un message de Lear e incontra Oswald (qui in vice ha un message de Goneril). Al honeste Kent non place le perfide Oswald, e assi le duo les litiga, e secundo Regan (qui initia ad actuar le su plano, equal a cello de su soror) le culpabile del litigio es le conte de Kent, qui es catenate. Quando Lear arriva, trova Kent catenate, isto lo face infuriar. Al initio Regan e Cornovalia les refusa de vider Lear, e isto lo face ulteriormente furiose, ma pois illes permitte al rege de entrar. Depost arriva anque Oswald e Goneril, le furia de Lear es ora al apice, ma quando Regan e Goneril, insimul, las reprocha, se transforma in desperation. Assi Lear e Kent les lassa le castello de Regan, vadente contra un tempesta . Excepte Gloucester qui on preoccupa pro le sanitate de Lear, tote le alteres son felice qui le rege sia ite via. Durante le tempesta Lear impreca contra le tempesta e le su filias, Kent manda un messagero ab le rege de Francia, qui assi sape sia del inimicitate inter le duo sorores, sia del cruel comportamento in le reguardo de rege Lear. Pois Kent convince le rege a refugiar se in un grotta, ubi il ha trovate refugio anque Edgar, travestite como folle mendicante. Intertanto Gloucester informa Edmund del armea francese, que ha jam occupate Dover, guidate ab Cordelia, qui vole reponer sur le throno Lear. Naturalmente Edmund, revela a Cornovalia del plano del rege de Francia e qui le patre es al su servicio, assi ora anque ille es recercate, et Edmund deveni le nove conte de Gloucester. Interea anque Gloucester arriva al grotta, e invita totes a vader al su ferma de campania. Al ferma, Lear, es consolate ab Kent, Edgar e le su buffon. Le tres simula que le duo filias ingrate son illac, e les pone in scena un processo per traition, e Lear es le judice. Retorna le conte de Gloucester, qui consilia a Lear, Kent e al buffon de escappar, proque Cornovalia les cerca per occider les tote, assi face conducer Lear a Dover ab Cordelia, le sol filia fidel. Ma pois Gloucester, es capturate ab le soldatos del duce de Cornovalia, marito de Regan, e post haber le accusate de traition, leva a ille un oculo. Le perfide uxor roga que anque le altere oculo, veni levate et es contentate. Gloucester invoca le adjuta de Edmund, ma Regan responde que a trair le es le mesme filio bastarde. Gloucester comprende alora de haber accusate Edgar injustemente, e spera que al minus ille resulta a salvar se. Le duce de Cornovalia, es ferite ab un servo (qui es occise ab Regan), pro defender le conte. Gloucester veni chassate fora del su castello, per Cornovalia, et es accompaniate ab alicun servitores, post haber le cecate, in modo qui pote sol "olfacer le strata per Dover". Durante le cammino les incontra Edgar, ancora travestite, como folle vagabunde, le conte roga a ille le strata per Dover, e Edgar dice que sera guidate ab ille. Le conte non recognosce le voce del filio, qui es turbate per le patre cec. Intertanto, Goneril e Regan las litiga a causa del lor attraction per Edmund. Al palatio de Albany, Goneril promitte le su amor a Edmund, pois que su marito refusa de combatter contra le rege de Francia. Un messagero porta le notitia qui Cornovalia es morite, pro le ferimentos habite ab un servitor de Gloucester. Albany, es displacite per Gloucester, pois veni a saper del intriga amorose de Edmud con le su uxor, e jura vindicantia. Regan incarga Oswald (le servo de Goneril) de dicer a Edmund qui illa es prompte a sposar le, ora que es remanite vidua. Intertanto le conte de Gloucester benedice su filio (qui non sape que es al su flanco) e tenta de occider se jectante se ab un rocca, ma ille evanesce et es salvate per le filio Edgar. Al evelia, Edgar finge de haber le viste volar, e de esser stupite que sia ancora vive. Gloucester, totevia, vole ancora le fin del su existentia, ma le filio le explica que arriva Lear, qui ora es insanite. A Dover, Lear va sin scopo, et exclama qui es "plus un homine contra le qual on pecca que un peccator". Un servo de Cordelia arriva e porta Lear avante illa, le rege e le filia assi face le pace. Oswald va contra Edgar e le patre, menaciante de occider les, ma Edgar resulta a occider le, e assi discoperi un littera de Goneril la qual vole occider Albany e sposar Edmund. Al campamento de Goneril, durante que iste litiga con Albany, declara a se mesme que preferirea perder le battalia plus tosto que vider Edmund sposate a su soror. Edgar, poco ante del battalia inter le armeas de Britannia e Francia, porta ad Albany novas sur le complot de Goneril. Depost le disfacta del armea francese, Rege Lear e Cordelia son capturate ab Edmund, qui les manda in prision. Intertanto le duce de Albany accusa Edmund e Goneril de traition e defia ille a duello. In ille momento, appare Edgar in armas - ma ancora travestite como folle – qui combatte contra Edmund colpante le a morte, Edmund confessa a totes le mal facite. Alora, Goneril, qui per jelosia ha jam invenenate Regan, se occide. Edgar revela a Edmund le proprie identitate e informa ille que le conte de Gloucester es decedite. In le apprender isto, e del morte de Goneril e Regan, Edmund dice que ille e Regan il ha ordinate al capitano de appender Lear e Cordelia, e da ordine de interrumper le execution, - forsan le su unic gesto de bontate in tote le drama. Ma per disgratia, le suspension arriva troppo tarde. Lear appare sur le scena portante inter le bracios, le cadavere de su filia Cordelia, post haber occise le su assassino, ma de non resultar a salvar la. Rege Lear pronuncia le su ultime parolas ante de morir, pro le dolor : "oh, le mi parve filia es pendite! ma perque un can, un cavallo, un mus, los debe haber vita e tu non debe haber plus non mesmo un sufflo?" Ultra al intriga secundari que reguarda le conte de Gloucester e le su filios, le principal innovation introducite ab Shakespeare in le historia es le morte de Cordelia e de Lear in le final. In le seculos XVIII e XIX, iste conclusion tragic habera multe criticas, et esseva scripte e representate versiones alternative, ubi le personages principal se salvava e Cordelia sposava Edgar.
Fontes:

• Rege Lear (originarimente Leir) era un rege de Britannia vissite in le VIII seculo a.C, in un periodo precedente al fundation de Roma. Le fonte es constituite per le Historia Regum Britanniae (ca. 1130) per Goffredo de Monmouth.
• Le fonte historic abitual de Shakespeare, "The Historie of England" (1577, per Raphael Holinshed) reportava le historia de rege Lear, ma poteva trovar se anque in le poema "The Faerie Queene" (1596) per Edmund Spenser, in le canto X, libro II; o in le drama anonyme publicate in le 1605 "The True Chronicle Historie of king Leir"
• King Llyr era un Rege semi-legendari qui regnava in Cornovalia (Cornwall) in Anglaterra Secundo le Historia Britonum, Llyr poterea esser stato portate a Roma, como prisionero, e iste legenda traditional poterea esser le origine del drama de Shakespeare.
• Lear poterea anque esser Lir, un deo del mar del Mythologia celtic; inter le filios de Lir il ha: Bran le Benedicte e Mannanan, le creator del Insula de Man.
  

Transposition cinematographic

• 1953 - King Lear per Andrew Mc Cullough con Orson Welles in le parte de Lear.

• 1971 – Rege Lear, per Peter Brook con Paul Scofield in le parte de Lear. Le film es fidelissime al texto theatral, con le mesme dialogos e phrases del personages.

• 1983 – Rege Lear, per Michael Elliott con Laurence Olivier in le parte de Lear. Le historia del film initia e termina a Stonehenge.

• 1985 – Ran per Akira Kurusawa. Le ambiente del historia es le Japon medieval.

• 1997 - King Lear, film per le television per Richard Eyre, con Sir Ian Holm.

• 2008 - Rege Lear, con Ian Mc Kellen in le rolo de Rege Lear.
  

Antonio e Cleopatra

Per William Shakespeare - Traduction in Interlingua per Francesco Galizia

Antonio e Cleopatra (Antony and Cleopatra) es un tragedia historic per William Shakespeare in cinque actos. Appareva sur le scenas per le prime vice in le 1607 o 1608, et esseva imprimite in le First folio in le 1623. Le tragedia seque le eventos historic del relation inter Cleopatra e Marco Antonio ab le guerra contra le Parthis usque al suicidio de Cleopatra. Le antagonista es representate ab Cesare Octaviano, triumviro insimul a Marco Antonio e futur prime Imperator de Roma.

Personages:

Marco Antonio, general roman e triumviro.
Cleopatra VII, Regina de Egypto.
Julio Cesare Octaviano, triumviro.
Marco Emilio Lepido, general roman e triumviro.
Sexto Pompeio, general roman e filio del ex triumviro Gneo Pompeio Magne.
 Domitio Enobarbo, amico de Antonio.
Ventidio, amico de Antonio.
Erotes, amico de Antonio.
Scaro, amico de Antonio.
Dercetes, amico de Antonio.
Demetrio, amico di Antonio.
Philon, amico de Antonio .
Mecenas, nobile roman e amico de Cesare Octaviano.
Agrippa Vipsiano, general roman e amico de Cesare Octaviano.
Dolabella, amico de Cesare Octaviano.
Proculeio, amico de Cesare Octaviano.
Thidias, amico de Cesare Otcaviano.
Gallus, amico de Cesare Octaviano.
Menas, amico de Sexto Pompeio.
Menecrates, amico de Sexto Pompeio.
Varrio, amico de Sexto Pompeio.
Taurus, Locotenente de Cesare Octaviano.
Canidio, Locotenente de Antonio.
Silio, Officiero del exercito de Ventidio.
Euphronio, Ambassator de Antonio e Cesare Octaviano.
Alexas, serva de Cleopatra.
Mardian, Eunucho.
Seleuco, Tresorero de Cleopatra.
Diomedes, servo de Cleopatra .
Octavia, soror de Cesare Octaviano e uxor de Antonio.
Charmian, ancilla de Cleopatra.
Iras, ancilla de Cleopatra.
 Un divinator.
Un paisano.  
Officieros, soldatos, messageros.

 

Resumpto del Historia:

Marco Antonio, triumviro de Roma insimul a Cesare Octaviano e Marco Emilio Lepido, es remanite in Egypto depost esser se inamorate del regina Cleopatra. Antonio il ha le notitia qui Fulvia le su uxor, on es rebellate contra Octaviano, et es morite. Ora le triumvirato es menaciate ab Sexto Pompeio, filio de Pompeio Magne adversario de Julio Cesare. Sexto Pompeio ha reunite un flotta, insimul al piratas Menecrates e Menas e controlla le Sardinia e le Sicilia. A causa de isto Antonio debe retornar a Roma, e malgrado le opposition de Cleopatra, ille partiva. Arrivate a Roma, le locotenente de Marco Antonio, Domitio Enobarbo, cerca de instigar Lepido contra Octaviano, ma Lepido non vole problemas, perque le guerra contra Pompeio il ha le prioritate absolute. Le triumvirato es ora reunite: Antonio con Ventidio qui ha conquirite le terra del Parthis et ha occise Herodes, le filio del rege Pacoro, e Octaviano con Mecenas e Vipsiano Agrippa; e presto le polemicas inter le tres triumviros son applanate, super toto le question del conjura del uxor de Antonio, in le qual iste ultime non era inplicate, e pro confirmar le pace inter Antonio e Octaviano, Agrippa suggere qui Antonio debe sposar Octavia le soror de Octaviano, pro saldar assi le ligamine inter le duo triumviros. Antonio consenti al sponsalia anque si sape, qui Octavia non potera appaciar le, depost haber habite le amor de Cleopatra. Inde Octaviano e Antonio il vade a incontrar Octavia. Enobarbo, Mecenas e Agrippa les remane a parlar del meravilias de Egypto, e del vita dissolute que totes illac vive, e les previde qui Antonio non lassera jammais Cleopatra per Octavia, e isto sera causa del division inter Antonio e Octaviano. A casa de Octavia, intertanto, Antonio jura que, nonobstante celle que totes on dice de ille, le su futuro sera exclusivemente dedicate al ben del imperio e de Octavia mesme, e que jammais rumpera le su matrimonio e le amicitia con Octaviano. Un divinator mitte in guardia Antonio: "si tu joca con ille a un joco qualcunque, tu es secur de perder". In Egypto intertanto, Cleopatra veni a saper del matrimonio de Antonio con Octavia, e maltracta le messagero que refere a illa le notitia. Ante del battalia inter Roma e Pompeio, le duo partes vole incontrar se pro tractar, e illes se accorda : Roma cede le Sicilia e le Sardinia e in cambio Pompeio liberara del hostages e debe adjutar les a "liberar toto le mar ab le piratas" e mandar les un tributo in grano, e pagara le taxas a Roma. Depost qualque esitation, Pompeio accepta. Pro festear le accordo, e le guerra evitate, on habera un sumptuose banchetto sur le galea de Pompeio. Menas et Enobarbo les parla insimul : le primo on regretta qui Pompeio habe renunciate a combatter contra le Triumvirato, renunciante assi al su occasion plus propitie per vincer Roma, durante que Enobardo parla de Antonio e del su passion pro Cleopatra. Durante le banchetto totes, super toto Lepido, il ha bibite troppo, e Menas roga a Pompeio de occider le integre triumvirato, pro devenir assi le conductor de Roma, ma Pompeio, homine de honor, refusa. Postea, Octaviano e Lepido les rumpe le tregua con Pompeio, e le combatto initia de novo. Ad Athenas, Antonio critica Cesare in presentia del su soror Octavia, pro haber rumpite le accordo de pace con Sexto Pompeio. Un vice retornate ad Alexandria, Antonio corona se mesme e Cleopatra soveranos del Egypto e del Oriente, tertie parte del imperio roman, le territorio de Antonio habite como triumviro. Le fortias roman intertanto il ha vincite Pompeio e Cesare refusa de divider le gloria del victoria con Lepido, qui al contrario veni arrestate per traition, sin necun proba certe, et es state excludite ab le triumvirato. A Roma Cesare refere a Mecenas de como Antonio sia state viste publicamente in compania de Cleopatra, con Cesarion filio de Julio Cesare, e le filios de illes al pedes del throno. Antonio intertanto on prepara a dar battalia a Cesare Octaviano, Enobarbo vole dar battalia sur le terra firme, ubi ille serea plus avantagiate, in vice que in mar, ubi le naves de Octaviano son plus legier e melio conducte per Agrippa, ma Antonio refusa, proque ille era state defiate ab Octaviano a un battalia naval. Cleopatra mitte le su flotta a disposition de Antonio. Ma, ad Actium in Grecia, durante le battalia naval, le regina abandona le campo con le su sexanta naves. Antonio la seque causante assi le disfacta del su flotta. Vergoniante se pro le su gesto, debite al su amor pro Cleopatra, Antonio la reprocha per haber le facite semblar un coarde. Octaviano manda un messagero ad Alexandria pro rogar a Cleopatra de consignar a ille Antonio, e de alliar se con ille. Illa esita, intertanto, Antonio entra in scena ille es rabiose, condamna le comportamento del regina, e face flagellar le messagero, e pois pardona Cleopatra, promitte a illa de combatter un altere battalia in defensa de Alexandria, ma iste vice sur le terra firme. Al vigilia del battalia, le soldatos de Antonio les aude estranie oraculos, que son interpretate como le perdita de protection per le lor conductor, ab parte de Hercules. In ultra, anque Enobarbo le locotenente de Antonio, abandona le campo per passar al servicio del inemico. In vice de confiscar le benes de Enobarbo, que los era state lassate presso Antonio durante le fuga al campo de Octaviano, Antonio ordina que le benes los sia reportate a Enobarbo; le locotenente es talmente colpite per le generositate de Antonio, et es assi plen de vergonia per le su infidelitate, qui se suicida. Le battalia ad Alexandria, comencia ben per Antonio, usque a quando Octaviano, non lo cambia in un battalia naval. Ancora un vice, Antonio perde, le su flotta se rende, et ille decide alora de occider le regina per le su traition. Cleopatra comprende que le unic modo pro reconquestar le amor de Antonio, es cello de facer creder a ille, que se es occise, con le nomine de Antonio como ultime parolas. Illa on claude in le su mausoleo, et expecta le retorno de Antonio. Le su plano, tamen, falleva: in vice que currer per vider Cleopatra morite, con le corde plen de remorso, Antonio decide que le su vita non ha plus senso. Roga a Erotes, uno del su plus intime amicos, de transpassar le su pectore con le gladio, ma Erotes non resulta tamen a occider le su general, e pro isto ille se suicida. Antonio admira le corage de Erotes e cerca de morir al mesme modo, ma ille on feri solmente. Octaviano va ab Cleopatra e cerca de convincer la a render se. Illa tamen refusa orguliose, per non esser trainate in triumpho per le vias de Roma como un sclava qualcunque. Cleopatra on penti de haber facite creder ad Antonio de esser morite e manda Diomedes ad avisar Antonio, qui es ferite a morte, ille roga de esser transportate ab Cleopatra, e assi mori inter le su bracios, le regina alora, decide de suicidar se, insimul al su ancillas Charmian e Iras, usante le veneno de un aspide. Illa mori seren, pensante de revider Antonio in le altere mundo. Un servitor de Antonio, Decretas, porta le gladio del su defuncte conductor a Cesare, informante le del su morte. Cesare es profundemente emovite pro le fin del regina. Le drama on claude con le parolas de Cesare Octaviano: "sera sepulte apud al su Antonio. Necun tumba sur le terra imbraciatera amantes assi celebre".
Themas : morte e contradictiones

Le parolas de Mecenas depost haber audite del morte de Antonio : "le defectos e le virtutes il era par in ille", reassume le characteres e le contradictiones de Antonio e Cleopatra, ultra que del alteres heroes qui se son suicidate in iste drama, ma ancora isto vale anque per Bruto qui assassinava Julio Cesare. Vitios e virtutes, deberes de homine de stato e jocos amorose, sobrietate e orgia, los se misce in le personages, que son symbolo del argillose sentiero que es le vita human. Shakespeare vole consignar al historia iste figuras como heroes, e le morte, o melio le modo de affrontar le morte, es le unic redemption per tote iste figuras, e le clave pro entrar in le mundo del legenda.

Films:

Cleopatra (1963), per J.L. Mankiewicz. Le interpretes son: Elizabeth Taylor (Cleopatra), Richard Burton (Marco Antonio), Rex Harrison (Julio Cesare), Roddy Mc Dowall (Cesare Octaviano).
Antony and Cleopatra) (1972), per Charlton Heston, qui recita anque in le rolo de Antonio, e con Hildegarde Neil, (Cleopatra) et Eric Porter (Enobarbo).
Antonio e Cleopatra (1983), film per le television con Timoty Dalton (Antonio) e Lynn Redgrave (Cleopatra).