lunedì 30 gennaio 2012

Eschylo e le Oresteia

traduction per Francesco Galizia

File:Aischylos Büste.jpg
busto de Eschylo
Eschylo (grec Αἰσχύλος) il es stato un dramaturgo grec antique. Il es considerate le prime del poetas tragic del Grecia ancian de cuje son pervenite a nos obras integre. A ille sequeva Sophocles et Euripides. Nascite a Eleusi (un demo de Athenas) circum le 525 a. C., de familia nobile. Combatteva contra le invasores persian in le battalias de Marathon e Salamis (480 a. C.) e de Platea (479 a. C.). Habera le su ultime successo in le 458 a. C. con le trilogia “ligate” Oresteia, in le qual le tres tragedias son ligate inter lor ab le contento, que es le saga del stirpe del Atrides, ab le occision de Agamemnon usque le liberation final del matricida Orestes. Al origine del suffrentia, secudo Eschylo, il es le hýbris (in grec ὒβρις) que impedi al homine de recognoscer le proprie limites: qui ultrapassa le confinio fixate ab le deos il pecca de hýbris. Pro Eschylo le actiones del divinitate sur le homines son le consequentia de un culpa human, perque le deos son garantia de justitia e de ordine, e dunque al hýbris il ha le sage punition divin. Le Justitia (in grec δίχη, dìke), es le lege que le dèos impone al mundo. Con le punition a transverso le dolor, que cata homine suffre, ille matura le proprie cognoscentia (πάθει μάθος, pàthei màthos). Depost le successo del trilogia, ille partiva per Gela, in Sicilia, ubi moriva in le 456 a. C. Sur le su epitaphio sepulcral non esseva recordate le su victorias in le theatro, ma le su valor como combattente a Marathon.
Eschylo scribeva circa novanta obras, ma de iste sol septe son pervenite a nos:
  • Le Persianos , Septe contra Thebe, Le Supplicas, Prometheo incatenate.
  • Oresteia – trilogia: (Agamemnon, Choephoras, Eumenides)
De altere dece obras nos cognosce le existentia ab altere autores, iste le titulos:
  • Alcmena, (Ἀλκμήνη), Glauco de Potnie, (Γλαῦκος Ποτνιεύς)
  • Le servientes del camera nuptial (Θαλαμοποιοί), Le Sacerdotessas (Ἱέρειαι)
  • Cycnos, (Κύκνος) , Palamedes, (Παλαμήδης)
  • Prometheo qui accende le foco (Προμηθεύς Πυρκαεύς)
  • Sisypho qui rola le petra (Σίσυφος Πετροκυλιστής)
  • Phineo, (Φινεύς), Oritia, (Ὠρείθυια)

Le Oresteia

Le Oresteia (Ὀρέστεια) es un trilogia ligate ab le tragedias: Agamemnon, Choephoras, e Eumenides, scripte ab Eschylo in le 458 a. C. Del trilogias de tote le theatro grec classic, il es le unic que sia supervivite usque a nos integre. Le tres tragedias, representa un historia unic subdividite in tres episodios: le homicidio de Agamemnon ab parte del su sposa Clytemnestra, le vindicantia del lor filio Orestes qui occide le matre, le persecution del matricida ab parte del Erinnys e le su absolution ab parte del tribunal del Aeropago.
File:MaskeAgamemnon.JPG
maschera de auro de Agamemnon
Agamemnon: ille era le soverano del polis de Mycene, e iva al guerra de Troia, ma le flotta del Acheos era blocate in Aulide, pro le manco de ventos, assì per propitiar se le deos (in particular Artemide), pro le consilio del vidente Calchas ille habeva sacrificate le belle filia Iphigenia. Le ventos alora esseva propitie e le flotta poteva assi partir. Clytemnestra le sposa de Agamemnon, decideva alora de vindicar le filia. Le prime tragedia narra inde como Agamemnon, de retorno ab le guerra de Troia, accompaniate ab Cassandra princessa troian, como sclava e amante, sia occidite ab le su vindicative sposa Clytemnestra, con le adjuta de Egistho, cosino del marito e su amante, illes assi poteva vindicar se del morte de Iphigenia e del ultrage patite ab Thiestes patre de Egistho. In le tragedia es evidente le conflicto del passage ab le societate matriarchal, representate ab Clytemnestra, a celle patriarchal, representate ab Agamemnon. In le tragedia, es profunde le senso del ligamines con le familia de origine, le “genos”, e con le Polis, contra le senso del deber, Agamemnon paga le culpa del patre e pro iste es sacrificate al logica del stato.
Le Choephoras : es le secunde tragedia e prende le nomine ab le Choephoras, le portatrices de libationes pro le mortos. Narra de como Orestes, dece annos depost le homicidio del patre Agamemnon, tornava a Mycene ab Delphi, con le su amico Pylades, ille videva le soror Electra (futur sposa de Pylades) accompaniate ab le Choephoras, presso le tumba del patre, ubi Orestes habeva lassate alicun del su capillos blonde como homage, Electra videva le capillos e le vestigio del pedes de fratre e imaginava que sol Orestes poteva haber facite isto, assi Orestes imbraciava le soror e diceva a illa que era tornate per ordine de Apollo, pro vindicar se e dar le morte al proprie matre e al su amante. Ma depost le matricidio, compareva las Erinnys deas qui vindicava le delictos inter consanguinee, e las persequeva.
Le Eumenides: le tertie tragedia del trilogia prende le nomine ab le Erinnys, deas del vindicantia, le quales era clamate anque Eumenides (alias “le benevolente”) quando illas era in un attitude positive. In iste tertie parte del Oresteia il es narrate le persecution ab le Erinnys verso Orestes, pro le su matricidio, que culmina con le celebration de un processo in le tribunal atheniese del Areopago. Tal judicio, que videva le mesme Erinnys como accusatrices, Apollo como defensor e Athena qui presideva le jury de dece-duo juratos, terminava con le absolution de Orestes, gratias al voto de Athena, qui vota a su favor perque illa non ha matre e considera plus importante le figura paterne.
Le catena de homicidios in le saga del Atrides:
Atreo e Thiestes les era duo fratres qui se odiava a morte, pois que le secunde habeva obtenite le throno de Mycene (o Argo) con le fraude, assi privava le prime del su derecto regal. Pro iste motivo, Atreo ideava un vindicantia terribile: ille invitava Thiestes a un banchetto, pois in secreto ille occideva le tres filios de Thiestes, les cocinava e les dava in repasto al fratre. Egistho era un altere filio de Thiestes, in vice Agamemnon era filio de Atreo; iste explica proque le prime voleva le morte del secunde. De altere latere anque Clytemnestra habeva motivo de desiderar le morte de Agamemnon, pois que le marito habeva occise e sacrificate al deos le filia Iphigenia, pro haber un condition propitie de navigation verso Troia. In ultra Orestes, pro vindicar le morte del patre, occide Egistho e Clytemnestra, e le catena de sanguine poterea proseguir al infinito, generation post generation, si non interveniva le Justitia a portar fin al saga sanguinos.