lunedì 23 maggio 2011

Europa
traduction in interlingua per Francesco Galizia
 
Le Europa es un region geographic del Terra constituite ab un peninsula situate in le parte occidental del continente de Euroasia. In consequentia a factor historic-cultural, es comocunque considerate illo mesme un continente, inter le plus parve. Le su superficie de facto se extende per sol 10.180.000 km² circa (solmente de poco superior al Oceania le continente plus parve del Terra). Le territorio es populate ab 800.000.000 de habitantes que lo porta ad esser le tertie continente plus populate, depost le Asia e le Africa. Le su confinio natural es constituite per un longe tracto ab le mar al west e al sud, al est es delimitate ab le catena montuose del Caucaso, le mar Caspie, le fluvio Ural e le montes Urales. Le historia europee e le su cultura il ha influentiate tote le mundo civilisate. Le position central del Europa, respecto al altere continentes, e le penetration del mar il ha sempre favorite le communication inter le populos del diverse regiones e le migration in direction del altere regiones del mundo. Pro le climate dulce, es densemente habitate.

Le origine del nomine Europa

Le nomine Europa deriva probabilemente ab le assiro Ereb (Grec Antique: Ἔρεβος - Tenebras o Erebo, filio de Chaos e fratre del Nocte) que significa "Terra del obscuritate": de facto pro le civilitate del Vicin Oriente le territorio europee se trovava a occidente, ubi se ha le poner del Sol. Le nomine Europa veni ab le mythologia, in grec Ευρώπη, que significa oculos grande, (ευρύς e ώψ), illa era le filia de Agenor rege de Tyro.

Le mytho de Europa

Zeus, inamorate de Europa, decideva de raper la; per non esser recognoscite ille se transformava in un splendide tauro blanc. Ille le appareva durante que Europa prendeva flores in ripa al mar. Notava le tauro que a illa se approximava, al initio Europa se espaventava ma le tauro se collocava al su pedes. Vidite que illo se lassava caressar, Europa montava sur le cruppa del tauro, que subito se jectava in le mar e la conduceva usque al insula de Creta. Zeus le appareva in le su ver semblantia e le revelava le su amor. Ab le union de Zeus et Europa nasceva tres filios: Minos, Sarpedon e Rhadamante. Le primogenito Minos deveniva rege de Creta e dava vita al cultura de Mycene, cuna del civilisation europee. Le nomine Europa, in epocha grec e roman era un termino geographic indefinite que comprendeva tote le terras circum le Mediterraneo. Secundo le geographo ionic Hecateo de Mileto (m.480 a. C.), le limite occidental del mundo grec era le Columnas de Hercules, a nord era le incognite region Hyperboree; e le limite oriental era le Asia Minor o Anatolia. Le Imperio roman era circummediterranee, plus tosto que europee. Assatis rarmente le autores latin cita le terminos "Europa" et "europeos". Le prime que usava le termino con un significate pertinente era, al fin del VI seculo, le abbate irlandese Sancte Colomban, futur fundator del abbatia de Bobbio, in le Appenino del Nord qui usava le expression tutus Europae in un littera adressate al Papa Gregorio Magne.

Nascentia del Europa como realitate unitarie

Depost le conquesta islamic del terras a sud del Mediterraneo (seculos VII e VIII), le termino "Europa" passava ad indicar le terras a nord del Mediterraneo, habitate ab le christianos. Le prime a referer se al Europa como le continente habitate ab le christianos era le monacho lusitan Isidoro Pacensis, que in un su opra componite depost le Battalia de Poitiers (732) ille scribeva:
(LA)
«Prospiciunt Europenses Arabum
 tentoria
, nescientes cuncta esse
pervacua.»
(IA)
«Le Europeos observa le tentas del Arabes, non sapente que tote era vacue.»
(Isidoro Pacensis, Chronicon)

(LA)
« Europenses vero … spoliis tantum et
 manubiis decenter divisis, in suas se laeti
recipiunt patrias. »
(IA)
  «Ma le Europeos … depost esser se  dividite equamente spolias e butino, retorna gaudiose in patria. »
(Isidoro Pacensis, Chronicon)
Le battalia assumeva presso le contemporaneos un grande valor symbolic: le Occidente christian, idealmente representate ab le Europa, habeva arrestate le expansion arabe; e inde Isidoro habeva usate le abjectivo "europee" pro attribuer un identitate collectiveal guerreros que habeva arrestate le invasores musulman.Le Europa deveniva un nove realitate politic con le Imperio de Carolo Magne. Inter le fin del VIII e le initio del IX seculo, al fin de trenta annos de guerras contra Longobardos, Avaros, Saxones e Slavos, nasceva un nove entitate in le qual convergeva le antique potentia de Roma, le autoritate spiritual del summe pontifice e le fortia del juvene populos germanic. Carolo, juvene rege franc (inde de stirpe germanic) fundava le Europa, que ab un generic expression geographic deveniva un grande Imperio in le cuje territorio circulava le mesme moneta, que adopta le latino como lingua official scripte e que professa un sol religion.
Historia

Le Europa es characterisate ab un longe historia de successos cultural et economic que ha initio in le etate del bronzo. Le origine del cultura occidental es debite al antique grec e al Imperio roman, que dominava le continente per multe seculos, que avantiava usque le Rheno e le Danubio. Depost le advenimento del Christianismo e le cadita del Imperio roman, le Europa entrava in un longe periodo de crise, le Medievo. In iste periodo on ha le expansion del Christianismo in Europa inter le V e le VIII seculo e multos communitate de monachos como le benedictinos salvava le conoscentias accumulate in precedentia, e le transcribeva. Le fin del Medievo on ha con le initio del Renascentia que ab Florentia se diffundeva in tote le Europa e le nascentia de nove Monarchias national que signava le initio de un periodo de nove discopertas, de viages de exploration e de disveloppamento scientific. In le XV seculo le Portugal aperiva le strata del discopertas geographic, presto sequite ab le Espania e ab Francia, Grande Britannia e Hollanda, que construeva vaste imperios colonial in le terras de Africa, America e Asia. In le seculo XVIII , on habeva le initio del luctas pro le libertate, in particular in Francia, con le su Revolution, que se propagava in le continente insimul al su ideas. Le nascentia del democratia accresceva le tension preexistente, debite al competition pro le conquesta del Nove Mundo. Napoleon Bonaparte resultava a formar un nove Imperio que habeva hegemonia in le Europa, que totevia non resisteva al guerras con le coalition de Russia, Austria, Prussia e Anglaterra. Con le Congresso de Vienna (1815), le Europa se stabilisava, anque se assi non esserea stato per sempre. In le decennios sequente le statos europee stabiliva un dominio technologic, cultural, politic et economic sur le resto del mundo, conquireva un enorme extension territorial in America, Africa, Asia e Oceania. In iste periodo nasceva anque nove ideologias politic, ante le romanticismo sequite pois ab le nationalismo, e le socialismo. Era un periodo de tension social, tenite in un precari stato de pace durante le fin del seculo gratia ad alliantias que divideva in duo le continente. In le 1914 tal tension conduceva al Prime Guerra mundial usque al 1918 e que videva le disfacta del duo imperios de Germania e Austria. Le pression social e politic inter le statos europee, depost le grande guerra, augmentava a tal puncto que portava al Secunde Guerra mundial, inter le potentias del Axe (Italia fasciste, Germania national-socialiste e in Asia ab le Imperio japonese) e le Alliatos (Grande Britannia, Francia e S.U.A.) e le Russia sovietic. Le duo guerras mundial, ante findeva e pois rumpeva le hegemonia del Europa sur le resto del planeta, e lassava assi le placia de leader mundial al Statos Unite contrastate ab le Union Sovietic. Ab le 1945 al 1989 le Europa se retrovava assi divise ab le linea de confinio (cortina de ferro) inter le bloco occidental-capitalistic e cello oriental-communista, situation terminate con le fin del communismo e le disintegration del URSS.
Geographia
Le continente europee es continite in le hemispherio boreal. Geographicamente le Europa es un parte del continente euroasiatic. Le confinio ad est in Russia initia ab le montes Urales, continua con le fluvio Ural, le mar Caspie e le catena del Caucaso, pois con le mar Nigre, le Bosphoro, le mar de Marmaris e le Dardanellos se conclude le confinio con le Asia. Le mar Mediterranee a sud separa le Europa ab le Africa, durante que al west le confinio es date ab le Oceano Atlantic. Iste frontieras ad est son solmente politic, social, economic e cultural, ma non geographic. Le parola Europa es a vice usate pro indicar le Union Europee e del su statos membros, que ab le 1 januario 2007 son 27. Le fluvios plus longe de Europa son: Volga, Danubio, Rheno, e le insulas major son: Grande Britannia, Islanda, Irlanda, Sicilia, Sardinia, Corsica, Creta e Cypro. Le punctos extreme del Europa son: Capo Nord in Norvegia, Puncta de Tarifa a Sud in Espania, le Montes Urales a Est in Russia, e Bjargtangar al west in Islanda. Le Europa es un insimul de peninsulas, le plus grande inter iste son le grande "terra firme" europee e al nord le Scandinavia, dividite ab le mar Baltic. Tres peninsulas minor, Iberia, Italia e Balkanes, son in le mar Mediterranee. Le regiones meridional, son in modo prevalente montuose, durante que, procede in direction del nord, le terreno descende ab le Alpes, Pyreneos, e Carpatos, in direction del altoplanos collinose e pois le ample e basse planas del nord, le Grande Plana Europee.

Population europee

Le population del Europa es de circa 800.000.000 de habitantes, distribuite sur un superficie de 10.180.000 km². Le densitate medie es equal a 70/km².Le Europa, anque essente un del continentes plus parve, es le plus densemente populate. Le causas de tal concentration son de multiplice factor, in prime loco le position geographic: le Europa es de facto quasi del toto incluse in le fasce temperate, e le 80% del territorio es utilisabile pro le agricultura e le activitate human. In le curso del seculos, le Europa il ha patite forte augmentos e diminution de population, ligate al evenimentos historic. Le prime datos certe remonta al initio del era christian, quando on estima que in Europa viveva circa 40 milliones de personas. Con le invasion del barbaros on habeva un forte diminution debite al guerras et epidemias. Circum al anno 1000 d.C., gratia al renascentia del agricultura e al reprisa economic, le population augmentava. A partir ab le XI seculo e usque le initio del XIV seculo il esseva in constante augmento: ab le circa 35 milliones de habitantes in le anno 1000, on arrivava a 80 milliones in le 1330. Al initios del 1700 le population se fixava sur le 120-125 milliones. Un del causas del augmento esseva le diminution del mortalitate infantil, pro le amelioramento del condition hygienic e sanitari del population, e del progresso economic. Ab celle data in pois le augmento demographic esseva continue: ab 180 milliones in le 1800, a 390 milliones in le 1900, usque a 700 milliones in le 2000.
Linguas europee
In Europa on parla multe linguas diverse ma le major parte appartine a un sol familia linguistic, cello Indoeuropee, que son parlate ab le India usque al Europa. Isto significa que quasi tote le linguas de Europa deriva ab un unic lingua-matre le “proto-indoeuropee” que veniva parlate ab le antique populos que colonisava le Europa in le III millennio a. C. Con le passar del tempore cata uno del nation del Europa il ha developpate un lingua proprie con sonos e characteristic particular. In Europa il ha tres grande gruppos de linguas indoeuropee: le Neolatin o romance derivate tote ab le latino vulgar parlate in le terras del Imperio roman, illos son: le italiano, le francese, le espaniol (con le catalan e le galiciano), le portugese, le romaniano e le rheto-romancio. Le linguas Germanic derivate ab le antique lingua parlate ab le populos que in le V seculo a. C. occupava le region inter le fluvios Rheno, Danubio e le Don; illos son: le german, le anglese, le nederlandese, le danese, le svedese, le norvegian e le islandese. Le linguas Slave, illos son: le russo, le ukraino, le belarus, le polonese, le tchec, le slovaco, le sloveno, le serbo-croate, le bulgare con le macedone, illos son characteristic del populos del Europa sud- oriental. Alteres parve linguas indoeuropee son: in le peninsula balkanic on trova duo linguas multe antique e isolate le grec e le albanese. In le nord-west del Europa, in areas multe restricte de Irlanda, Scotia, Galles e in Bretania, supervive le linguas celtic, le gaelic, le gallese e le breton, iste idiomas, son le restos del antique lingua parlate ab le Celtas inter le 1000 e le III seculo a. C. in quasi tote le Europa occidental. In le republicas de Lituania e Latvia, on parla linguas del parve gruppo linguistic “Baltic”. Non tote le linguas europee appartene al familia indoeuropee: le hungare, le finlandese, e le estone face parte del gruppo del linguas “Ugro-finnic”; le turc con le azero, appartene al familia del linguas “Uralo-altaic”, parlate in Asia. In le area del Caucaso, il ha multe linguas de varie familias, le plus importante es cello del linguas “Caucasic” a cuje appartene, inter le tante, le georgian e le tchetchen. Il ha anque linguas de typo iranic (indoeuropee) como: le kurdo, le ossetio e le armenio. In Espania, inter le Pyreneos il ha un antique populo, que parla un mysteriose lingua le Basco o Euskadi, que non es apparentate con necun altere lingua europee.
Religiones de Europa:
In Europa, le religion plus importante es le Chistianismo, inter le qual il ha varie doctrinas:
Catholic: in Italia, Francia, Espania, Portugal, Irlanda, Belgica, Polonia, Lituania, Hungaria, Croatia, Republica Tchec, Slovachia, Austria e Germania del Sud.
Evangelic – Lutheran: in Germania, Danmark, Svedia, Norvegia, Islanda, Finlandia, Estonia, Latvia, Helvetia e parve gruppos in Hungaria, Slovachia e Romania.
Anglican: solmente in Grande Britannia.
Reformate – Calviniste: in Helvetia, Nederland, Anglaterra, e Scotia (Presbyterian).
Orthodoxe: in Russia, Ukraina, Belarus, Bulgaria, Serbia, Romania, Grecia, e Georgia.
Ultra le Christianismo, il ha in Europa, alteres duo religion monotheistic, installate in le seculos passate in varie areas de Europa: le Hebraic, in multe statos europee; e leMusulman, stabilite per le turcos in le Thacia oriental, in Albania e in Bosnia- Herzegovina.
Flora e fauna
Habente vissite flanco a flanco con le civilisation agricole e industrial pro millennios, animales e plantas europee son signate ab le presentia e activitate del homine. Con le exception del Scandinavia e del Russia, hodie on pote trovar pauc areas natural e salvage in Europa, excepte le parcos natural. Le principal vegetation natural que recoperi le Europa es le foresta. Le condition per le su crescita son multe favorabile. A nord, le Currente del Gulfo caleface le continente, a sud le climate es mediterranee, con frequente siccitate estive in iste region. Olim le Europa era coperite inter le 80% e le 90% ab le forestes, que se extendeva ab le Mediterraneo al Arctic. Ben que plus del medietate del forestes originari sia disparite, le Europa il ha ancora plus de un quarte parte del forestas mundial. Le plantation e le monoculturas ora coperi vaste areas e isto offere pauc habitat pro le specie animales originari del forestas europee. Le arbores plus importante son le fago, le betula, le coniferes e le querco. In le Mediterraneo, son commun le pinos, le olivos e le cypressos. In le nord de Russia e Scandinavia, il ha le taiga e vicin al Arctic, le tundra. Un stricte lingua del prateria euroasiatic, le steppa, se extende ab le Ukraina e le Russia meridional in direction del Hungaria. Son endemic del Europa duo specie de palmas, le Chamaerops humilis, e le Phoenix theophrasti o dactylo de Creta. Le le presentia del homine, il ha influentiate le fauna europee. In multe partes del Europa, predator e grande animales son state chassate usque al extinction. Hodie, lupos e ursos son a risco de extinction, dum un tempore se trovava quasi ubique in le Europa. Altere carnivore son le lynce, cattos salvage, vulpes, mustelas, il ha anque mammiferos, como: cervos, camoce, capreolos, muflon, e porcos salvage, e in le mar balenas e delphinos.

Statos europee



Le Europa il ha 50 statos indipendente, in le lista sequente (inter parenthese le capital).
Albania (Tirana); Andorra (Andorra la Vella); Armenia (Yerevan); Austria (Vienna); Azerbaijan (Baku); Belarus (Minsk); Belgica (Bruxelles); Bosnia-Herzegovina (Sarajevo); Bulgaria (Sofia); Citate del Vaticano; Croatia (Zagreb); Cypro (Nicosia); Danmark (Copenhagen); Espania (Madrid); Estonia (Tallin); Finlandia (Helsinki); Francia (Paris); Georgia (Tbilisi); Germania (Berlin); Grecia (Athenas); Hungaria (Budapest); Irlanda (Dublin); Islanda (Reykjavik); Italia (Roma); Latvia (Riga); Liechtenstein (Vaduz); Lituania (Vilnius); Luxemburgo (Luxemburgo); Macedonia (Skopje); Malta (La Valletta); Moldavia (Chisinau); Montenegro (Podgorica); Norvegia (Oslo); Pais Basse (Amsterdam); Polonia (Varsovia); Portugal (Lisbona); Monaco (Monaco); Regno Unite (London); Republica Tchec (Praga); Romania (Bucarest); Russia (Moscova); San Marino (San Marino); Serbia (Beograd); Slovachia (Bratislava); Slovenia (Lubliana); Svedia (Stockholm); Suissa (Bern); Turchia (Ankara); Ukraina (Kiev);